tengrinews.kz
ايەل كۇيەۋىنىڭ بانك شوتىن تەكسەرمەك بولىپ، كونستيتۋسيالىق سوتقا دەيىن جەتتى
ەلىمىزدە ەرلى-زايىپتىلاردىڭ بانك قۇپياسىنا قول جەتكىزۋ مۇمكىندىگىنە قاتىستى ماڭىزدى ماسەلە كونستيتۋسيالىق سوتتىڭ قاراۋىنا ءتۇستى. بۇل جاعدايعا ءبىر ازاماتشانىڭ شاعىمى سەبەپ بولدى. سوت ەندى «بانكتەر جانە بانك قىزمەتى تۋرالى» زاڭنىڭ 50-بابى 4-تارماعىنىڭ كونستيتۋسياعا سايكەستىگىن تەكسەرەدى.
بۇل تۋرالى Infohub.kz اقپارات اگەنتتىگى حابارلايدى.
بانك قۇپياسى مەن نەكەدەگى مۇلىك
اتالعان زاڭ نورماسىنا سايكەس، بانك قۇپياسىن قۇرايتىن مالىمەتتەر تەك كليەنتكە نەمەسە شوت يەسىنىڭ (مۇلىكتىڭ) كەلىسىمىمەن ءۇشىنشى تۇلعاعا عانا اشىلۋى ءتيىس.
الايدا، شاعىمدانۋشى قازاقستاندىق ايەل بۇل ەرەجەنىڭ نەكەدە بىرگە تاپقان جيناقتار تۋرالى اقپارات الۋعا مۇمكىندىك بەرمەيتىنىن جانە ەرلى-زايىپتىلاردىڭ ورتاق مۇلكى ۇلەسىن الۋ قۇقىعىنا كەدەرگى كەلتىرەتىنىن العا تارتتى.
اجىراسقاننان كەيىنگى قيىندىق
ارىز يەسىنىڭ ايتۋىنشا، اجىراسقاننان كەيىن ول بۇرىنعى كۇيەۋىمەن نەكە كەزىندە جيناعان قارجىلىق قاراجاتتارىن ءبولىسۋ تۋرالى تالاپ ارىز دايىنداعان. ءبىراق، سول كەزدە كۇيەۋىنىڭ جيناقتارى تۋرالى اقپاراتتى الا الماعان.
ايەل ەكىنشى دەڭگەيلى بانكتەرگە بۇل مالىمەتتەردى بەرۋدى مىندەتتەۋ تۋرالى سوتقا جۇگىنگەن. الايدا، سوت ونىڭ تالاپ-ارىزىن قاناعاتتاندىرۋدان باس تارتقان.
كونستيتۋسيالىق سوتتىڭ شەشىمى
كونستيتۋسيالىق سوت وتىرىسىنا ارىز يەسى مەن ونىڭ زاڭگەرى، پارلامەنت پالاتالارىنىڭ، باس پروكۋراتۋرانىڭ، ۇلتتىق بانكتىڭ، قارجى نارىعىن رەتتەۋ جانە دامىتۋ اگەنتتىگىنىڭ، ادىلەت مينيسترلىگىنىڭ، زاڭناما جانە قۇقىقتىق اقپارات ينستيتۋتىنىڭ، سونداي-اق پارلامەنتاريزم ينستيتۋتىنىڭ وكىلدەرى قاتىستى.
كونستيتۋسيالىق سوتتىڭ قورىتىندى شەشىمى ونىڭ رەسمي سايتىندا، سونداي-اق «ەگەمەن قازاقستان» جانە «كازاحستانسكايا پراۆدا» گازەتتەرىندە جاريالانادى. بۇل جاعدايدىڭ قالاي شەشىلەتىنىن ءبىز دە باقىلاۋدا ۇستايمىز.
-
Iran has outlined three key conditions for restarting negotiations with the United States، amid ongoing regional tensions.
-
A Kazakh woman's fight for access to joint savings after divorce has reached the Constitutional Court، questioning bank secrecy laws.
