tengrinews.kz
ايەلى كۇيەۋىن قۇتقارام دەپ كىسى ءولتىردى: سوت ونى بوساتتى
اباي وبلىسىندا ايەلدىڭ ءىسى قايتا قارالدى. ول كۇيەۋىنە شابۋىلداعان ەر ادامدى ولتىرگەنى ءۇشىن سوتتالعان بولاتىن.
بۇل تۋرالى Infohub.kz اقپارات اگەنتتىگى حابارلايدى.
قىلمىستىق ىستەر جونىندەگى كاسساسيالىق سوتتىڭ حابارلاۋىنشا، وقيعا 2024 جىلدىڭ شىلدەسىندە بولعان. ءىس ماتەريالدارىنا سايكەس، ايەل جۇبايىن قۇتقارۋعا تىرىسقان. كونفليكت كەزىندە شابۋىلداۋشى ەر ادام ونىڭ موينىن اياعىمەن باسىپ، بۋىندىرعان. سول كەزدە ايەل اعاش كەسەگىمەن ەر ادامنىڭ باسىنان ۇرعان. سوققىدان شابۋىلداۋشى قازا تاپقان.
ءبىرىنشى ساتىداعى سوت قازاقستاندىقتى جابىرلەنۋشىنىڭ ابايسىزدا ولىمىنە اكەپ سوقتىرعان قاساقانا دەنساۋلىققا اۋىر زيان كەلتىرگەنى ءۇشىن كىنالى دەپ تانىپ، 6 جىل باس بوستاندىعىنان ايىرۋ مەرزىمىن تاعايىندادى. سونداي-اق، ول مورالدىق زياندى وتەۋ ءۇشىن 3 ميلليون تەڭگە تولەۋگە مىندەتتەلدى. اپەللياسيالىق سوت ۇكىمدى وزگەرتپەدى.
قاجەتتى قورعانىس شەگىنەن اسىپ كەتتى
كاسساسيالىق سوتتا قورعاۋشى تاراپ ايەلدىڭ كۇيەۋىن قورعاۋ ءۇشىن ارەكەت ەتكەنىن جانە ونىڭ ارەكەتتەرى جەڭىل باعالانۋى كەرەك ەكەنىن العا تارتتى.
كاسساسيالىق سوت ونىڭ جۇبايىن قورعاعانىن مويىندادى. الايدا، سۋديالار قاجەتتى قورعانىس شەگىنەن اسىپ كەتكەنىن – اۋىر زاتپەن باسىنان ۇرعانىن اتاپ ءوتتى.
سونىمەن قاتار، سوتتا جەڭىلدەتەتىن ءمان-جايلار ەسكەرىلدى: وكىنۋ، كامەلەتكە تولماعان بالانىڭ بولۋى، III توپتاعى مۇگەدەكتىك، سونداي-اق جانجالدى مارقۇمنىڭ ءوزى تۋدىرعانى.
ناتيجەسىندە، ءىس جەڭىل باپقا قايتا جىكتەلىپ، 1 جىل باس بوستاندىعىنان ايىرۋ جازاسى تاعايىندالدى. بۇل مەرزىمدى ايەل وتەپ قويعاندىقتان، ونى سوت زالىنان بوساتتى.
-
مينيستەرستۆو پروسۆەششەنيا كازاحستانا انونسيروۆالو ۆۆەدەنيە ترەح نوۆىح پرەدمەتوۆ ۆ شكولنۋيۋ پروگراممۋ دليا پوۆىشەنيا كاچەستۆا وبرازوۆانيا.
-
A court has overturned a previous sentence for a woman who killed an attacker while defending her husband، releasing her from prison.
