InfoHub Logo

تانىمال قازاقستاندىق ازىلكەش قاجەت سماعۇل جەكە ومىرىندەگى جاڭالىقپەن ءبولىسىپ، ەلدى ەلەڭ ەتكىزدى. ول وزىنەن 25 جاس كىشى ايەلمەن شاڭىراق كوتەرگەنىن مەڭزەپ، الەۋمەتتىك جەلىدەگى جازباسى كوپشىلىكتىڭ قىزۋ تالقىسىنا اينالدى.

بۇل تۋرالى Infohub.kz اقپارات اگەنتتىگى حابارلايدى.

بۇعان دەيىن قاجەت سماعۇل وزىنەن 25 جاس كىشى جانمەن وتاۋ قۇرعانىن يشارالاپ، جازبا قالدىرعان بولاتىن. الايدا، ول كەزدە تولىق اقپارات بەرمەي، جاعدايدى جۇمباق كۇيىندە قالدىرعان ەدى. "كوپ ادام سەزىپ جۇرگەن شىعار… وزىمنەن 25 جاس كىشى…. جۇرەگىم تىنىش… كوزىم باقىتتى… قالعانىن كەيىن ايتامىن. ازىرگە ءبارىن ايتپاي-اق قويايىن…"، - دەپ جازعان ازىلكەش.

جەلىدەگى داۋلى پىكىرلەر

بۇل جازبا جەلىدە قىزۋ تالقىلانىپ، وقىرماندار ەكىگە ايىرىلدى. ءبىرى ازىلكەشتى قۇتتىقتاپ جاتسا، ەندى ءبىرى جاس ايىرماشىلىعىنا بايلانىستى سىن پىكىرلەر ايتتى. كەيبىر قولدانۋشىلار ونىڭ يتالياندىقتار سياقتى باي ەمەستىگىن العا تارتتى.

وسىدان كەيىن قاجەت سماعۇل وزىنە ايتىلعان پىكىرلەرگە جاۋاپ بەرىپ، جاعدايدى تۇسىندىرۋگە تىرىستى. ونىڭ ايتۋىنشا، كوپشىلىك جازبانى ءارتۇرلى قابىلداعان. "25 جاس كىشى دەپ پوست سالىپ ەدىم، قازاقستان ەكىگە ءبولىندى. جەردەن الىپ جەرگە سالىپ جاتقاندار دا، قۇتتىقتاپ جاتقاندار دا بار. يتالياندىق سياقتى باي ەمەسسىڭ عوي دەيتىندەر بار. ايەلىمنىڭ فوتوسىن سالامىن با دەپ ويلاعان ەدىم. ءبىراق مىناداي نەگاتيۆكە ۇرىنىپ، كوڭىلى ءتۇسىپ قالا ما دەگەن وي بار"، - دەدى ول.

قاجەت سماعۇل كىم؟

قاجەت سماعۇل – قازاقستاندىق اكتەر، ازىلكەش ءارى كوپشىلىككە ەكران مەن ساحنا ارقىلى تانىلعان ونەر يەسى. ول كورەرمەنگە كومەديالىق رولدەرىمەن، جەڭىل يۋمورىمەن جانە قازاقى قالجىڭدى جەتكىزۋ مانەرىمەن تانىس. اسىرەسە، "بيزنەس پو-كازاحسكي" فيلمىندەگى رولىمەن كوپشىلىكتىڭ ىقىلاسىنا بولەندى. ونەر جولىندا ءازىل مەن اكتەرلىكتى قاتار الىپ ءجۇرىپ، حالىققا جاقىندىعىمەن ەرەكشەلەنەدى.

ازىلكەش الەۋمەتتىك جەلىدە دە بەلسەندى. ونىڭ جەكە ومىرىنە قاتىستى جازبالارى ءجيى تالقىلانىپ جاتادى. جاقىندا عانا وزىنەن 25 جاس كىشى ايەلگە ۇيلەنگەنىن مەڭزەپ، قوعامدا قىزۋ پىكىرتالاس تۋدىردى. دەگەنمەن، ول جارىنىڭ سۋرەتىن جاريالاۋعا اسىقپايتىنىن، سەبەبى جەلىدەگى جاعىمسىز پىكىرلەردىڭ جاقىن ادامىنىڭ كوڭىلىنە اسەر ەتۋى مۇمكىن ەكەنىن ايتتى.