InfoHub Logo

اينۇر تۇرسىنبايەۆانىڭ جاس كۇيەۋى نۇرجان يمانالييەۆ ءوزىنىڭ Instagram پاراقشاسىندا بۇرىنعى نەكەسىنەن تۋعان قىزدارى ايشا مەن انيسانى كورسەتتى. ول سۇيىكتى جارىنىڭ بالالارىنا قامقورلىق جاساپ، ولارمەن جاقسى قارىم-قاتىناس ورناتقانىن ايتىپ، العىسىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

نۇرجان يمانالييەۆتىڭ ايتۋىنشا، قىزدارى – ونىڭ ومىرىندەگى ەڭ ۇلكەن باقىتى. ول بىلاي دەپ جازدى: "قىز بالا – اكەسىنىڭ جۇرەگىندەگى ەڭ نازىك امانات. اللا ماعان ۇلكەن نىعمەتتەرىن بەردى. مەنىڭ ايشا مەن انيسا اتتى ەكى قىزىم بار. بۇل دۇنيەدە مەن ءوزىم ءۇشىن ەمەس، كوبىنە سول بالالارىمنىڭ بولاشاعى ءۇشىن ۋايىمدايمىن. ويتكەنى اتا-انا ءۇشىن بالاسىنىڭ اماندىعى مەن باقىتى بارىنەن قىمبات. ايشا، انيسا جانە ماعدي – مەنىڭ ەڭ ۇلكەن بايلىعىم. دۇنيەدەگى بارلىق جەتىستىك پەن بايلىق بالانىڭ اماندىعىنىڭ الدىندا تۇك ەمەس".

جەلىدەگى پىكىرلەر

بۇل جازبا جەلى قولدانۋشىلارىنىڭ جىلى لەبىزدەرىنە يە بولدى. كوپشىلىك نۇرجاننىڭ بالالارعا دەگەن مەيىرىمدىلىگىن جوعارى باعالاپ، اينۇر تۇرسىنبايەۆاعا دا ريزاشىلىعىن ءبىلدىردى. كەيبىر پىكىرلەردە: "قانداي كۇشتى، ءبىراق قاسىندا تۇرماعاسىن، قانشا بارىپ كوڭىل بولسەڭ دە، ولاردىڭ جۇرەگى جارالى"، "قىزدارىڭىز با، سۇيكىمدى ەكەن"، "اينۇر اپكەمىزگە دە ۇلكەن راحمەت! ەركىن كەزدەسۋلەرىنە رۇقسات بەرگەن! ايەل قارسى بولسا قيىن! اينۇر اپكەمىز التىن!" دەپ جازىلدى.

نۇرجان يمانالييەۆ بالالاردىڭ اناسى تۋرالى سۇراعاندارعا: "ۇيلەرىندە شىعار، مۇمكىن جۇمىستارىندا"، دەپ جاۋاپ بەرگەن. ال اينۇر تۇرسىنبايەۆانىڭ ءوزى جانىندا ەكەنىن ايتتى.