InfoHub Logo

كىتاپحانا ءبىلىمنىڭ، يدەيانىڭ جانە تاريحتىڭ بايلىعىن تاباتىن ورىن. بىرنەشە عاسىرلار بويى ولار اقىل-وي قويماسى، عالىمدار مەن ستۋدەنتتەر ءوز كوكجيەكتەرىن كەڭەيتە الاتىن ورىندار رەتىندە قىزمەت ەتىپ كەلە جاتىر. وسىنداي كەرەمەت كىتاپحانالاردىڭ ءبىرى الماتى قالاسىنىڭ قاق ورتاسىندا ورنالاسقان ءال-فارابي اتىنداعى قازاق ۇلتتىق ۋنيۆەرسيتەتىنىڭ (قازۇۋ) كىتاپحاناسى.  1934 جىلى ۋنيۆەرسيتەت قۇرىلعاننان باستاپ جۇمىس جاساپ كەلە جاتقان ءال-فارابي كىتاپحاناسى ءبىلىم، مادەنيەت جانە پروگرەسس توعىساتىن ورىن جانە سودان بەرى ورتالىق ازياداعى ەڭ ماڭىزدى كىتاپحانالاردىڭ ءبىرى ەكەندىگى راس.

كىتاپحانا الماتى قالاسىنىڭ قاق ورتاسىندا ورنالاسقان قازاق ۇلتتىق ۋنيۆەرسيتەتىنىڭ جانىنان ياعني، وسى قالاشىقتان اشىلعان ءوز كەلۋشىلەرىنە 3 ميلليوننان استام كىتاپتار، عىلىمي جۋرنالدار، مونوگرافيالار ۇسىنا الاتىن سونداي-اق ستۋدەنتتەردىڭ، عالىمداردىڭ جانە جاي عانا ىزدەنىمپاز كەلۋشىلەردىڭ سۇراقتارىنا جاۋاپ تابۋعا مۇمكىندىك بەرەتىن بىردەن - ءبىر ورىن. مۇندا قازاق، ورىس، اعىلشىن جانە باسقا دا كوپتەگەن تىلدەردەگى كىتاپتار، جۋرنالدار، ديسسەرتاسيالار، ەلەكتروندىق رەسۋرستار مەن مۋلتيمەديالىق ماتەريالداردى تابۋعا بولادى. كىتاپحانا الەمدەگى باسقا كىتاپحانالارمەن جانە وقۋ ورىندارىمەن بەلسەندى جۇمىس ىستەيدى، تاجىريبە مەن ماتەريالدارمەن الماسادى، بۇل ءوز كوللەكسياسىن جوعارى دەڭگەيدە ۇستاۋعا مۇمكىندىك بەرەدى. ول قازاقستان مەن ورتالىق ازيانىڭ ءىرى كىتاپحانالارىنىڭ ءبىرى بولىپ تابىلاتىندىقتان، ونىڭ كوللەكسيالارىندا قازاقستان مەن باسقا وڭىرلەردىڭ تاريحى مەن مادەنيەتىنىڭ باي مۇراعاتى جيناقتالعان. سونىمەن قاتار، قازۇۋ ۋنيۆەرسيتەتىنىڭ كىتاپحاناسىنان ستۋدەنتتەر مەن عىلىمي قىزمەتكەرلەرگە قاشىقتىقتان قول جەتىمدى ەلەكتروندىق رەسۋرستار مەن مالىمەتتەر بازاسىنىڭ دامىعان جەلىسىن تابا الامىز. EBSCO، Springer، Elsevier سەكىلدى الەمدەگى ەڭ ءىرى باسپالاردىڭ جازىلۋ دەرەكقورلارىنا جانە ەلەكتروندىق كىتاپتارىنا، سونداي-اق باسقا رەسۋرستارعا قول جەتكىزۋگە شەكسىز مۇمكىندىكتەردى ۇسىنادى. ماتەريالدارعا قول جەتكىزۋدى جەڭىلدەتۋ جانە پايدالانۋشى تاجىريبەسىن جاقسارتۋ ءۇشىن ءموبيلدى قوسىمشالار مەن پلاتفورمالار دا دامىپ كەلەدى.

كىتاپحانا كىتاپتار مەن عىلىمي جۋرنالداردىڭ باي جيناعىنا قول جەتكىزىپ قانا قويماي، سونىمەن قاتار شىعارماشىلىق اتموسفەرادا ۋاقىت وتكىزۋگە، ساۋلەت پەن ونەردىڭ سۇلۋلىعىنان ءلاززات الۋعا جانە ءبىلىم مەن مادەنيەتتىڭ ءبىر نۇكتەدە قالاي بىرىكتىرىلگەنىن كورۋگە بولاتىن ورىن. مۇندا دارىستەر، كىتاپتاردىڭ تۇساۋكەسەرلەرى، مادەني ءىس-شارالار مەن كورمەلەر وتكىزىلەدى. كىتاپحانادا ءىس-شارالاردى وتكىزۋگە ارنالعان ارنايى زالدار، سونداي-اق ستۋدەنتتەر، پروفەسسورلار مەن قوناقتاردىڭ جۇمىستارى قويىلعان كورمە زالدارى دا بار. بۇل قاتىسۋشىلار اراسىندا ءبىلىم، يدەيا جانە تاجىريبە الماسۋعا ىقپال ەتەدى، سونىمەن قاتار كەلۋشىلەرگە عىلىم مەن مادەنيەتتەگى جاڭا اعىمدارمەن تانىسۋعا مۇمكىندىك بەرەدى.

قورىتىندىلاي كەلە، قازۇۋ ۋنيۆەرسيتەتىنىڭ كىتاپحاناسى - 90 جىلعا جۋىق ۋاقىت بويى كەلۋشىلەردى قۋانتىپ كەلە جاتقان قازاقستاندىق ءبىلىم مەن مادەنيەتتىڭ ءىنجۋ-مارجانى. بۇل تەك كىتاپتارى بار عيمارات ەمەس، بۇل بارلىق ادامدار ءۇشىن اشىق ءبىلىم مەن مادەنيەتتىڭ بۇكىل الەمى دەسەك بولادى. تاريحي مۇرانى، زاماناۋي تەحنولوگيانى جانە بەلسەندى الەۋمەتتىك ءومىردى بىرىكتىرە وتىرىپ، كىتاپحانا ءبىلىم مەن يدەيالار ەركىن اينالاتىن جانە ادامدار جاڭا اشىلۋلار مەن جەتىستىكتەرگە شابىتتاندىراتىن ورىنعا اينالادى. كىتاپحانا - يدەيالاردى، عىلىمدى جانە مادەنيەتتى بىرىكتىرىپ، وقۋعا، شىعارماشىلىققا جانە قارىم-قاتىناسقا ەرەكشە جاعداي جاسايدى. بۇل ەڭ قيىن سۇراقتارعا جاۋاپ تابۋعا جانە كوكجيەگىڭىزدى كەڭەيتۋگە بولاتىن  زەرتتەۋگە شابىتتاندىراتىن ورىن بولىپ ەسەپتەلەدى.

راحيمباي نازەركە اقپاراتتىق قاۋىپسىزدىك جۇيەلەرى
ماماندىعىنىڭ 1 كۋرس ماگيسترانتى
اعا وقىتۋشى ورازبايەۆا ا.س.                                                                       

---