InfoHub Logo

قازاقستاننىڭ ءبىرىنشى راكەتكاسى، الەمنىڭ 10-شى راكەتكاسى الەكساندر بۋبليك جەنيەۆاداعى ATP 250 ءتۋرنيرىنىڭ فينالىنا شىعا المادى. ول جارتىلاي فينالدا امەريكالىق لورنەر تەنگە (الەمدىك رەيتينگتە 20-ورىندا) ءۇش سەتتە ەسە جىبەردى: 6:1، 4:6، 7:6(5).

بۇل تۋرالى Infohub.kz اقپارات اگەنتتىگى حابارلايدى.

ءۇشىنشى شەشۋشى سەتتە بۋبليك 2:0 ەسەبىمەن العا شىققانىمەن، باسىمدىقتى ۇستاپ قالا المادى. تاي-برەيكتە جەڭىلىپ، فينالعا شىعۋ مۇمكىندىگىنەن ايرىلدى.

ماچتىڭ ستاتيستيكاسى

كەزدەسۋ 1 ساعات 37 مينۋتقا سوزىلدى. وسى ۋاقىت ىشىندە قازاقستاندىق تەننيسشى 10 ەيس جاساپ، 5 قوس قاتە جىبەردى. ال امەريكالىق قارسىلاسى 1 ەيس پەن 5 قوس قاتە جاسادى.

فينالداعى كەزدەسۋ

فينالدا تەن ارگەنتينالىق ماريانو ناۆونەمەن (42ء-شى راكەتكا) كەزدەسەدى. ناۆونە ەكىنشى جارتىلاي فينالدا نورۆەگيالىق كاسپەر رۋۋدتى (17ء-شى راكەتكا) 7:5، 6:2 ەسەبىمەن جەڭدى.

بۇعان دەيىنگى ويىندار

شيرەك فينالدا بۋبليك الەمنىڭ 24ء-شى راكەتكاسى، فرانسۋز ارتۋر ريندەركنەشپەن كەزدەسىپ، العاشقى سەتتە 5:7 ەسەبىمەن جەڭىلگەنىمەن، كەيىن ەكىنشى جانە ءۇشىنشى سەتتەردە 6:4، 6:2 ەسەبىمەن باسىم ءتۇسىپ، 2:1 ەسەبىمەن جەڭىسكە جەتكەن بولاتىن.

ءتۋرنيردىڭ جۇلدە قورى

ATP Gonet Geneva Open ءتۋرنيرىنىڭ جالپى جۇلدە قورى – 612 مىڭ ەۋرونى قۇرايدى. جەڭىمپاز 93 مىڭ ەۋرو الادى. وتكەن جىلى بۇل تۋرنيردە سەربيالىق تەننيسشى نوۆاك دجوكوۆيچ توپ جارعان ەدى.