الەمدەگى ەڭ قىمبات تاعامدار
كەيدە دەليكاتەستەر مەن سيرەك ونىمدەردى تاتۋ ءۇشىن ون ەسە ارتىق تولەۋگە دايىن تۇراتىنىمىز بار. الايدا، بىرنەشە مىڭ دوللار تۇراتىن تاعام قۇنىن اقتاۋ ءۇشىن قانداي بولۋى كەرەك؟
كەز كەلگەن ءامياندى جۇقارتا الاتىن ەڭ قىمبات ءتۇرلى تاعام مەن ونىمدەردى نازارلارىڭىزعا ۇسىنامىز.
ەڭ قىمبات تۇشپارا
ەڭ قىمبات تۇشپارالار برونكس اۋدانىندا ورنالاسقان، ورىس ەميگرانتتارىنا ارنالعان Golden Gates مەيرامحاناسىندا بەرىلەدى. تاعامنىڭ قىمبات بولۋى ونىڭ قۇرامىنداعى بۇزاۋ، بۇلان جانە شوشقا ەتىنە، سونىمەن قاتار تەرەڭ سۋدا مەكەن ەتەتىن الاۋ-بالىقتىڭ تەمىرىنە بايلانىستى. ءدال وسى تەمىردىڭ اسەرىنەن تۇشپارا كوك-جاسىل جارىق شىعارادى. سەگىز تۇشپارا پورسياسى 2 400$، ال 16 تۇشپارا 4 400$ تۇرادى.
ەڭ قىمبات كارتوپ
كارتوپتىڭ ءوزى دەليكاتەس بولا الادى، ەگەر ول La Bonnotte سورتى بولسا. ول اتلانت مۇحيتىنداعى نۋرمۋاتە دەپ اتالاتىن فرانسۋز ارالىندا وسىرىلەدى ەكەن. ونىڭ قۇندىلىعى داقىلداردىڭ كۇتۋ تاسىلىنە بايلانىستى قىمبات باعالانادى. كارتوپ القاپتارى ۇرپاقتان ۇرپاققا بەرىلىپ وتىرعان تەحنولوگيا بويىنشا وسىرىلەدى — تەڭىز بالدىرلارىمەن عانا تىڭايتىلادى. بۇل سورتتى تەك قولمەن وتىرعىزادى جانە جينايدى، ونىڭ كيلوگراممى شامامەن 500 ەۋرونى قۇرايدى.
La Bonnottە-دەن جاعىمدى جاڭعاق ءدامى مەن ليموننىڭ حوش ءيىسى اڭقىپ تۇرادى. سورتتى 1930-شى جىلدارى شىعاردى، ءبىراق العاشقى ونجىلدىقتا ول سۇرانىسقا يە بولعان جوق. 1995 جىلى سيرەك كارتوپتىڭ اينالاسىنداعى دۇرلىكپە پايدا بولدى: سول كەزدىڭ وزىندە 1 كگ كارتوپ ءۇشىن ءبىرىنشى رەت رەكوردتىق باعا — 475 $ ورناتىلدى، سودان بەرى باعاسى وسۋدە.
ەڭ قىمبات ساڭىراۋقۇلاق
اق تريۋفەلدەر — الەمدەگى ەڭ قىمبات تاعام بولىپ ەسەپتەلىنەدى. وسىنداي ءبىر ساڭىراۋقۇلاقتىڭ باعاسى ەكى مىڭ ەۋرونى قۇرايدى. بۇل تريۋفەلدەردىڭ ەرەكشە ءيىسى بار، ءبىراق يىسىنە قاراماستان بۇل ساڭىراۋقۇلاقپەن بارلىق تاعامداردى قوسىپ جەي بەرەدى. جاھاندىق جىلىنۋ مەن ينسەكتيسيدتەردى پايدالانۋدىڭ كەسىرىنەن تريۋفەلدەر ازايىپ كەلەدى، سول سەبەپتى قولجەتپەس ازىققا اينالۋدا.
ەڭ قىمبات سيىر ەتى
جاپوندىق ءمارمار سيىر ەتىنەن دايىندالاتىن Wagyu ستەيكى — الەمدەگى ەڭ ءدامدى، تانىمال جانە قىمبات دەليكاتەستەردىڭ ءبىرى. ول تاڭعاجايىپ حوش ءيىستى، مارمارلىگى ا4-كە تەڭ ( ەڭ جوعارعى كورسەتكىش ا5) جانە كەرەمەت مايلى تەكستۋراعا يە. جاپونيادا ۆاگيۋ تۇقىمىنىڭ تازا قاندى بۇقاشىقتارىنا اسقان سىيلاستىقپەن قارايدى: ولارعا ماسساج جاسايدى، سىرامەن سۋارادى، كلاسسيكالىق مۋزىكا قويىپ بەرەدى. 1 كگ ەت قۇنى 450 دوللارعا دەيىن جەتەدى.
ەڭ قىمبات ىرىمشىك
ەڭ قىمبات ىرىمشىكتەردىڭ ءبىرى — ءبىر جەردە عانا — شۆەسياداعى Moose House فەرماسىندا وندىرىلەتىن بۇلان سۇتىنەن الىنعان ىرىمشىك. ونى دايىنداۋ ءۇشىن بۇلان ءسۇتى قولدانىلادى. بۇلاننىڭ ىرىمشىگىنىڭ ءتۇسى اق، سىرتتاي فەتا ىرىمشىگىنە ۇقسايدى. مۇنداي ىرىمشىكتىڭ 1 كگ-ى 1 000 ەۋرو تۇرادى جانە ول شەكتەۋلى مولشەردە وندىرىلەدى.
ەڭ قىمبات ۋىلدىرىق
قۇرتپا (قورتپا)-البينوس — كاسپيي تەڭىزىن مەكەندەيتىن ۇلكەن بەكىرە بالىعى. ونىڭ قۇنىنىڭ اسقاقتاعان سەبەبى قۇرتپا-البينوس التىن ءتۇستى ۋىلدىرىعىن 100 جىلدا ءبىر رەت شاشادى ەكەن. 1 كگ ۋىلدىرىق 8500 ەۆرو تۇرادى.
ەڭ قىمبات سورپا
قارلىعاشتىڭ ۇياسى وسىمدىك قوسپالارىسىز تەك سىلەكەيدەن عانا تۇرادى. سوندىقتان ولاردىڭ ۇياسى — جۇڭگو اسحاناسىندا دەليكاتەس سانالادى. قارلىعاشتىڭ ۇيالارىن جيناۋ — وتە ءقاۋىپتى جۇمىس، سوندىقتان بولار تاعامنىڭ باعاسى اسقاقتاپ تۇر. قۇستار ۇيالارىن بيىك جارتاستارعا سالادى. ال جارتاسقا ورمەلەۋ وڭاي ءىس ەمەس. مۇنداي دەليكاتەستىڭ قۇنى 1 كگ ءۇشىن 3 000$ دەيىن باعالانادى.
ەڭ قىمبات كوفە
كوپي-ليۋۆاك كوفەسىنىڭ داندەرىن ءوندىرۋ پروسەسى: ۆيۆەرر تۇقىمداس مۋسانگ اڭى — كوفە اعاشىنىڭ پىسكەن جەمىستەرىن جەيدى، كوفە داندەرىن قورىتادى دا سىرتقا شىعارادى، سودان كەيىن ادامدار ونى جيناپ، جۋادى، سودان كەيىن كۇنگە كەپتىرەدى. كوپي-ليۋۆاكتىڭ ەرەكشە اششى ءدامى مۋسانگتاردىڭ اسقازان سولدەرىنىڭ كەيبىر اقۋىزداردى ىدىراتىپ جىبەرۋىنەن پايدا بولادى.
بلەك ايۆوري سورتى تايلاندتا شىعارىلادى. 450 گراممى 500 دوللاردان اسادى. ارابيكا داندەرى ءپىلدىڭ اسقورىتۋ تراكتىسى ارقىلى وتەدى. ساتىلىمنان تۇسكەن تابىستىڭ 10%-ى پىلدەرگە ۆەتەرينارلىق كومەككە جانە دارى-دارمەك ساتىپ الۋعا باعىتتالادى.
ەڭ قىمبات دامدەۋىش
بۇل دامدەۋىشتىڭ قۇنى 1 كگ ءۇشىن 400-دەن 1 000$-عا دەيىن باعالانادى. سەبەبى زاپىرانگۇل (شافران) تەك كۇزگى ۋاقىتتا جانە جىلىنا جەتى كۇن عانا گۇلدەيدى. ونى جيناۋ جانە ودان ءارى وڭدەۋ جۇمىستارى قولمەن جۇزەگە اسادى. ال 1 كگ زاپىرانگۇلدى جيناۋ ءۇشىن جيناۋشىلار وسى وسىمدىكتىڭ 300 مىڭ گۇلىن تەرىپ الۋى كەرەك ەكەن.
ەڭ قىمبات پيسسا
4200$ تۇراتىن «رويال 007» پيسساسىن باس اسپاز دومەنيكو كروللا دايىندادى (بۇرىن ءوز مەيرامحاناسىندا اتاقتى ادامداردىڭ پورترەتتەرى بار پيسسالار دايىنداعاندىعىمەن تانىمال بولعان)، جانە بۇل الەمدەگى ەڭ قىمبات تاعامداردىڭ ءبىرى. 30-سانتيمەتر پيسسادا كونياكپەن مارينادتالعان لوبستەر تىلىمدەرى، شامپانعا مالىنعان ۋىلدىرىق، شوتلاندتىق ىستالعان البىرت، ۇزاق ۋاقىت ۇستالعان بالزام سىركە سۋى، بۇعى ەتىنىڭ تىلىمدەرى، پروشۋتتو بولسا، ال ۇستىنە — 24 كاراتتىق جەۋگە جارامدى التىن جالاتىلعان.
You Might Also Like
-
سول كۇنگى تەلەگەي-تەڭىز الەمىنىڭ بۋىرقانىپ، بۇرقانىپ، استاڭ-كەستەڭ بولىپ جاتقان الابوتەن سۇرقىن-اي! كوگىلدىر دۇنيەگە كوز سالعان كىسىنىڭ ءوزى وسىناۋ جاراتىلىستىڭ كول-كوسىر عالاماتىنا قاراپ تۇرىپ، ونى...
