InfoHub Logo

بارىپ قايتاتىن ەڭ جاقسى جەردى تابۋدان كۇدەرىڭىزدى ۇزە باستاساڭىز، ءبىزدىڭ جاقسى جاڭالىعىمىز بار: قيىن جۇمىستىڭ ءبارىن ءسىز ءۇشىن ىستەپ قويىپتى. شارتاراپتىڭ ساياحاتشىلارى وسى جىلعى ەڭ تاماشا ەلدەردى تاڭداپ شىقتى. بۇل تىزىمگە جاعاجايدا دەمالعاندى، جاياۋ ارالاعاندى قالايتىنداردىڭ، ءتىپتى ۇلكەن قالانىڭ بۇرق-سارق قايناعان ءومىرىن كورۋگە اسىققانداردىڭ دا سۇيىكتى جەرلەرى ەندى.

ءبىز وسى تۋريستىك باعىتتاردىڭ ونىن دارالاپ، ول جەرلەرمەن ومىردە ءبىر رەت بولسا دا ءجۇرىپ ءوتۋ قاجەتتىگىنىڭ تالاس تۋدىرماس دالەلدەرىن كەلتىرىپ وتىرمىز. ەندى بىزگە بۇل تىزىمدە نەگە شوتلانديا ءبىرىنشى ورىندا تۇرعانى تۇسىنىكتى، شوتلانديا كوركەم تابيعات كورىنىستەرى بار فيلمدەردى تۇسىرۋگە تاپتىرمايتىن ەل.   

پەرۋ (16-ورىن)

^{© depositphotos.com}

بۇل ەل ءوزىنىڭ ينكتەردەن قالعان قالالاردىڭ قيراندىلارىمەن، امازونكا ايماعىنىڭ ورمان-توعايلارى، تيتيكاكا كولى، اند تاۋىمەن ت.ب جەرلەرىمەن وزىنە باۋرايدى.

^{© depositphotos.com}

ماچۋ-پيكچۋدىڭ قاسيەتتى قيراندىلارىن بارىپ كورگەن كەزدە نەنى قاپەردە ۇستاعان ءجون: بۇل جەرگە باراتىنداردىڭ كوپتىگى سونداي، ۇكىمەت وندا كىرۋگە جاڭا شەكتەۋ قويدى. ەندى ول كورىكتى جەرلەردى ارالاۋدىڭ قاتاڭ ءتارتىبى بار، ال كىرۋ بيلەتتەرى ساتىلعان سوڭ 4 ساعات ىشىندە عانا جارامدى. 

فينليانديا (14-ورىن)

^{© depositphotos.com}

فينليانديانى مىڭ كولدى ەل دەپ ءجيى اتايدى، ناقتىراق ايتساق، وندا 180 000 استام كول بار ەكەن. بۇندا تۇمسا تابيعاتتى جاقسى كورەتىندەر ادامدى ادەمىلىگىمەن باۋراپ الاتىن ارالداردى، ەلدىڭ ¾ اۋماعىن الىپ جاتقان ماڭعاز ورمانداردى ارالاپ كورۋدەن ءلاززات الادى.  

بيۋدجەتى شەكتەۋلى ساياحاتشىلارعا ارنالعان بونۋس: فينلياندياعا بارۋ باسقا دا سولتۇستىك ەۋروپا ەلدەرىنە قاراعاندا ەداۋىر ارزانعا تۇسەدى.   

ءۇندىستان (13-ورىن)

^{© depositphotos.com}

بۇل ەل ءوزىنىڭ اس-تاعامدارىمەن، كەرەمەت جاعاجايلارىمەن جانە مادەنيەتىنىڭ سان الۋاندىعىمەن ەلىكتىرەدى.  

ءۇندىستاندا ساياحاتتاۋشىنىڭ الەمدەگى ەڭ كونە تۇراقتى مەكەن بولىپ كەلە جاتقان قالالاردىڭ ءبىرى ءۆاراناسيدى كورەتىن مۇمكىندىگى بار، وسىنىڭ ءوزى-اق ەستە قالارلىق وقيعا بولادى. ول قالاداعى عيباداتحانالاردىڭ سانى دا ەستەن تاندىرادى: بۇندا ولاردىڭ سانى 23 000 اسىپ جىعىلادى.

مەكسيكا (12-ورىن)

^{© depositphotos.com}

مەكسيكا بۇكىل دۇنيە جۇزىنەن وزىنە تۋريستتەردى ماگنيتشە تارتىپ تۇراتىن عالامات جاعاجايلارىمەن جانە فانتاستيكالىق ەجەلگى قۇرىلىستارىمەن ماقتانا الادى. سول قۇرىلىستاردىڭ ءبىرى، مايا وركەنيەتىنەن قالعان 1 500 جىلدىق چيچەن-يسا قالاسى الەمنىڭ جاڭا 7 عاجايىبى تىزىمىنە ەنگەن.

^{© depositphotos.com}

چيچەن-يسا ءوزىنىڭ ايرىق دىبىستىق ەففەكتىلەرىمەن تانىمال. جۇرتتىڭ ايتۋىنشا، كۋكۋلكان پيراميداسى الدىندا قول شاپالاقتاساڭ (سۋرەتتە)، مايا مادەنيەتىندە قاسيەتتى بولىپ سانالاتىن قۇس كەتسالدىڭ شىقىلىقتاعانىنا ۇقساس دىبىستىڭ جاڭعىرىعى شىعادى.   

اقش (9-ورىن)

^{© depositphotos.com}

اقش نيۋ-يوركتىڭ اتاق-داڭقىمەن عانا شەكتەلىپ تۇرعان جوق؛ بۇل ەل كوپ-كورىم جاعاجايلارعا، لاندشافتتارى سان قيلى ۇلتتىق قورىقتارعا وتە باي.   

^{© depositphotos.com}

ول ەلدىڭ 4 ۇلتتىق قورىعى سولتۇستىگىندە ورنالاسقان. سونىمەن قاتار ولاردىڭ ءبىرى، گەيتس-وف-اركتيك ۇلتتىق قورىعى كونتينەنتتەگى ەڭ شالعاي جەرلەردىڭ بىرىندە تۇر. ول جەردە سالىنعان جولدار نەمەسە سۇرلەۋلەر مۇلدەم جوق.    

يسلانديا (8-ورىن)

^{© depositphotos.com}

جەرگىلىكتى تابيعات كورىنىستەرى اشىقحاتتاردان كوشىرىپ الىنعان سياقتى بولىپ تۇرادى. بىرەگەي داستۇرلەرى مەن حاريزماسى ۇستەم استاناسى رەيكياۆيك كەز كەلگەن ساياحاتشىنى ءتانتى قىلاتىنى انىق.   

بۇل جەردەگى تەرىسكەي شۇعىلاسىنىڭ ادەمىلىگىن ۇمىتۋ مۇمكىن ەمەس: يسلانديانىڭ پوليارلىق شەڭبەرگە جاقىن ورنالاسقانى ول ەلدى وسى قۇبىلىستى تاماشالاۋعا ەڭ جاقسى جەرلەردىڭ ءبىرى ەتەدى. تەرىسكەي شۇعىلاسىن قىركۇيەكتىڭ ورتا تۇسىنان باستاپ ءساۋىردىڭ باس كەزىنە دەيىن كورىپ تاماشالاعان دۇرىس.  

وڭتۇستىك افريكا (5-ورىن)

^{© depositphotos.com}

ساياحاتشىلار وڭتۇستىك افريكا ەلىنە ايگىلى تورتكىل تاۋدىڭ كوز تارتار جەرلەرىن كورۋگە، جەرگىلىكتى بىرەگەي شاراپتان ءدام تاتۋعا، كەرەمەت جاعاجايلارىندا جاتىپ، سافاريگە شىعۋ ءۇشىن بارادى.

^{© depositphotos.com}

كريۋگەر ۇلتتىق قورىعى كەز كەلگەن قىزىقتى وقيعالارعا اۋەس ادامنىڭ كوڭىلىنەن شىعادى. كونتينەنتتەگى ەڭ ۇلكەن قورىقتاردىڭ ءبىرى بولاتىن تابيعات اياسى 19 500 كم² جەردى الىپ جاتىر. بۇل جەر مىڭداعان ءپىلدىڭ، افريكالىق بۋيۆولدىڭ جانە قابىلاننىڭ مەكەنى بولىپ تابىلادى.   

وڭتۇستىك زەلانديا (3-ورىن)

^{© depositphotos.com}

ۇزاق ۋاقىتىن ۇشاقتا وتكىزۋگە تاۋەكەل ەتكەندەر جەرگىلىكتى فلورا مەن فاۋنانىڭ نەشە تۇرىنە قارىق بولادى.

^{© depositphotos.com}

بۇل باس اينالدىرار بەلەستەردىڭ، جايلى جاعاجايلاردىڭ، الەمگە ايگىلى فوردتاردىڭ وتانى: ولاردىڭ ەڭ ۇلكەنى ۇزىندىعى 27 كم جانە اۋدانى 101 مىڭ شارشى كم بولاتىن تاسمان مۇزارتتى. وسىندا، ڭوڭدەرگە (ايسبەرگ) وتە جاقىن تۇستا، قايىقپەن ءجۇزىپ ءجۇرۋ كوڭىلدە وشپەس اسەر قالدىرادى.   

كانادا (2-ورىن)

^{© depositphotos.com}

سامالاداي جارقىراعان قالالار مەن تاڭداندىرماي قويمايتىن ۇلتتىق قورىقتار كانادانىڭ ەڭ ايگىلى كورىكتى جەرلەرى بولىپ تابىلادى. ەلدىڭ ەڭ ءىرى ۆۋد-باففالو ۇلتتىق قورىعىنىڭ اۋماعى شۆەيساريادان ۇلكەن جانە 45 000 شارشى كم-گە جۋىق جەردى الىپ جاتىر.   

^{© depositphotos.com}

كاناداداعى تاۋلار ونداعان قىسقى ويىن-ساۋىق تۇرلەرىنە ارنالعان قىزعىلىقتى جەرلەردى جاسىرىپ تۇر جانە شاڭعىشىلار مەن سنوۋبوردشىلار ءۇشىن ەڭ تارتىمدى جەرلەردىڭ بىرىنە اينالعان.   

شوتلانديا (1-ورىن)

^{© https://www.shutterstock.com}

ساياحاتشىلار شوتلاندياعا عاجاپ قامالداردى، شەتى-شەگى جوق جابايى جاعاجايلاردى جانە تىلسىمعا تولى كولدەردى كورۋگە بارادى. بۇل جەردە ۆەلەسيپەدپەن ءجۇرۋ جانە جاياۋ تۋريزم قاجەتتى شارالار ەكەنى تاڭ قالدىرمايدى. گرەيت-گلەن-ۋەي جانە وڭتۇستىك حايلەند-ۋەي سياقتى جاياۋ جۇرەتىن ۇزاق جولدار تاجىريبەلى تۋريستتەر ءۇشىن الەمدەگى ەڭ ۇزدىك باعىتتاردىڭ ءبىرى بولىپ تابىلادى.   

^{© depositphotos.com}

دۇنيە جۇزىنە ءماشھۇر رەجيسسەرلەر ءۇشىن شوتلانديانىڭ تابيعي سۇلۋلىعىنىڭ ورنى بولەك:  «007: "سكايفول" كوورديناتتارى»،  «قايسار جۇرەك»، «پرومەتەي» جانە باسقا ونداعان ەرەكشە ىقىلاسقا بولەنگەن فيلمدەر ءدال وسى ەلدە تۇسىرىلگەن.  

وسى جەرلەردىڭ قايسىسىنا جولىڭىز تۇسكەن ەدى؟ كوپتى كورگەن ساياحاتشىلاردىڭ تاڭداۋىمەن كەلىسەسىز بە، پىكىرىڭىزدى ءبىلدىرىڭىز. الدە ءوز ەلىمىزدە دە وسىعان ۇقساس جەرلەر بار ما؟