InfoHub Logo

تاقىرىبى: «الىپپە، ساعان مىڭ العىس!»
ماقساتى: وقۋشىلاردىڭ ساۋات اشۋ بارىسىندا العان بىلىمدەرىن تياناقتاۋ. ءار وقۋشىنىڭ ءىس - ارەكەتتەرى ارقىلى يكەمدىلىگىن، شىعارماشىلىق مۇمكىندىگىن اشۋ. ادامگەرشىلىككە، ۇقىپتىلىققا، ءوزىن - ءوزى دۇرىس ۇستاۋعا، انا ءتىلىن ءسۇيىپ قاستەرلەۋگە تاربيەلەۋ.
ءمۇعالىم: سالەمەتسىزدەر مە، قۇرمەتتى ۇستازدار، اياۋلى دا ارداقتى اتا - انالار! بۇگىن دە ەگەمەندىگىمىز ەسكەرىلىپ، تاۋەلسىز تۇلپارداي ەتەك - جەڭىمىز كەڭەيىپ، اتىمىز الىسقا جەتىپ تاۋەلسىزدىككە 21 جىل تولىپ جاتقان شاقتا بۇگىنگى كۇنى سىزدەر ءۇشىن تويلارىڭىزعا تاعى ءبىر توي قوسىلماق. كەشە عانا الاڭسىز اتقا ءمىنىپ شاپقىلاپ جۇرگەن بۇلدىرشىندەر، بۇگىندە بويلارىندا جاۋاپكەرشىلىك پايدا بولىپ، سانالى ازاماتتىق بورىشتارىنىڭ العاشقى اسۋىن امان - ەسەن اسىپ، ءبىر جاسقا تاعى دا ەسەيىپ وتىر. ءبىلىم جولىنداعى بەلەستەرگە قاناتتارى تالماي ورلەي بەرسىن. تويلارىڭىز تويعا ۇلاسسىن!
دينارا: التى جاسار بالاسىن،
الپىستا اجەي جەتەكتەپ
كەلە جاتىر كوشەدە،
قايدا الگى مەكتەپ - دەپ
الپىس كەلەدى ءسۇرىنىپ،
التى كەلەدى جۇگىرىپ.
بالا: اپار انا مەكتەپكە
اتا - انالىق پارىزىڭ.
وقىپ ءبىلىم الامىن،
مەن وقۋشى بولامىن.
اجە: اسىقپا ءالى قاراعىم،
ساناۋعا ەندى جارادىڭ.
جاسىن تولسىن التىعا
سوندا الىپ بارامىن.
بالا: مەنىڭ قارىس ماڭدايىم،
بالاڭ بولام تالاپتى.
ءتارتىپ ساقتاپ ءاردايىم،
جاقسى وقيمىن ساباقتى.
اجە: ايتقانىمدى شىراعىم،
شىعارما تەك ساناڭنان.
مەكتەپتەگى ءمۇعالىم،
كەم بولمايدى اناڭنان.

بالا: قىركۇيەكتە كەلدىم دە،
سىنىپقا كىردىم قۋانىپ،
قارسى الدى ۇستاز مەيىرىممەن
قادامىمدى قۇپ الىپ.
مۋزىك (وسى كەزدە بارلىق وقۋشى ساحناعا شىعادى)