InfoHub Logo

شىعىس قازاقستان وبلىسى،
ءۇرجار اۋدانى ، بلاگودارنوە ورتا مەكتەبى
باستاۋىش سىنىپ ءمۇعالىمى:
سىدىكوۆا سايراش نىگىمەت قىزى

تاقىرىبى: “الىپپە”، ساعان مىڭ العىس!
ماقساتى: الىپپەدەن وتكەن 42 ءارىپتى ەسكە ءتۇسىرۋ. جاتقا ايتۋ داعدىلارىن، ەركىن سويلەۋ، تەز ويلاۋ قابىلەتتەرىن دامىتۋ. ءوز وتانىن سۇيۋگە، ۇلكەندى سىيلاۋعا تاربيەلەۋ.
بارىسى: ەرتەڭگىلىك قازاقستان رەسپۋبليكاسىنىڭ انۇرانىمەن اشىلادى.
ءمۇعالىم: بالالار، ەستەرىڭدە مە، العاش مەكتەپ تابالدىرىعىن اتتاپ، سىڭعىرلاعان قوڭىراۋ ءۇنىن ەستىگەن كۇندەرىڭ قاي كۇن ەدى؟
حورمەن 1 قىركۇيەك.
ءمۇعالىمنىڭ كىرىسپە ءسوزى.
1-وقۋشى: ءوتتى وقۋ سان ساباق،
بۇگىن ۇلكەن سالتانات.
وقۋلىقپەن دوستاسىپ،
ءوستى ءبىلىم سان سانات!
حورمەن: قۇتتى بولسىن تويىمىز!
2-وقۋشى: كۇمبىر، كۇمبىر قوڭىراۋ،
ساعىنعان اي قىركۇيەك.
قالام ۇستاپ قولىما،
جازىلعان اي قىركۇيەك.
ءمۇعالىم: بالالار، بۇدان سوڭ قىزىقتاپ، قولىمىزعا العاش
ۇستاعان كىتابىمىز قانداي كىتاپ؟
حورمەن: «الىپپە» كىتابى.
ءمۇعالىم: ال ەندى وسى «الىپپەنىڭ» العاشقى بەتىندە قانداي ءالعىسوز جازىلعان جانە ونى
كىم جازدى؟
3-وقۋشى : اينالايىن! قولىڭداعى اسەم كىتاپ «الىپپەڭ» اياۋلى انا ءتىلىڭنىڭ ءمولدىر باستاۋى، ءبىلىم شىڭىنا جول اشار اقىلشىڭ. ءبىلىم ەسىگىن اشقان العاشقى قادامىڭ قۇتتى بولسىن!
4-وقۋشى:ەڭبەگىڭمەن العان ءبىلىمىڭ ءوزىڭ ءۇشىن دە، ەلىڭ ءۇشىن دە تاۋسىلماس اسىل قازىنا بولماق. ەلىن، جەرىن سۇيەتىن، جانى ىزگى جاقسى ازامات بولىپ وسەتىنىنە سەنمىن.
5-وقۋشى: دەپ جازعان قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆ.
ءمۇعالىم: قىمباتتى بالالار، وزدەرىڭ العاش قولعا ۇستاعان اياۋلى «الىپپە» كىتاپتارىڭدى ورتاعا شاقىرايىق!
حورمەن: الىپپە، الىپپە، الىپپە.
«الىپپە»:
ارمىسىڭدار، جاس دوستار،
ارمىسىڭ، اتا-انالار،
بولاشاققا جول باستار،
«الىپپە»، كەلدى ورتاعا.
ءبىلىم دەگەن عاجاپتىڭ.
ءالىپبيىن مەڭگەرگەن.
كەلەشەگى قازاقتىڭ،
باستالادى سەندەردەن.

6-وقۋشى: مىناۋ سەنىڭ «الىپپەڭ»،
بالاقاي، تۇك جالىقپا!
ۇيرەنىپتى ارىپتەن،
ۇستاز، عالىم، الىپ تا.
7-وقۋشى:
ۇزدىك بولام دەسەڭ سەن،
ۇزبەي وقى سەن ونى.
«الىپپە» ساعان توسەلسەڭ،
ءبىلىم ءنارىن بەرەدى.
8- وقۋشى:
بارشا-بارشا عىلىمىڭ،
«الىپپەدەن» باستالار.
جالعاستىرعان ءبىلىمىن،
جاقسى بالا دوس بولار.