InfoHub Logo

الماتىلىق وقۋشىلار ءۇندىستاندا وتكەن روبوتوتەحنيكا چەمپيوناتىنان جۇلدەلى ورالدى

2024 جىلدىڭ 25-28 قاڭتار ارالىعىندا ءۇندىستاننىڭ گوا قالاسىندا روبوتوتەحنيكادان وتكەن «The Goa International Robotics Festival» حالىقارالىق اشىق چەمپيوناتىندا 220 كوماندا ب ا ق سىناستى. چەمپيوناتقا قازاقستاننىڭ نامىسىن قورعاۋعا ەكىباستۇز، قۇلسارى، الماتى جانە استانا قالالارىنىڭ وقۋشىلارى قاتىستى.

ءۇش كۇندىك جارىستىڭ قورىتىندىسى بويىنشا الماتى قالاسىنان بارعان «Sana team» جانە «Qazaq style» قۇراما كوماندالارى ەكى جوعارى ناگرادامەن ماراپاتتالدى.

12 جاستان 18 جاسقا دەيىنگى FIRST Tech Challenge ساناتى بويىنشا:
-1 ورىن «Motivate award» - Sana تeam كومانداسى، الماتى قالاسىنىڭ ءبىلىم يننوۆاسيا ليسەيى (بيل)؛
-1 ورىن «Inspire award» - «Qazaq style» قۇراما كومانداسى، الماتى قالاسىنىڭ №124 جببم، №81 مەكتەپ-گيمنازيا، №178 مامانداندىرىلعان ليسەي، №206 مەكتەپ-گيمنازيا، №200 مەكتەپ-گيمنازيالارى.

«ءبىزدىڭ كوماندالارىمىز جارىسقا قاتىسۋ تاجىريبەسىنىڭ ازدىعىنا قاراماستان وتە جوعارى كاسىبي دەڭگەيىن بايقاتتى. چەمپيوناتتا تاماشا ويىن ورنەگىن كورسەتىپ، ءتول مادەنيەتىمىزدى پاش ەتتى. ەلىمىزگە شەتەلدىك كوماندالاردى شاقىرۋ ءۇشىن ۇلكەن جۇمىس اتقارىلدى. وسىلايشا، اقپان ايىندا استاناداعى ورتالىق ازيا ويىندارىنا ءۇندىستان مەن شري-لانكادان بىرنەشە كوماندا قاتىساتىنىن راستادى»، — دەدى «الماتى دارىنى» ورتالىعىنىڭ ءبولىم باسشىسى جاننا المۋسايەۆا.

اتا كەتەتىن نارسە، گوا قالاسىندا وتكەن جاس ونەرتاپقىشتار بايگەسىنە جولدامانى قازاقستاننان بارعان وقۋشىلار وقۋ-اعارتۋ مينيسترلىگىنىڭ جانە الماتى قالاسى اكىمدىگىنىڭ قولداۋىمەن وتكەن «Almaty Tech Cup» رەسپۋبليكالىق تۋرنيرىندە جەڭىپ العان بولاتىن.