الماتى اۋەجايىنا 362 ملن دوللار ينۆەستيسيا سالىنادى
الماتى حالىقارالىق اۋەجايى جاڭا دامۋ كەزەڭىنە قادام باسىپ وتىر. قازاقستاننىڭ كولىك مينيسترلىگى، الماتى اكىمدىگى، «الماتى حالىقارالىق اۋەجايى» اق جانە TAV Holding اراسىندا ىنتىماقتاستىق تۋرالى مەموراندۋمعا قول قويىلىپ، 2025–2029 جىلدار ارالىعىندا 362 ميلليون دوللار كولەمىندە جەكە ينۆەستيسيا قۇيۋ جوسپارلاندى. بۇل — ەلدەگى كولىك ينفراقۇرىلىمىنا باعىتتالعان ەڭ ءىرى جەكە قارجىلاندىرۋلاردىڭ ءبىرى.
ينۆەستيسيا تەك ينفراقۇرىلىمعا عانا ەمەس، ادامدارعا دا باعىتتالادى:
- كەلەسى 12 اي ىشىندە اۋەجاي قىزمەتكەرلەرىنىڭ ورتاشا جالاقىسى 25%-عا وسەدى؛
- جاڭا مەديسينالىق ورتالىق سالىنىپ، اۋەجاي ماڭىنداعى تۇرعىندار مەن قىزمەتكەرلەرگە قولجەتىمدى بولادى؛
- بيىلدىڭ وزىندە 600 جاڭا جۇمىس ورنى اشىلماق؛
- قىزمەتكەرلەرگە ارنالعان جەكە اسحانالار ىسكە قوسىلدى؛
- حالىقارالىق ستاندارتتارعا ساي ACI اككرەديتاسياسىنان وتكەن وقۋ ورتالىعى اشىلادى.
ءىرى ينفراقۇرىلىمدىق جوبالار قاتارىندا:
- ۇشۋ-قونۋ جولاعىن جاڭعىرتۋ؛
- جۇك تاسىمالى كومپانيالارىنا ارنالعان جاڭا پەررون قۇرىلىسى؛
- ىشكى رەيستەر تەرمينالىن قايتا جوندەۋ؛
- جۇك قويمالارىن سيفرلاندىرۋ؛
- اۋەجاي اۋماعىندا جاڭا ءقوناقۇي سالۋ كوزدەلىپ وتىر.
بۇعان دەيىن، 2024 جىلدىڭ ماۋسىم ايىندا 53 500 شارشى مەترلىك جاڭا تەرمينال ىسكە قوسىلعان بولاتىن. ەندىگى ماقسات — الماتىنى زاماناۋي حالىقارالىق كولىك حابىنا اينالدىرۋ.
جوبا اياسىنداعى ماستەر-جوسپاردىڭ تولىق نۇسقاسى 2025 جىلدىڭ جازىندا وتەتىن باسپا ءسوز كونفەرەنسياسىندا جاريالانادى. TAV Holdingء-تىڭ ۇزاقمەرزىمدى ستراتەگياسى قازاقستاننىڭ كولىك سالاسىنىڭ سەرپىندى دامۋىنا جول اشادى.
You Might Also Like
-
ۋكراينا پرەزيدەنتى ۆلاديمير زەلەنسكيي كەزەكتى مالىمدەمەسىندە سوعىستى ەشقانداي شارتسىز توقتاتۋعا ۇندەدى. ونىڭ ايتۋىنشا، بەيبىتشىلىككە جەتۋ ءۇشىن تەك ءبىر قادام عانا جەتكىلىكتى – رەسەيدىڭ اتىستى دوعارى...
-
استانادا وتكەن جالپى قالالىق سەنبىلىككە ءماجىلىس دەپۋتاتتارى مەن پالاتا اپپاراتىنىڭ قىزمەتكەرلەرى قاتىستى. ءىس-شارا ەلوردالىق اكىمدىك تاراپىنان جالپىۇلتتىق «تازا قازاقستان» ەكولوگيالىق اكسياسى اياسىند...
