Photo: Ayazhan (https://www.pexels.com/@ayazhan-3173683) / Pexels
الماتى اۋەجايىنداعى جاڭعىرتۋ جۇمىستارى 2000-نان استام جاڭا جۇمىس ورنىن اشادى
الماتى حالىقارالىق اۋەجايىنداعى اۋقىمدى جاڭعىرتۋ جۇمىستارى اياقتالعان سوڭ، 2000-نان استام جاڭا جۇمىس ورنى اشىلادى. بۇل تۋرالى ق ر كولىك مينيسترلىگىنىڭ باسپا ءسوز قىزمەتى حابارلادى.
بۇل تۋرالى Infohub.kz اقپارات اگەنتتىگى حابارلايدى.
اۋەجايدى دامىتۋدىڭ 2050 جىلعا دەيىنگى ۇزاق مەرزىمدى جوسپارى اياسىندا جۇرگىزىلىپ جاتقان جاڭعىرتۋ جۇمىستارى اۋەجايدىڭ وتكىزۋ قابىلەتىن جىلىنا 40 ميلليون جولاۋشىعا دەيىن ارتتىرىپ، 2300-گە جۋىق جۇمىس ورنىن قۇرۋعا مۇمكىندىك بەرەدى.
ىشكى رەيستەر تەرمينالىنداعى جۇمىستار
اۋەجايدىڭ ىشكى رەيستەرگە ارنالعان تەرمينالى (ت1) كەشەندى تۇردە جاڭارتىلۋدا. تىركەۋ جانە باگاج الۋ ايماقتارى جاڭارتىلىپ، جۇمىستار وسى جىلدىڭ شىلدە ايىندا اياقتالادى دەپ جوسپارلانعان.
سونىمەن قاتار، اۆتوتۇراقتاردىڭ اۋماعى ۇلعايتىلىپ، اۋەجاي اۋماعىندا قوناق ءۇي كەشەنىن سالۋ ءۇشىن الاڭ دايىندالۋدا.
حالىقارالىق تەرمينال مەن پەررونداعى جاڭارتۋلار
حالىقارالىق تەرمينالدا (ت2) توبە قۇرىلىمدارى جاڭارتىلۋدا. پەرروندا ۇشاقتاردى ماي قۇيۋ كەشەنى جانە مۇزعا قارسى وڭدەۋ الاڭدارى سياقتى اۋەجاي ينفراقۇرىلىمىنىڭ ماڭىزدى نىساندارى جاڭعىرتىلۋدا.
Horizon جوسپارى
بۇل جۇمىستاردىڭ بارلىعى Horizon ماستەر-جوسپارىنىڭ ءبىرىنشى كەزەڭىنە كىرەدى. بۇل كەزەڭدە 130-دان استام ينفراقۇرىلىمدىق جوبا قامتىلعان. ولاردىڭ قاتارىندا ۇزىندىعى 4400 مەتر بولاتىن جاڭا ۇشۋ-قونۋ جولاعىن سالۋ، ۇشۋ-قونۋ جولاعىن رەكونسترۋكسيالاۋ، VIP-پەررون مەن تۇراقتاردى جاڭارتۋ، جۇك پەررونى مەن تەحنيكالىق قىزمەت كورسەتۋ انگارىن قۇرۋ بار.
-
نوۆىە پراۆيلا ۆ ترۋدوۆوم زاكونوداتەلستۆە كازاحستانا زاستاۆيات كومپانيي پەرەسموترەت دوگوۆورى گراجدانسكو-پراۆوۆوگو حاراكتەرا ي ۆەرنۋت منوگيح رابوتنيكوۆ ۆ شتات.
-
ۋزنايتە، كاكيە پريلوجەنيا ي فۋنكسيي ۆاشەگو سمارتفونا پوترەبليايۋت بولشە ۆسەگو زاريادا باتارەي، ي كاك ەتو يسپراۆيت.
