Photo: Ayazhan (https://www.pexels.com/@ayazhan-3173683) / Pexels
الماتى وبلىسىندا ازاماتتى تىرىدەي كومىپ ءولتىردى دەگەن كۇدىك بار
الماتى وبلىسى، ۇيعىر اۋدانىنداعى «Ulan Hot Spring Resort» دەمالىس ايماعىندا ادام ايتقىسىز قورلىق پەن قاتىگەزدىكپەن كىسى ءولتىرۋ دەرەگى تىركەلدى. مارقۇمنىڭ تۋىستارىنىڭ ايتۋىنشا، 29 جاستاعى جىگىتتى جۇمىس ىستەگەن ارىپتەستەرى ءتۇن بويى قيناپ، سوڭىندا تىرىدەي جەرگە كومگەن.
بۇل تۋرالى Infohub.kz اقپارات اگەنتتىگى حابارلايدى.
وقيعا 23 مامىر كۇنى بولعان. جىگىت جۇمىسقا كەتىپ، قايتىپ ورالماعان. بىرنەشە كۇن ىزدەگەننەن كەيىن، 27 مامىردا ونىڭ ءمايىتى جۇمىس ورنىنا جاقىن جەردەن تابىلادى. تۋىستارىنىڭ ايتۋىنشا، ونى ءۇش ادام بىرىگىپ، تاسپەن ۇرىپ، قيناعان. ءتىپتى، ول تولىق جان تاپسىرماعان كەزدە، تىرىدەي جەرگە كومگەن.
قاتىگەزدىكتىڭ سەبەبى نەدە؟
قايعىلى وقيعانىڭ ناقتى سەبەپتەرى ءالى انىقتالماعان. الايدا، مارقۇمنىڭ تۋىستارى بۇل ارەكەتتىڭ ارتىندا قانداي دا ءبىر جانجال نەمەسە وشپەندىلىك بارىنا سەنىمدى. ولار 29 جاستاعى جىگىتتىڭ ءومىرىنىڭ سوڭعى ساعاتتارىندا قانداي اۋىر ازاپتى باستان كەشكەنىن ويلاپ، ەستەرىنەن تانا جازداعان.
ادىلدىك تالابى
مارقۇمنىڭ وتباسى قازىرگى ۋاقىتتا تەك ءبىر نارسەنى تالاپ ەتەدى – ادىلدىكتى. ولار وقيعانىڭ ءمان-جايىن تولىق انىقتاپ، كىنالىلەردىڭ بارلىعىن جاۋاپقا تارتۋدى سۇرايدى. تۋىستارى قوعامدى بۇل قايعىعا بەي-جاي قاراماۋعا، ءىستىڭ اشىق ءارى ءادىل تەرگەلۋىنە كومەك بەرۋگە شاقىرادى.
«ءبىزدىڭ باۋىرىمىزدىڭ ءومىرىنىڭ سوڭعى ساتتەرىندە كورگەن ازابى بىزگە ۇلكەن اۋىرلىق اكەلدى. ول ءومىر سۇرۋگە لايىق ەدى، مۇنداي سۇمدىق جاعدايدا قازا تابۋعا ەمەس. ءبىز ادىلدىك ءۇشىن كۇرەسەمىز»، – دەيدى مارقۇمنىڭ تۋىسى اقبوتا ابدراحمانوۆا.
قازىرگى تاڭدا الماتى وبلىستىق پوليسيا دەپارتامەنتى بۇل ىسكە قاتىستى تەرگەۋدى باستاپ كەتتى. اگەنتتىك بۇل جاعدايدىڭ انىق-قانىعىن انىقتاپ، قوسىمشا اقپارات بەرىپ وتىرادى.
-
قازاقستان، رەسەي جانە جۇڭگو ەرتىس وزەنى ارقىلى جۇك تاسىمالداۋدى دامىتۋ جولدارىن تالقىلاپ، جاڭا ءدالىز قۇرۋدى جوسپارلاپ وتىر.
-
يران پارلامەنتىنىڭ ۇلتتىق قاۋىپسىزدىك جانە سىرتقى ساياسات كوميتەتىنىڭ باسشىسى ەبراحيم ازيزي ورمۋز بۇعازىن كەلىسسوزدەر نەمەسە ساۋدا-ساتتىق نىسانىنا اينالدىرۋعا جول بەرمەيتىنىن مالىمدەدى.
