tengrinews.kz
الماتى تاۋ ەتەگىندەگى ءۇش قاباتتى عيمارات بۇزىلىپ جاتىر
الماتى قالاسىنىڭ تاۋ ەتەگىندە ورنالاسقان ەرمەنساي ىقشاماۋدانىندا ءۇش قاباتتى زاڭسىز سالىنعان عيمارات بۇزىلىپ جاتىر. بۇل تۋرالى قالالىق قالا قۇرىلىسىن باقىلاۋ باسقارماسى حابارلادى.
بۇل تۋرالى Infohub.kz اقپارات اگەنتتىگى حابارلايدى.
زاڭسىز قۇرىلىس انىقتالدى
جوسپاردان تىس تەكسەرۋ بارىسىندا تاۋجيەگى كوشەسىندەگى عيماراتتىڭ جوبالىق قۇجاتتاماعا جانە ساۋلەت-جوسپارلاۋ تاپسىرماسىنا سايكەس كەلمەيتىنى انىقتالدى. مەنشىك يەسىنە قاتىستى اكىمشىلىك شارالار قولدانىلىپ، بۇزۋشىلىقتاردى جويۋ تۋرالى نۇسقاۋلىق بەرىلدى.
سوت شەشىمىمەن بۇزۋعا جىبەرىلدى
كەيىننەن، باسقارما بوستاندىق اۋداندىق سوتىنا عيماراتتى پايدالانۋعا بەرۋ تۋرالى اكتىنى جويىپ، نىساندى بۇزۋ تۋرالى تالاپ ارىزىن بەردى. 2025 جىلعى 20 تامىزدا سوت تالاپ ارىزىن قاناعاتتاندىردى. 2025 جىلعى 28 قازاندا الماتى قالالىق سوتى ءبىرىنشى ساتىداعى سوت شەشىمىن وزگەرىسسىز قالدىردى.
بۇزۋ جۇمىستارى باستالدى
سوت ورىنداۋشىلارىنىڭ قاتىسۋىمەن 9 اقپاندا عيماراتتى بۇزۋ جۇمىستارى باستالدى.
بۇعان دەيىن الماتىدا سوت شەشىمىمەن مادەنيەت ىقشاماۋدانىندا ورنالاسقان «دوستار دەليۋكس» تۇرعىن ءۇي كەشەنى بۇزىلعان بولاتىن.
-
ۇلتتىق بانك زەينەتاقى اكتيۆتەرىن مەرزىمىنەن بۇرىن الۋعا قويىلاتىن تالاپتاردى قاتايتۋدى جوسپارلاپ وتىر. بۇل شارا زەينەتاقى تولەمدەرىنىڭ لايىقتى دەڭگەيىن قامتاماسىز ەتۋ ءۇشىن قاجەت.
-
پاۆلودارداعى مەكتەپ مۇعالىمدەرىنىڭ قازاقستان تۋىن جانە ەلتاڭباسىن جويۋ راسىمىنە قاتىستى داۋ تۋدى. ءبىلىم باسقارماسى بۇل ارەكەتتىڭ سەبەبىن ءتۇسىندىرىپ، مەكتەپ باسشىلىعىنا تارتىپتىك جازا قولدانىلعانىن حابارلادى.
