InfoHub Logo

الماتىدا ءبىر جاستاعى ءسابيدىڭ ومىرىنە قاتەر ءتوندى. كىشكەنتاي ءبۇلدىرشىن ىشىنە 31 ماگنيت جۇتىپ قويىپ، شۇعىل وتا جاساۋعا ءماجبۇر بولدى. دارىگەرلەر ءبىر ماگنيتتىڭ ءوزى ءقاۋىپتى ەكەنىن ەسكەرتەدى.

بۇل تۋرالى Infohub.kz اقپارات اگەنتتىگى حابارلايدى.

ءسابيدىڭ جاعدايى وتە اۋىر بولعان

الماتى قالاسىنىڭ بالالار جەدەل مەديسينالىق جاردەم ورتالىعىنا 1 جاس 9 ايلىق ءسابي وتە اۋىر حالدە جەتكىزىلگەن. تەسكەرۋدەن كەيىن دارىگەرلەر ءسابيدىڭ ىشەگىندە 31 ماگنيت بارىن، سونداي-اق جىڭىشكە ىشەكتىڭ بىرنەشە جەرىنەن تەسىلىپ كەتكەنىن جانە ءىش قۋىسىنا ءناجىس تاراعانىن انىقتادى.

شۇعىل وتا جاسالدى

ءسابيدىڭ ءومىرىن ساقتاپ قالۋدىڭ جالعىز جولى – دەرەۋ حيرۋرگيالىق ارالاسۋ بولدى. مەديسينا ماماندارى ءىش قۋىسىن اشىپ، ونداعى اعزالاردى تەكسەرىپ، ىشەكتەن ماگنيتتەردى الدى. سونىمەن قاتار، جىڭىشكە ىشەكتىڭ تەسىلگەن جەرلەرىن تىگىپ، ءىش قۋىسىن تازارتىپ، درەناج قويدى. ءسابيدىڭ ىشەگىنە ترانسانالدى ينتۋباسيا جاسالدى.

ماگنيتتىڭ ءقاۋپى

ورتالىقتىڭ حيرۋرگ-دارىگەرى اسقار ريزۆانوۆتىڭ ايتۋىنشا، ماگنيتتەردىڭ ەرەكشە ءقاۋپى – ولاردىڭ بىر-بىرىنە ىشتە تارتىلىپ، ىشەك قابىرعاسىن قىسىپ قالۋىندا. بۇل قان اينالىمىن بۇزىپ، تىندەردىڭ ءولىپ كەتۋىنە، تەسىكتەردىڭ پايدا بولۋىنا اكەلىپ سوعادى. سالدارىنان، نەبارى بىرنەشە ساعات ىشىندە پەريتونيت داميدى.

«كوبىنەسە اتا-انالار جاعدايدىڭ قانشالىقتى تەز ناشارلاۋى مۇمكىن ەكەنىن تۇسىنبەي جاتادى»، - دەيدى دارىگەر.

دارىگەرلەر ءبىر ماگنيتتىڭ ءوزى ىشكە تۇسسە دە، دەرەۋ مەديسينالىق كومەككە جۇگىنۋ كەرەكتىگىن باسا ايتادى. بىرنەشە ماگنيتتىڭ جۇتىلۋى – ءسابيدىڭ ومىرىنە تىكەلەي ءقاۋىپ.