depositphotos.com
الماتىدا 100-گە جۋىق كوپپاتەرلى ءۇي بۇزىلادى
الماتىدا بيىل 95 كوپپاتەرلى ءۇي بۇزىلادى. بۇل شارالار تۇرعىن ءۇيدى جاڭارتۋ باعدارلاماسى اياسىندا اتقارىلادى. باعدارلاما اياقتالعانشا بارلىعى 1403 ەسكى ءۇيدى جەرمەن-جەكسەن ەتۋ جوسپارلانعان. ونداعى 7500 پاتەر يەسى باسقا جەرگە كوشىرىلەدى.
بۇل تۋرالى Infohub.kz اقپارات اگەنتتىگى حابارلايدى.
باعدارلاما نە ءۇشىن قاجەت؟
تۇرعىن ءۇيدى جاڭارتۋ باعدارلاماسى الماتىنىڭ ەسكى ۇيلەرىن جاڭارتۋ ماقساتىندا ازىرلەنگەن. نەگىزىنەن، بۇل كاركاس-قامىس ۇيلەردى بۇزىپ، ونىڭ ورنىنا زاماناۋي كوپقاباتتى ۇيلەر سالۋدى كوزدەيدى. باعدارلامانى ازىرلەگەن – الماتى قالاسىنىڭ اكىمدىگى، اكىمشىسى – «سپك «الماتى» اق، ال جاۋاپتى ۇيىم – «Almaty Renovation» ج ش س.
«باعدارلاما حالىقتىڭ ءومىر ءسۇرۋ ساپاسىن ارتتىرۋعا، قولايلى قالالىق ورتا قالىپتاستىرۋعا جانە قوعامدىق كەڭىستىكتەردى دامىتۋعا ىقپال ەتەدى. سونىمەن قاتار، قالانىڭ ساۋلەتتىك كەلبەتى جاڭارادى، ال تۇرعىندار ءقاۋىپسىز ءارى زاماناۋي باسپاناعا يە بولادى»، – دەدى «Almaty Renovation» باس ديرەكتورى ەركەبۇلان ۋسمانبايەۆ.
بۇزىلاتىن ۇيلەردىڭ تۇرعىندارى نە الادى؟
تۇرعىن ءۇيدى بۇزۋ تەك 100 پايىز تۇرعىنداردىڭ كەلىسىمىمەن عانا جۇزەگە اسادى. بۇل مەملەكەتتىك قاجەتتىلىككە بايلانىستى بۇزۋ ەمەس.
ەگەر كەلىسىم الىنسا، پاتەر يەلەرىنە «بولمە ءۇشىن بولمە» ەسەبىمەن باسپانا بەرىلۋى ءتيىس. كوبىنەسە بۇل جاعدايدا ادامدار الاڭى كەڭىرەك ۇيگە يە بولادى، سەبەبى بۇرىنعى قۇرىلىس نورمالارى بويىنشا بولمەلەردىڭ ولشەمى الدەقايدا كىشى بولعان.
ارنايى قاجەتتىلىكتەرى بار الماتىلىقتار باعدارلاما بويىنشا ءبىرىنشى قاباتتارداعى ءليفتى مەن پاندۋستارى بار ۇيلەردەن باسپانا الا الادى.
جاڭا باسپانالاردىڭ بارلىعى تازا ارلەۋمەن بەرىلەدى. سونىمەن قاتار، پاتەردە سانتەحنيكا، گاز نەمەسە ەلەكتر پليتالارى ورناتىلىپ، ءورت قاۋىپسىزدىك جۇيەسى جۇمىس ىستەۋى ءتيىس.
ەگەر قونىس اۋدارۋشىلارعا ۇسىنىلعان نۇسقالار ۇناماسا، ولاردىڭ ۇيلەرى نارىقتىق باعامەن ساتىپ الىنادى.
«ۇسىنىلعان نۇسقالاردان باس تارتقان جاعدايدا، مەنشىك يەلەرى ەسكى ۇيدە قالۋ قۇقىعىن ساقتايدى، الايدا تۇرۋدىڭ ىقتيمال تاۋەكەلدەرى ءۇشىن وزدەرى جاۋاپتى بولادى»، – دەلىنگەن اكىمدىك باسپا ءسوز قىزمەتىنىڭ حابارلاماسىندا.
كىمدەر كوشىرىلدى؟
بيىلعى ءبىرىنشى توقساندا 204 الماتىلىق كوشىرىلدى. كوشىرىلگەندەردىڭ ەڭ كوبى تۇركسىب اۋدانىندا – 126 ادام، ال ەڭ ازى المالى اۋدانىندا – ءبىر ادام.
رەنوۆاسيا بويىنشا ستاتيستيكا:
-
يزۆەستنىي كازاحستانسكيي پيەۆەس مەيرامبەك بەسپايەۆ پوداريل اۆتوموبيل مولودومۋ ارتيستۋ ەركەشۋ حاسەنۋ ۆ زناك ۋۆاجەنيا ي پوددەرجكي.
-
بولەە 30 پەداگوگوۆ ۆوستوچنوگو كازاحستانا ۋسپەشنو وسپوريلي ۆ سۋدە رەشەنيە كوميسسيي، پونيزيۆشەي يح كۆاليفيكاسيوننىە كاتەگوريي.
