Photo: Sóc Năng Động (https://www.pexels.com/@soc-nang-d-ng-2150345854) / Pexels
الماتىدا 27 گەكتاردان استام اۋماقتا «Water Garden» اتتى الىپ كەشەن سالىنادى
الماتى قالاسىنىڭ الاتاۋ اۋدانىندا باۋىرجان مومىش ۇلى مەن ساينا كوشەلەرى ارالىعىندا 27 گەكتاردان استام اۋماقتا «Almaty Water Garden» اتتى كوپفۋنكسيونالدى كەشەن بوي كوتەرەدى. بۇل جوبا قالا تۇرعىندارى مەن قوناقتارى ءۇشىن جاڭا دەمالىس، مادەنيەت جانە ويىن-ساۋىق ورتالىعىنا اينالماق.
بۇل تۋرالى Infohub.kz اقپارات اگەنتتىگى حابارلايدى.
جوبانىڭ باستى ەرەكشەلىگى – سەرۋەندەۋ جاعالاۋلارى، دەمالىس ايماقتارى جانە كوگالداندىرىلعان قوعامدىق كەڭىستىكتەرى بار سۋ ارناسى بولادى. بۇل سۋ جۇيەسىنىڭ اينالاسىنا زاماناۋي ساياباق ايماعى قالىپتاستىرىلىپ، قالانىڭ جاڭا تارتىمدى نۇكتەسىنە اينالۋى جوسپارلانۋدا.
كەشەن قۇرىلىمى
«Water Garden» كەشەنىندە سەگىز ءتۇرلى كوممەرسيالىق نىسان قاراستىرىلعان. ولار دۇكەندەر مەن بۋتيكتەردەن باستاپ، قىزمەت كورسەتۋ، وتباسىلىق دەمالىس جانە قوعامدىق تاماقتانۋ ورىندارىنا دەيىن ءارتۇرلى بيزنەس فورماتتارىنا ارنالعان.
كەشەننىڭ ورتالىق بولىگىندە الەمنىڭ ءتۇرلى تاعامدارىن ۇسىناتىن زاماناۋي فۋدكورت ورنالاسادى. ونىڭ جانىندا كونسەرتتەر، فەستيۆالدەر، كينو كورسەتىلىمدەرى جانە باسقا دا بۇقارالىق ءىس-شارالارعا ارنالعان اشىق امفيتەاتر بولادى.
وتباسىلىق دەمالىس جانە ءبىلىم بەرۋ نىساندارى
جوبادا وتباسىلىق دەمالىسقا ەرەكشە كوڭىل بولىنگەن. كەشەن اۋماعىندا بالالار ورتالىعى، مۇحيتتانۋ ورتالىعى (وكەاناريۋم) جانە كوبەلەكتەر مۇراجايى سالىنادى. بۇل نىساندار قالالىقتاردىڭ دەمالىس مۇمكىندىكتەرىن كەڭەيتىپ، الماتىنىڭ جاڭا تۋريستىك ورىندارىنا اينالادى.
سونداي-اق، «Water Garden»ء-نىڭ ساۋلەتتىك باستى نىشانى رەتىندە قالا مەن ساياباقتىڭ پانورامالىق كورىنىسىن تاماشالاۋعا بولاتىن باقىلاۋ الاڭى بار مۇنارا جوبالانعان.
ايتا كەتەيىك، بۇل جوبا «Almaty Invest» تاراپىنان ينۆەستيسيا تارتۋ جانە ءىرى قالالىق باستامالاردى جۇزەگە اسىرۋ جۇمىستارى اياسىندا قولداۋعا يە.
-
ۋزنايتە، كاك نەدوبروسوۆەستنىە سترويتەلي موگۋت يسپورتيت ۆام جيزن، پرياچا سىرىە يايسا ۆ ستەناح، ي كاكيە شاگي پرەدپرينيات دليا زاششيتى سۆويح پراۆ.
-
ستالو يزۆەستنو و زادەرجانيي يزۆەستنوگو كازاحستانسكوگو بلوگەرا كايسارا كامزى ۆو ۆەتنامە. مينيستەرستۆو ينوستراننىح دەل پودتۆەرديلو ينفورماسيۋ ي سووبششيلو و حودە ەكستراديسيي.
