tengrinews.kz
الماتىدا ال-فارابي داڭعىلىنداعى جاڭا جارىس جولدارى ۆيدەوعا ءتۇسىپ قالدى
الماتىداعى ال-فارابي داڭعىلىندا ءبىر توپ جۇرگىزۋشى ءقاۋىپتى جارىس ۇيىمداستىرىپ، ۆيدەوعا ءتۇسىپ قالدى. بۇل تۋرالى Infohub.kz اقپارات اگەنتتىگى حابارلايدى.
الەۋمەتتىك جەلىلەردى مونيتورينگىلەۋ كەزىندە پوليسيا قىزمەتكەرلەرى ال-فارابي داڭعىلىندا ءبىر توپ جۇرگىزۋشىنىڭ ءقاۋىپتى مانيەۆرلەر جاساعانىن كورسەتەتىن ۆيدەونى انىقتادى. جازبادا قارسى جولاققا شىعۋ، اپاتتىق جاعدايلار تۋدىرۋ، قاۋىپسىزدىك تالاپتارىن ەلەمەۋ سياقتى ورەسكەل بۇزۋشىلىقتار تىركەلگەن.
جۇرگىزۋشىلەر ۇستالدى
پوليسيانىڭ حابارلاۋىنشا، ىزدەستىرۋ ءبولىمىنىڭ قىزمەتكەرلەرى بارلىق قاتىسۋشىنى انىقتاپ، ۇستادى. ولار ءقاۋىپتى مانيەۆر جاساعانى، قارسى جولاققا شىققانى، اپاتتىق جاعداي تۋدىرعانى، كولىك جۇرگىزۋ كەزىندە ۇيالى تەلەفون پايدالانعانى جانە قاۋىپسىزدىك بەلدىگىن تاقپاعانى ءۇشىن اكىمشىلىك جاۋاپكەرشىلىككە تارتىلدى. بۇل تۋرالى الماتى قالالىق پد اكىمشىلىك پوليسيا باسقارماسىنىڭ باستىعى ابدينۋر تاسىبايەۆ مالىمدەدى.
پوليسيا مۇنداي ارەكەتتەردىڭ ومىرىنە ءقاۋىپتى ەكەنىن اتاپ ءوتتى. سونداي-اق، بۇزۋشىلىقتاردىڭ ۋاقىتى مەن ادىسىنە قاراماستان، ءاربىر بۇزۋشىلىق قۇقىقتىق باعالاناتىنىن جانە كىنالىلەر جاۋاپقا تارتىلاتىنىن اتاپ ءوتتى.
-
نوۆوە ۆەدومستۆو بۋدەت اناليزيروۆات وبششەستۆەننۋيۋ بەزوپاسنوست ي ۆىياۆليات نوۆىە كيبەرۋگروزى دليا زاششيتى گراجدان.
-
اتىراۋ وبلىسىندا رەسپۋبليكالىق ماڭىزى بار اۆتوجولداردا قاۋىپسىزدىكتى ارتتىرۋ ءۇشىن زاماناۋي تەحنولوگيالار ەنگىزىلۋدە. سونىڭ ءبىرى – جۇرگىزۋشىلەرگە ارنالعان لازەرلىك باعدارلاۋ جۇيەسى.
