InfoHub Logo

الماتىدا الەۋمەتتىك ماڭىزى بار ازىق-تۇلىك تاۋارلارى باعاسىن تۇراقتاندىرۋ جۇمىستارى جالعاسۋدا. سوڭعى رەت الەۋمەتتىك ناننىڭ باعاسى 2027 جىلعا دەيىن بەكىتىلدى. بۇل تۋرالى قالا اكىمدىگىنىڭ مالىمەتىنە سۇيەنىپ، Infohub.kz حابارلايدى.

«الماتى» اكك مەن «الماتىنان» نان-توقاش كومبيناتى اراسىندا الەۋمەتتىك، سۇرىپتالعان نان ءوندىرۋ جانە ساتۋ تۋرالى كەلىسىمشارت جاسالدى. كەلىسىم بويىنشا، ءبىر بولكە ناننىڭ باعاسى 130 تەڭگە بولادى. ساۋدا ۇستەمەسى 15 پايىزدان اسپايدى. بۇل شارالار 2027 جىلدىڭ مامىر ايىنا دەيىن قولدانىستا بولادى.

الەۋمەتتىك نان قالاي ساتىلادى؟

كەلىسىم شارتتارىنا سايكەس، كاسىپورىن ءبىرىنشى سورتتى ۇننان 3 846 154 بولكە بيداي نانىن شىعارادى. كەيبىر دۇكەندەر مەن ساۋدا جەلىلەرى بۇل ءونىمدى قوسىمشا باعاسىز ساتا الادى. الەۋمەتتىك نان ءىرى ساۋدا ورىندارى مەن ءۇي ماڭىنداعى دۇكەندەرگە جەتكىزىلەدى.

باعاسى تۇراقتاندىرىلعان باسقا دا ونىمدەر

قالادا الەۋمەتتىك ماڭىزى بار ازىق-تۇلىك تاۋارلارى باعاسىن ۇستاپ تۇرۋ باعدارلاماسى جالعاسىپ جاتىر. «الماتى» اكك بۇل ءۇشىن وڭىرلىك تۇراقتاندىرۋ قورىن، وندىرۋشىلەرگە جەڭىلدىكپەن قارجىلاندىرۋدى جانە فورۆاردتىق كەلىسىمشارتتاردى پايدالانادى.

قۇس فابريكاسىمەن ءبىرىنشى ساناتتاعى 86،4 ميلليون جۇمىرتقانى ءار داناسى 59 تەڭگەدەن اسپايتىن باعامەن جەتكىزۋ ءتۋرالى كەلىسىم جاسالدى. بۇل ءونىم قالاداعى ءىرى ساۋدا جەلىلەرىندە قولجەتىمدى.

سونداي-اق، تاۋىق ەتى وندىرۋشىلەرىمەن كەلىسىمدەر بار. بەدرە مەن اياقتارى ءبىر كيلوگرامى 1100 تەڭگەدەن، گولەن – 1650 تەڭگەدەن ساتىلادى. بۇل تاۋارلارعا باعا شەكتەۋلەرى ءۇش جىلعا دەيىن ساقتالادى.

قانت باعاسى قانداي؟

«الماتى» اكك وتاندىق وندىرۋشىلەردەن 4500 توننا قۇمشەكەر ساتىپ الدى. ءونىم ءىرى ساۋدا جەلىلەرى جانە باسقا دا دۇكەندەر ارقىلى ساتىلادى. قانتتىڭ ساتىلىم باعاسى 1 كيلوگرامىنا 405 تەڭگە بولىپ بەلگىلەندى. ساۋدا ۇستەمەسى 10 پايىزبەن شەكتەلگەن. باعانى تۇراقتاندىرۋ شارالارى 2026 جىلدىڭ قاراشا ايىنا دەيىن جالعاسادى.

ەستەرىڭىزگە سالا كەتەيىك، 2024 جىلدىڭ قىركۇيەك ايىندا الماتىدا الەۋمەتتىك نان باعاسى 80 تەڭگەدەن 120 تەڭگەگە دەيىن قىمباتتاعانى حابارلانعان بولاتىن.