Tengrinews.kz
الماتىدا العاشقى كرەماتوريي ىسكە قوسىلادى
الماتىدا قازاقستانداعى العاشقى كرەماتوريي جاقىن كۇندەرى جۇمىسىن باستايدى. بۇل تۋرالى قالالىق قوعامدىق دەنساۋلىق ساقتاۋ باسقارماسى حابارلادى.
بۇل تۋرالى Infohub.kz اقپارات اگەنتتىگى حابارلايدى.
كرەماتورييدىڭ اشىلۋى نەگە ماڭىزدى؟
9 قاڭتاردا ادىلەت مينيسترلىگىندە ۇلتتىق ەكونوميكا مينيسترلىگىنىڭ بۇيرىعى تىركەلدى. بۇل بۇيرىق كرەماتورييلەردىڭ قىزمەتىن زاڭداستىرۋعا مۇمكىندىك بەرەدى. وسىلايشا، قازاقستاندا العاش رەت كرەماسيا ءراسىمىن وتكىزۋگە قۇقىقتىق نەگىز قالىپتاستى.
"بۇيرىق كۇشىنە ەنگەننەن كەيىن الماتى قالاسىنداعى كرەماتوريي سانيتارلىق جانە قۇقىقتىق تالاپتاردى ساقتاي وتىرىپ، جۇمىسىن باستايدى"، – دەلىنگەن حابارلامادا.
قازىرگى ۋاقىتتا الماتى قالالىق پاتولوگواناتوميالىق بيۋروسىنىڭ باقىلاۋ كەڭەسى ارقىلى كرەماسيا قىزمەتتەرىنىڭ باعالارىن بەكىتۋ پروسەسى جالعاسۋدا. باعالار مەن قىزمەت كورسەتۋ ءتارتىبى تۋرالى اقپارات بيۋرونىڭ رەسمي سايتىندا جاريالانادى.
2025 جىلدىڭ قىركۇيەگىندە الماتىنىڭ كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسى الداعى التى-جەتى جىلدا قالاداعى زيراتتاردا جەرلەۋ ورىندارى تاۋسىلاتىنىن مالىمدەگەن بولاتىن. قالادا 70 زيرات بار، ونىڭ 61ء-ى جابىلعان. جاڭا زيراتتار ءۇشىن جەرلەر الماتى وبلىسىندا عانا قاراستىرىلۋدا.
-
جەتىساي اۋداندىق سوتىندا اكەسىن ۇرىپ ولتىرگەن الماس ساداقبايەۆتىڭ ءىسى قارالۋدا. سوتتا وقيعانىڭ ءمان-جايى اشىلدى.
-
اتىراۋ قالاسىندا 12 قاڭتار كۇنى كەيبىر مەكەنجايلاردا جارىق ۋاقىتشا سوندىرىلەدى. بۇل جۇمىستار قاۋىپسىزدىك شارالارىن قامتاماسىز ەتۋ ماقساتىندا جۇرگىزىلەدى.
