InfoHub Logo

الماتىداعى جوعارى وقۋ ورىندارىنىڭ بىرىندە ءبىرىنشى كۋرس ستۋدەنتى قايتىس بولدى. بۇل تۋرالى قالالىق وقۋ ورنىنىڭ باسپا ءسوز قىزمەتىنەن راستادى.

بۇل تۋرالى Infohub.kz اقپارات اگەنتتىگى حابارلايدى.

«سەسسيادان قۇلاي الماعان سوڭ...»

جۋىردا مەسسەندجەرلەردە بەلگىسىز جاس جىگىتتىڭ سەسسيادان قۇلاي الماعاندىقتان سۋيسيد جاساعانى تۋرالى حابارلامالار تارادى. چاتتاردا ەكى ستۋدەنتتىڭ بيىكتىكتەن سەكىرگەنى تۋرالى دا ايتىلدى. الايدا، بۇل اقپارات راستالمادى.

اتالعان جاعدايعا قاتىستى پىكىر الۋ ءۇشىن ۋنيۆەرسيتەت باسپا ءسوز قىزمەتىنە، قالالىق پوليسياعا جانە ۋنيۆەرسيتەت رەسمي وكىلدەرىنە حابارلاسقان ەدىك.

«سەگىزىنشى قاباتتان قۇلاپ كەتتى»

الماتىداعى جوعارى وقۋ ورنىنىڭ باسپا ءسوز قىزمەتىنەن حابارلاعانداي، 6 مامىر كۇنى تاڭعى ساعات 9 شاماسىندا ءبىرىنشى كۋرس ستۋدەنتى سەگىزىنشى قاباتتان قۇلاپ، سول جەردە كوز جۇمدى. جاس جىگىتتىڭ گرانت نەگىزىندە ءبىلىم العانى بەلگىلى بولدى.

ۋنيۆەرسيتەتتىڭ پسيحولوگيالىق قولداۋ قىزمەتىنىڭ مالىمەتىنشە، ستۋدەنت وقۋ جىلى ىشىندە پسيحولوگيالىق كومەككە جۇگىنبەگەن جانە مامانداردا ەسەپتە تۇرماعان.

«ونىڭ پسيحولوگيالىق جاعدايىنا قاتىستى شاعىمدار نەمەسە سيگنالدار بولماعان. وقىتۋشىلاردىڭ ايتۋىنشا، ستۋدەنت جاقسى وقىعان جانە تارتىپتىك ەسكەرتۋلەرى بولماعان»، - دەپ اتاپ ءوتتى باسپا ءسوز قىزمەتى.

ۋنيۆەرسيتەت باسشىلىعى قايتىس بولعان ستۋدەنتتىڭ وتباسىمەن كەزدەسىپ، قايعىلى جاعدايعا بايلانىستى كوڭىل ايتىپ، جان-جاقتى قولداۋ كورسەتۋگە دايىن ەكەنىن ءبىلدىردى.

پوليسيا جاۋابى

Tengrinews.kz ءتىلشىسى الماتى قالالىق پوليسيا دەپارتامەنتىنە حابارلاسقاندا، بۇل فاكتى بويىنشا قىلمىستىق ءىس قوزعالعانىن حابارلادى.

«اتالعان فاكتى بويىنشا مەدەۋ اۋداندىق پوليسيا باسقارماسى قىلمىستىق ءىس قوزعادى. مارتەبەسى مەن ءمان-جايى انىقتالۋدا»، - دەپ حابارلادى باسپا ءسوز قىزمەتى.

سەنىم تەلەفوندارى

ەگەر ءسىز ءوزىڭىزدى قيىن جاعدايعا تاپ بولدىم دەپ سەزىنسەڭىز نەمەسە ومىرلىك ماسەلەلەردەن شىعار جول تاپپاي جاتساڭىز، كومەككە تەگىن سەنىم تەلەفوندارى نەمەسە پسيحولوگيالىق قولداۋ قىزمەتتەرى كەلەدى. قازاقستاندا مۇنداي قىزمەتتەر بار.

مىسالى، 111 ءنومىرى – بالالارعا، ايەلدەرگە، ەرلەرگە جانە وسال توپتاعى ادامدارعا پسيحولوگيالوگيالىق، اقپاراتتىق قولداۋ كورسەتەدى. پسيحولوگتەردىڭ جۇمىس كەستەسى شامامەن تاڭعى 9-دان ءتۇن ورتاسىنا دەيىن.