فوتو: gov.kz
«الماتىداعى فۋتبول الاڭى «رەال ءمادريدتى» قابىلداۋعا دايىن» — تۋريزم جانە سپورت ءمينيسترى
تۋريزم جانە سپورت ءمينيسترى ەربول مىرزابوسىنوۆ الماتىنىڭ ورتالىق ستاديونى قازاقستاندىق «قايرات» پەن يسپاندىق «رەال مادريد» اراسىنداعى فۋتبول ماچىن وتكىزۋگە دايىن ەكەنىن ايتتى، دەپ حابارلايدى Infohub.kz.
26 تامىز كۇنى «قايرات» فۋتبول كلۋبى چەمپيوندار ليگاسىنىڭ نەگىزگى كەزەڭىنە شىقتى. كوپ وتپەي الماتىلىق كوماندانىڭ رەال مادريدپەن وينايتىنى بەلگىلى بولدى. يسپاندىق كوماندا قازاقستانعا كەلەدى.
مىرزابوسىنوۆتىڭ ايتۋىنشا، الماتى قالاسى قارسىلاسىن قابىلداۋعا دايىن.
«ماچقا ەڭ مىقتى كوماندا – «رەال مادريد» كەلمەك. بۇل شىنىمەن دە وقيعالى تۋريزم. وسى ۋاقىتقا دەيىن ءىس-شارالار وتكىزىلىپ كەلدى. بۇدان ءبىز دايىن ەكەنىمىزدى كوردىك. ينفراقۇرىلىمىمىز وسىنداي كولەمدەگى ءىس-شارالاردى وتكىزۋگە دايىن»، - دەدى مينيستر.
ەربول مىرزابوسىنوۆ الماتىداعى ستاديون ۋەفا تالاپتارىنا ساي كەلەتىنىن جانە ءتورتىنشى ساناتقا جاتاتىنىن اتاپ ءوتتى.
You Might Also Like
-
ايدا بالايەۆا شىمكەنتكە جۇمىس ساپارىمەن كەلدى،-دەپ حابارلايدى ينفوحاب.كز.
-
قاراعاندىدا ءبۇلدىرشىن 12 ماگنيتتى شاريكتى جۇتىپ قويعان، دەپ حابارلايدى Infohub.kz.
