Threads
الماتىداعى يي ارقىلى تازارتىلعان كوشەلەر داۋى جالعاستى: اكىمدىك تەكسەرۋ باستادى
الماتى قالاسى بوستاندىق اۋدانىنداعى كوشەلەردى جاساندى ينتەللەكت (يي) ارقىلى تازارتقان دەگەن داۋ جالعاسىن تاپتى. قالا اكىمدىگى قىزمەتتىك تەرگەۋ باستاپ، قوقىسقا تولعان ۋرنالار مەن لاس اۋماقتار ءۇشىن جاۋاپتى تۇلعالارعا ايىپپۇل سالدى.
بۇل تۋرالى Infohub.kz اقپارات اگەنتتىگى حابارلايدى.
نە بولدى؟
اۋدان اكىمدىگىنىڭ مالىمەتىنشە، الەۋمەتتىك جەلىدە جاريالانعان، يي تەحنولوگيالارى قولدانىلعان بولۋى مۇمكىن دەگەن كۇدىك تۋدىرعان سۋرەتتەرگە قاتىستى تەكسەرۋ باستالدى. ليەۆيتان كوشەسىندەگى، №125 مەكتەپتىڭ ءدال الدىنداعى اۋماقتىڭ «بۇرىن» جانە «كەيىن» تۇسىرىلگەن سۋرەتتەرىندەگى سايكەسسىزدىكتەردى جەلى قولدانۋشىلارى بايقاعان. بۇل سۋرەتتەردى الەۋمەتتىك جەلى يي ارقىلى جاسالعان نەمەسە وڭدەلگەن كونتەنت رەتىندە بەلگىلەگەن.
تەكسەرۋ ناتيجەسى قانداي بولدى؟
اكىمدىك اۋماقتىڭ اۋداندىق ماڭىزى بار ەكەنىن جانە وعان «جاسىل جەر الماتى» ج ش س مەردىگەرلىك ۇيىمى قىزمەت كورسەتەتىنىن حابارلادى. كەستە بويىنشا ۋرنالار كۇنىنە ەكى رەت تازارتىلۋى ءتيىس. الايدا، ادام كوپ جۇرەتىن جانە كولىك قاتىناسى قارقىندى بولعاندىقتان، كەيبىر ۋاقىتتاردا ۋرنالاردىڭ تولىپ قالۋىنا جول بەرىلگەن. بۇل جاعداي اۋماقتىڭ سانيتارلىق جاعدايىن ناشارلاتقان. بوستاندىق اۋدانى اكىمى اپپاراتى مەن اۋداندىق تابيعات قورعاۋ پوليسياسى ءبولىمىنىڭ بىرلەسكەن تەكسەرۋى ناتيجەسىندە جاۋاپتى تۇلعالارعا اكىمشىلىك ىقپال ەتۋ شارالارى قولدانىلدى.
مەردىگەر اكىمشىلىك قۇقىق بۇزۋشىلىق تۋرالى كودەكستىڭ 505-بابىنىڭ 1-بولىگى بويىنشا – اباتتاندىرۋ ەرەجەلەرىن بۇزعانى ءۇشىن جاۋاپقا تارتىلدى. ايىپپۇل مولشەرى بۇزۋشىنىڭ ساناتىنا بايلانىستى: جەكە تۇلعالارعا – 20 اەك، شاعىن بيزنەسكە – 30 اەك، ورتا بيزنەسكە – 40 اەك، ءىرى بيزنەسكە – 100 اەك بولادى. ءبىر جىل ىشىندە قايتا بۇزعان جاعدايدا ايىپپۇل سوماسى ارتادى.
قازىرگى تاڭدا مەردىگەرلەر اۋماقتى رەتكە كەلتىرىپ، بارلىق قوقىس تازارتىلعانىنا اكىمدىك سەندىردى.
بۇعان دەيىن نە بولعان ەدى؟
بۇعان دەيىن، مامىر ايىنىڭ ورتاسىندا، الماتى تۇرعىنى بوستاندىق اۋدانى اكىمدىگىنىڭ كوشەلەردى تازارتۋ ءۇشىن يي قولداندى دەگەن كۇدىگىن العا تارتقان بولاتىن. بۇل جازبا جەلىدە تەز تارالىپ، 100 مىڭعا جۋىق قارالىم جينادى. قولدانۋشىلار سۋرەتتەردەگى سايكەسسىزدىكتەردى، سونىڭ ىشىندە بىردەي كولەڭكەلەر مەن راكۋرستاردى بايقاعان.
-
Renowned journalist Nurseit Zhylkyshybai voices concern over the lack of state recognition for veteran actors، sparking a wider discussion.
-
اتىراۋدا ءبىر وتباسىنىڭ مۇشەلەرى قازا تاپقان قىلمىستىق ءىس بويىنشا سوت وتىرىسىندا مارقۇم ايەلدىڭ تۋىسى كۋالىك بەرىپ، ونىڭ سوڭعى حابارلاماسى جاريا ەتىلدى.
