Photo: Pixabay (https://www.pexels.com/@pixabay) / Pexels
الماتىداعى كۇردەلى الەۋمەتتىك راسىمگە جازىلۋ ونلاين فورماتقا كوشىرىلدى
الماتى تۇرعىندارى ءۇشىن ماڭىزدى الەۋمەتتىك قىزمەتتى الۋ جەڭىلدەيدى. ەندى مۇگەدەكتىكتى انىقتاۋ جانە ەڭبەككە قابىلەتتىلىكتى جوعالتۋ دارەجەسىن بەلگىلەۋ راسىمىنە الدىن الا ونلاين جازىلۋعا مۇمكىندىك بەرىلەدى. بۇل بۇرىن ۇزاق كەزەك كۇتۋدى تالاپ ەتكەن كۇردەلى پروسەسس بولاتىن.
بۇل تۋرالى Infohub.kz اقپارات اگەنتتىگى حابارلايدى.
ونلاين جازىلۋ قالاي جۇمىس ىستەيدى؟
بۇدان بىلاي ازاماتتار «مۇگەدەكتىكتى جانە (نەمەسە) ەڭبەككە قابىلەتتىلىكتى جوعالتۋ دارەجەسىن بەلگىلەۋ جانە الەۋمەتتىك قورعاۋدىڭ قاجەتتى شارالارىن ايقىنداۋ» مەملەكەتتىك قىزمەتىنە الەۋمەتتىك قىزمەتتەر پورتالى ارقىلى جازىلا الادى. بۇل جۇيە ارقىلى ادامدار وزدەرىنە ىڭعايلى ۋاقىت پەن كۇندى تاڭداپ، مەديسينالىق-الەۋمەتتىك ساراپتاماعا (ءماس) بارا الادى.
جۇيە پايدالانۋشىنى تۇرعىلىقتى مەكەنجايى بويىنشا ءماس بولىمىنە اۆتوماتتى تۇردە باعىتتايدى. جازىلىم راستالعاننان كەيىن تەلەفونعا SMS حابارلاما كەلەدى. وندا تالون ءنومىرى، مەكەنجاي جانە قابىلداۋ ۋاقىتى كورسەتىلەدى. سونىمەن قاتار، كەزدەسۋگە ءۇش كۇن قالعاندا جۇيە ەسكە سالاتىن حابارلاما جىبەرەدى. قاجەت بولعان جاعدايدا، جازىلىمدى جەكە كابينەتتە وڭاي جويا الاسىز.
جوبانىڭ كەڭەيۋى
بۇل ەلەكتروندى كەزەك جۇيەسى بۇعان دەيىن اقمولا وبلىسىندا سىناقتان وتكىزىلىپ، وڭ ناتيجەلەر كورسەتكەن. ۆەدومستۆو مالىمەتىنشە، بۇل شارا كۇتۋ ۋاقىتىن قىسقارتىپ، كەزەكتەردى ازايتقان. الماتى قالاسى بويىنشا جوبا 19 ناۋرىزعا دەيىن تالقىلاۋدا بولادى.
-
بۇل وقيعا بىرىككەن اراب امىرلىكتەرىنىڭ قورعانىس مينيسترلىگى ىقتيمال زىمىران شابۋىلى تۋرالى ەسكەرتكەننەن كەيىن بولدى.
-
قازاقستاندىق تەننيسشى ەلەنا رىباكينا WTA 1000 ءتۋرنيرىنىڭ ەكىنشى اينالىمىندا امەريكالىق حەيلي ءباپتيستى ءۇش سەتتە جەڭدى.
