InfoHub Logo

الماتىداعى تانىمال تەررەنكۋر ايماعىندا بۇرىنعى كىشىگىرىم كافە مەن بىرنەشە عيماراتتىڭ ورنىنا ءتورت ۇلكەن قۇرىلىس بوي كوتەردى. ونىڭ ۇشەۋى ءتىپتى مالايا الماتينكا وزەنىنىڭ سۋ قورعاۋ بەلدەۋىنە سالىنعان. رەسمي تۇردە بۇل «رەكونسترۋكسيا» دەپ اتالادى، ءبىراق ەسكى نىساندار تولىقتاي بۇزىلىپ، ورنىنا جاڭا، ۇلكەن عيماراتتار تۇرعىزىلعان. بۇل ىستە بۇرىنعى باس پروكۋروردىڭ ورىنباسارى ۇلان بايجانوۆتىڭ، ASK Properties كومپانياسىنىڭ جانە Teniz Capital بروكەرلىك قۇرىلىمىنىڭ اتى اتالادى. بۇل قۇرىلىمدار Tabys Pro قوسىمشاسىمەن جانە بۇرىنعى Jusan Bank باسشىلىعىمەن بايلانىستى بولىپ شىقتى.

بۇل تۋرالى Infohub.kz اقپارات اگەنتتىگى حابارلايدى.

سۋ قورعاۋ بەلدەۋىندەگى قۇرىلىستار

سالىنعان نىسانداردىڭ كەمىندە ۇشەۋى سۋ قورعاۋ بەلدەۋىنە ورنالاسقان، ال مۇندا اۋقىمدى قۇرىلىس جۇرگىزۋگە تىيىم سالىنعان.

بۇل جەردە بۇرىن «Terrenqour» كافەسى بولعان. ول مالايا الماتينكا وزەنىنىڭ جاعالاۋىندا ورنالاسقان تانىمال ورىنداردىڭ ءبىرى ەدى. بۇرىنعى عيمارات شاعىن بولسا، قازىرگى ءتورت قاباتتى، اۋماقتى نىساندار جابىق تۇرعىن ءۇي كەشەنىنە كوبىرەك ۇقسايدى.

لۋگانسكيي كوشەسىندە نە بولىپ جاتىر؟

اڭگىمە لۋگانسكيي كوشەسىندەگى №109 ب، 115 ب، 107 ۆ جانە 107 ب مەكەنجايلارىنداعى ۋچاسكەلەر تۋرالى بولىپ وتىر. قازىرگى تاڭدا بۇل جەردە ءۇش ءتورت قاباتتى عيماراتتىڭ قاڭقاسى تۇرعىزىلعان. ءتورتىنشى نىساننىڭ ىرگەتاسى عانا قالانعان. سىرتتاي قاراعاندا، بۇل نىساندار بىردەي ساۋلەت ستيلىندە، ورتاق تۇجىرىمدامامەن سالىنعان، ءتىپتى مالايا الماتينكا وزەنىنىڭ ارناسىنا جاقىن ورنالاسقان تۇتاس تۇرعىن ءۇي كەشەنى سياقتى كورىنەدى.

الايدا، بۇل اۋماق سۋ قورعاۋ بەلدەۋىندە ورنالاسقان. بالقاش-الاكول باسسەيندىك ينسپەكسياسىنىڭ رەسمي جاۋابىنا سايكەس، مۇنداعى سۋ قورعاۋ بەلدەۋىنىڭ ەنى – 35 مەتر، ال سۋ قورعاۋ ايماعى – 120 مەتر. سۋ كودەكسىنە سايكەس، سۋ قورعاۋ بەلدەۋىندە كەز كەلگەن شارۋاشىلىق قىزمەتىنە تىيىم سالىنادى.

قۇرىلىسقا العاش نازار اۋدارعان قوعام بەلسەندىسى سەرگەي چيكين بولدى. ول جەردى زەرتتەپ، مەملەكەتتىك ورگاندارعا حابارلامالار جولداعان. وسىدان كەيىن باسسەيندىك ينسپەكسيا ۋچاسكەلەردىڭ مالايا الماتينكا وزەنىنىڭ سۋ قورعاۋ بەلدەۋىندە ورنالاسقانىن رەسمي تۇردە راستادى.

نەلىكتەن قۇرىلىس «رەكونسترۋكسيا» دەپ اتالادى؟

سۋ ينسپەكسياسى بۇل ۋچاسكەلەردە 2007 جىلى سالىنعان عيماراتتار بولعاندىقتان، بۇزۋشىلىق انىقتالماعانىن حابارلادى. سوندىقتان يەسىنە رەكونسترۋكسيا جوباسى ماقۇلدانعان. سونداي-اق، ولار سۋ كودەكسىنىڭ 2009 جىلعا دەيىن پايدالانۋعا بەرىلگەن نىساندارعا شەكتەۋلەر قولدانىلمايتىنى تۋرالى نورماسىنا سىلتەمە جاسادى.

الايدا، Google Earth سپۋتنيكتىك سۋرەتتەرى مۇلدەم باسقا جاعدايدى كورسەتەدى. ەسكى عيماراتتار جاڭارتىلماعان، تولىقتاي بۇزىلعان. ونىڭ ۇستىنە:

بۇل، شىن مانىندە، رەكونسترۋكسيا ەمەس، جاڭا قۇرىلىس بولىپ تابىلادى.

اسىرەسە، تەررەنكۋرعا جاقىن ورنالاسقان ۋچاسكەلەردەگى جاعداي كۇدىكتى. ەكى دايىن عيمارات تولىعىمەن سۋ قورعاۋ بەلدەۋىندە ورنالاسقان. سول جەردە ءتورتىنشى نىساننىڭ قۇرىلىسى باستالعان، ءبىراق ازىرگە تەك ىرگەتاسى عانا بار. دەمەك، ءتورت نىساننىڭ ۇشەۋى كاپيتالدى قۇرىلىسقا مۇلدەم تىيىم سالىنعان جەردە ورنالاسقان.

بالقاش-الاكول باسسەيندىك ينسپەكسياسىنىڭ جاۋابى

باستاپقىدا بالقاش-الاكول ينسپەكسياسى ۋچاسكەلەردىڭ (كاداسترلىق نومىرلەرى 20-315-022-104 جانە 20-315-022-201) توو ASK Properties-كە، ال تاعى ءبىر ۋچاسكە بايجانوۆ ۇ.س.-كە تيەسىلى ەكەنىن حابارلادى. كەيىننەن ينسپەكسيا بۇرىنعى «Terrenqour» كافەسىنىڭ دە توو ASK Properties-كە تيەسىلى ەكەنىن ناقتىلادى.

ءىز Teniz Capital جانە Tabys Pro-عا اپارادى

بۇل ىستە بۇرىنعى باس پروكۋروردىڭ ورىنباسارى ۇلان بايجانوۆتىڭ اتى تەك تەررەنكۋرداعى قۇرىلىس قۇجاتتارىندا عانا ەمەس، بۇرىنعى زاڭسىز شىعارىلعان اكتيۆتەردى قايتارۋمەن اينالىسقان پروكۋروردىڭ فرانسيادا ۆيللاسى بار ەكەنى تۋرالى دا ايتىلعان بولاتىن.

«استانا» حالىقارالىق قارجى ورتالىعىنىڭ اشىق تىزىلىمىنەن **Teniz Capital Brokerage Ltd.** كومپانياسىن تاپتىق. كومپانيا 2024 جىلدىڭ ماۋسىم ايىندا تىركەلگەن، بروكەرلىك قىزمەتكە ليسەنزياسى بار جانە جارعىلىق كاپيتالى ءۇش ميلليون دوللاردى قۇرايدى.

ءتىزىلىم دەرەكتەرى بويىنشا، ۇلان بايجانوۆ كومپانيانىڭ تاۋەلسىز ديرەكتورى بولىپ تابىلادى.

ال كومپانيا اكسيونەرلەرىنىڭ اراسىندا بۇرىنعى Jusan Bank باسشىسى نۇرداۋلەت ايدوسوۆ تا بار. تاعى ءبىر تانىمال قاتىسۋشى – Teniz Capital نەگىزىن قالاۋشى ساكەن ۇسەر.

ءدال وسى Teniz Capital قۇرىلىمدارى **Tabys Pro** قوسىمشاسىمەن بايلانىستى. بۇل – قازاقستاندا سوڭعى ايلاردا بەلسەندى جارنامالانىپ جۇرگەن باعالى قاعازداردى ساتىپ الۋعا ارنالعان ءموبيلدى پلاتفورما.

قورىتىندىلاي كەلە، مىناداي بىرلەستىك بايقالادى:

باستى سۇراق: «رەكونسترۋكسيا» ۇعىمى قالاي تۇسىندىرىلەدى؟

بۇل جاعدايدىڭ بارلىعى ءبىر زاڭدىق «لازەيكاعا» كەلىپ تىرەلەدى. سۋ قورعاۋ بەلدەۋىندە جاڭا قۇرىلىس سالۋعا تىيىم سالىنعانىمەن، ەسكى نىسانداردى رەكونسترۋكسيالاۋعا رۇقسات ەتىلگەن. سوندىقتان بۇرىنعى «Terrenqour» كافەسى مەن شاعىن قۇرىلىستاردىڭ ورنىنا رەسمي تۇردە «رەكونسترۋكسيا» رەتىندە ءوتىپ جاتقان جوبا پايدا بولعان.

الايدا، سپۋتنيكتىك سۋرەتتەر بۇل ەسكى عيماراتتاردىڭ تولىقتاي بۇزىلعانىن، قۇرىلىس الاڭىنىڭ اۋدانى، قاباتتىلىعى جانە ورنالاسقان جەرى وزگەرگەنىن انىق كورسەتەدى. فورمالدى تۇردە – رەكونسترۋكسيا، ال ءىس جۇزىندە – الماتىنىڭ ەڭ سەزىمتال تابيعي ايماقتارىنىڭ بىرىندە جاڭا، اۋقىمدى قۇرىلىس.

Orda.kz بۇل جاعدايدى باقىلاۋدى جالعاستىرادى.