InfoHub Logo

الماتى قالاسىنداعى قوعامدىق كولىكتەردە "Avtobys" ەلەكتروندى تولەم جۇيەسىن قولدانۋ مۇمكىندىگى 13 باعىتتا ىسكە قوسىلدى. بۇل تۋرالى جۇيە وپەراتورى حابارلادى.

جاڭا جۇيە №51، 117، 219، 221، 228، 234، 258، 33، 232، 4، 85، 8 جانە 54 باعىتتارىنداعى اۆتوبۋستارعا ورناتىلدى. "Avtobys" جۇيەسى الماتىدا 4 ناۋرىزدان باستاپ جۇمىس ىستەي باستاعان بولاتىن.

بۇعان دەيىن 7 اقپاندا قوعامدىق كولىكتە تولەم جۇيەسىن كەزەڭ-كەزەڭىمەن ەنگىزۋ تۋرالى اقپارات تاراعان ەدى. العاشقىدا جۇيە جەكەلەگەن باعىتتاردا، كەيىننەن بارلىق قوعامدىق كولىك جەلىسىندە قولدانىسقا بەرىلۋى ءتيىس بولعان. الايدا، بۇل جاڭالىقتى اۆتوبۋس تاسىمالداۋشىلار قاۋىمداستىعى قولدامادى جانە باسەكەلەستىكتى قورعاۋ جانە دامىتۋ اگەنتتىگىنە شاعىم تۇسىرگەن بولاتىن.

ەندى قالادا ەسكى "Onay" جانە جاڭا "Avtobys" جۇيەلەرى قاتار جۇمىس ىستەيدى. بۇل جۇيەلەردە ارنايى تاريفتەردى رەسىمدەۋدىڭ بىرنەشە نۇسقاسى قاراستىرىلعان.