Photo: Aleksejs Bergmanis (https://www.pexels.com/@vividcafe) / Pexels
الماتىداعى قوعامدىق كولىكتەردە ەكى تولەم جۇيەسى قاتار جۇمىس ىستەيدى
الماتىداعى قوعامدىق كولىكتەردە جولاۋشىلارعا قولايلى بولۋى ءۇشىن ەكى ءتۇرلى ەلەكتروندى تولەم جۇيەسى – Onay جانە Avtobys قاتار قولدانىلاتىن بولدى. بۇل تۋرالى الماتى قالاسىنىڭ جول قوزعالىسىن ۇيىمداستىرۋ جانە جولاۋشىلار كولىگى باسقارماسى حابارلادى.
بۇعان دەيىن 7 اقپاندا Avtobys سيفرلىق تولەم جۇيەسىنىڭ كەزەڭ-كەزەڭىمەن ەنگىزىلەتىنى تۋرالى اقپارات تاراعان بولاتىن. باستاپقىدا بۇل جۇيە جەكە باعىتتاردا، كەيىننەن قوعامدىق كولىك جەلىسىنىڭ بارلىعىندا ىسكە قوسىلۋى ءتيىس ەدى. الايدا، بۇل جاڭالىقتى اۆتوبۋس تاسىمالداۋشىلار قاۋىمداستىعى قۇپتاماي، باسەكەلەستىكتى قورعاۋ جانە دامىتۋ اگەنتتىگىنە شاعىم تۇسىرگەن بولاتىن.
قالالىق جولاۋشىلار كولىگى باسقارماسىنىڭ مالىمەتىنشە، قالادا ەكى جۇيە دە جۇمىس ىستەيتىن بولادى. «جولاۋشىلاردىڭ جاعدايىن جاقسارتۋ ماقساتىندا ءارتۇرلى وتاندىق وپەراتورلاردىڭ شارتتارى قاراستىرىلدى. ناتيجەسىندە، الماتىدا ەكىنشى وپەراتور – Avtobys ەنگىزۋ تۋرالى شەشىم قابىلداندى. بۇل جۇيە قوعامدىق كولىكتە جول ءجۇرۋ اقىسىن تولەۋدىڭ ءارتۇرلى تاسىلدەرىن قاراستىرادى. قازىرگى ۋاقىتتا اۆتوبۋستاردى ەكىنشى وپەراتوردىڭ جابدىقتارىمەن كەزەڭ-كەزەڭىمەن جاراقتاندىرۋ جۇمىستارى باستالدى»، - دەلىنگەن باسقارمانىڭ حابارلاماسىندا.
Avtobys جۇيەسى قالا بويىنشا ستاندارتتى كولىك كارتالارىن ساتۋ نۇكتەلەرىنىڭ جەلىسىن قۇرۋدا.
-
استانادا ازاماتتاردىڭ اقشاسىن زاڭسىز تارتقان 4 تۇرعىن ءۇي كەشەنىنىڭ قۇرىلىسى بويىنشا قىلمىستىق ىستەر اياقتالدى. كەلتىرىلگەن زالال 8،2 ميلليارد تەڭگەگە باعالانىپ وتىر.
-
مەملەكەتتىك كىرىستەر كوميتەتى "Salyq كەشبەك" پيلوتتىق جوباسىن 2026 جىلعا دەيىن ۇزارتتى. بۇل جوبا ارقىلى ازاماتتار ساتىپ العان تاۋارلارى ءۇشىن 2% كەشبەك الا الادى.
