InfoHub Logo

الماتىداعى ۇلكەن الماتى وزەنىنىڭ جاعالاۋىندا جۇرگىزىلگەن تازالاۋ جۇمىستارى قالىڭ شاڭدى داۋىلعا ۇلاسىپ، الەۋمەتتىك جەلىدە قىزۋ تالقىلاۋ تۋدىردى. بۇل جاعدايعا قاتىستى قالا اكىمدىگىنىڭ باسپا ءسوز قىزمەتى تۇسىنىكتەمە بەردى.

بۇل تۋرالى Infohub.kz اقپارات اگەنتتىگى حابارلايدى.

نە بولدى؟

وقيعا 29 ناۋرىزدا الەۋمەتتىك جەلىدە جاريالانعان جازبادان باستالدى. الماتى تۇرعىنى تورايعىروۆ پەن توقتابايەۆ كوشەلەرى ارالىعىنداعى اۋماقتى تازالاۋ ادىستەرىن سىناپ، مەردىگەردى جاۋاپكەرشىلىككە تارتۋدى تالاپ ەتتى. ونىڭ ايتۋىنشا، جۇمىس كەزىندە شاڭ مەن كىر تۇرعىن ۇيلەرگە ۇشىپ، تروتۋارلار جابىلماعاندىقتان جاياۋ جۇرگىنشىلەر مەن بالالارعا ءقاۋىپ توندىرگەن.

اكىمدىكتىڭ جاۋابى

قالالىق ەكولوگيا جانە قورشاعان ورتانى قورعاۋ باسقارماسىنىڭ مالىمەتىنشە، ۇزىندىعى 5،7 شاقىرىم بولاتىن ۇلكەن الماتى وزەنى ارناسىن رەكونسترۋكسيالاۋ جۇمىستارىن «پاۆلودار وزەن پورتى» اق جۇرگىزەدى. وبەكتىدە ەكولوگيالىق تالاپتاردىڭ بۇزىلعانى، اتاپ ايتقاندا، جۇمىس بارىسىندا شاڭنىڭ پايدا بولۋىنا جول بەرىلگەنى جانە شاڭدى باسۋ بويىنشا ءتيىستى شارالاردىڭ بولماعانى انىقتالدى.

اكىمدىك قالانىڭ كوركەيتۋ ەرەجەلەرىن بۇزعانى ءۇشىن اكىمشىلىك قۇقىق بۇزۋشىلىق كودەكسىنىڭ 505-بابى بويىنشا اكىمشىلىك حاتتاما تولتىردى. جاۋاپقا تارتىلعاندار قاتارىندا باس مەردىگەر «پاۆلودار وزەن پورتى» اق، قوسالقى مەردىگەر «Makona Group» ج ش س جانە جوبا جەتەكشىسى بار.

مەردىگەر ۇيىم باسشىلىعىمەن جانە ۋچاسكە باستىعىمەن بولاشاقتا مۇنداي بۇزۋشىلىقتارعا جول بەرمەۋ ماقساتىندا ەكولوگيالىق تالاپتار مەن الماتىنىڭ كوركەيتۋ ەرەجەلەرىن ساقتاۋ ماسەلەلەرى بويىنشا ءتۇسىندىرۋ جۇمىستارى جۇرگىزىلدى.

بۇرىن دا ايىپپۇل العان

«پاۆلودار وزەن پورتى» اق الماتىدا جالپى قۇنى 67 ميلليارد تەڭگەدەن اساتىن ءىرى مەملەكەتتىك كەلىسىمشارتتاردى العان. الايدا، كەيبىر جوبالار داۋ-داماي مەن سوت پروسەستەرىنە ۇلاسقان.

ۇلكەن الماتى وزەنى: پليتا ۇرلىعىنان «قالاممەن تەكسەرۋگە» دەيىن

ۇلكەن الماتى وزەنى ارناسىن رەكونسترۋكسيالاۋعا ارنالعان تەندەر 2024 جىلدىڭ 16 قىركۇيەگىندە جاريالانىپ، كەلىسىمشارت سوماسى 7،143 ميلليارد تەڭگەنى قۇرادى. بۇل جوبا قالا تۇرعىندارىنا ءبىرقاتار وقيعالارمەن ەستە قالدى:

سايراندى كوركەيتۋدەگى داۋ

سايران سۋ قويماسىن كوركەيتۋ جوباسى دا ەڭ كوپ تالقىلانعان جانە قىمبات جوبالاردىڭ ءبىرى بولدى. كەلىسىمشارت 2023 جىلدىڭ جەلتوقسانىندا جاسالىپ، 12 ميلليارد تەڭگەگە باعالاندى. جۇمىستار 2024 جىلى اياقتالۋى ءتيىس بولعانىمەن، مەرزىمدەر بىرنەشە رەت كەيىنگە شەگەرىلدى. 2025 جىلدىڭ تامىزىندا اكىمدىك «پاۆلودار وزەن پورتى» اق-نى ۋاقتىلى جانە ساپاسىز ورىنداماعانى ءۇشىن سوتقا بەردى. ءبىرىنشى ساتىداعى سوت كومپانيانى مەملەكەتتىك ساتىپ الۋشىلاردىڭ ادال ەمەس قاتىسۋشىسى دەپ تانىپ، 23،1 ميلليون تەڭگە ايىپپۇل ءوندىرىپ الدى. الايدا، كەيىنىرەك اپەللياسيالىق سوت كومپانيانى ادال ەمەس دەپ تانۋ تۋرالى شەشىمدى كۇشىن جويدى.

«پاۆلودار وزەن پورتى» اق-نىڭ باسقا دا ءىرى جوبالارىنا ۇلكەن الماتى كانالىن (باK) كۇردەلى جوندەۋ جانە قارعالى وزەنى جاتادى.