InfoHub Logo

الماتى قالاسىنىڭ بازارلارى تەك جەرگىلىكتى تۇرعىندار ءۇشىن عانا ەمەس، بۇكىل قازاقستاندىقتار ءۇشىن ماڭىزدى ساۋدا ورتالىعى بولىپ سانالادى. بۇل ساۋدا ورىندارىنىڭ جىلدىق اينالىمى ميللياردتاعان تەڭگەگە جەتەدى. Kursiv.media رەداكسياسى ەڭ تانىمال بازارلاردىڭ يەلەرى كىم ەكەنىن جانە ولاردىڭ مەملەكەت قازىناسىنا قانشا سالىق تولەيتىنىن زەرتتەپ كوردى.

بۇل تۋرالى Infohub.kz اقپارات اگەنتتىگى حابارلايدى.

«كوك بازار»: ميللياردەرلەردىڭ يەلىگىندەگى ساۋدا ورنى

الماتىداعى ەڭ كونە جانە تانىمال ساۋدا ورىندارىنىڭ ءبىرى – «كوك بازار». جالپى اۋماعى 3،16 گەكتاردى قۇرايتىن بۇل بازاردىڭ تۇپكىلىكتى يەلەرى ەكى ادام. ولاردىڭ ءبىرى – Forbes تىزىمىندەگى ميللياردەر، ەكس-پرەزيدەنتتىڭ قىزى دينارا قۇلىبايەۆا. ول «MERCURY PROPERTIES» ج ش س ارقىلى بازاردى باسقارادى. ەكىنشى يەسى – ميللياردەر سحاي يۋريي، ونىڭ بايلىعى 100 ميلليون دوللارعا باعالانادى. سحاي يۋريي «دوستار-ينۆەست» كومپانياسى ارقىلى بازارعا يەلىك ەتەدى جانە الاتاۋ قالاسىن دامىتۋعا بەلسەندى اتسالىسۋدا.

Adata دەرەكتەرى بويىنشا، «كوك بازار» 2015 جىلدان باستاپ سالىق تولەي باستاعان. وسى ۋاقىت ىشىندە بيۋدجەتكە 3،5 ميلليارد تەڭگە سالىق قۇيىلعان. ەڭ كوپ سالىق تولەگەن جىل – 2025، سول جىلى 690 ميلليون تەڭگە تولەنگەن. بازاردا 100-دەن استام ادام جۇمىس ىستەيدى.

«التىن وردا»: داۋلى يەلىك جانە سالىقتىق سەرپىلىس

الماتىداعى «مايلى» ورىنداردىڭ كوبى بۇرىن نازاربايەۆتار اۋلەتىمەن بايلانىستى بولعان. «التىن وردا» بازارى دا وسى تىزىمدە. 2013 جىلدان 2022 جىلعا دەيىن بۇل بازار «KURYLYS LTD» جشس-نىڭ مەنشىگىندە بولدى، ال ونىڭ يەسى – بولات نازاربايەۆ. 2022 جىلى يەلىك قۇقىعى دانيار الپييەۆ پەن «كومپانيا نومەر ودين» جشس-عا اۋىستى. الايدا، دانيار الپييەۆتىڭ ايتۋىنشا، بازاردى ونىڭ اكەسى اشقانىمەن، كەيىن رەيدەرلىك شابۋىلمەن نازاربايەۆتار اۋلەتىنە وتكەن.

2023 جىلى بۇل ماسەلەگە قاتىستى ءىس قوزعالىپ، بولات نازاربايەۆتىڭ سەرىكتەستەرى جاۋاپقا تارتىلدى. دەگەنمەن، ساتۋشىلار بازار ءالى دە ەكس-پرەزيدەنت وتباسىنا تيەسىلى دەپ ەسەپتەيدى. مەملەكەتتىك كىرىستەر كوميتەتىنىڭ مالىمەتىندە بازاردان تۇسكەن سالىق كورسەتىلمەگەنىمەن، Adata دەرەكتەرى بويىنشا، قازىناعا 292 ميلليون تەڭگە جىبەرىلگەن. قىزىعى، 2022 جىلعا دەيىن سالىق كولەمى جىلىنا 5-12 ميلليون تەڭگە بولسا، يەسى اۋىسقاننان كەيىن 20 ەسە ارتىپ، 210 ميلليون تەڭگەگە جەتكەن.

«كەنجەحان» بازارى: رەيدەرلىك شابۋىلدان كەيىنگى وزگەرىستەر

ەكس-پرەزيدەنت اۋلەتىمەن بايلانىستى تاعى ءبىر بازار – «كەنجەحان». Orda.kz سايتىنىڭ حابارلاۋىنشا، 2000 جىلدارى بۇل بازاردى ەكس-پرەزيدەنتتىڭ قارىنداسى ءانيپا نازاربايەۆا رەيدەرلىك جولمەن تارتىپ العان. الايدا، 2022 جىلعى قاڭتار وقيعالارىنان كەيىن ءانيپا نازاربايەۆا بازاردى «ميترا كونسالتينگ» جشس-نا بەردى. بۇل كومپانيانىڭ قۇرىلتايشىسى – الەكساندرا مانۋشينا، ال بازاردى ونىڭ تۋىسى تاتيانا مانۋشينا باسقارادى.

بازار بيۋدجەتكە جالپى 684 ميلليون تەڭگە سالىق تولەگەن. «التىن وردا» بازارىنا ۇقساس، 2022 جىلعا دەيىن سالىق تولەمى 8-13 ميلليون تەڭگە ارالىعىندا بولسا، 2022 جىلى 39 ميلليون تەڭگەگە دەيىن وسكەن. 2023 جىلى 114 ميلليون، 2024 جىلى 139 ميلليون تەڭگە تولەنگەن. بازاردا 42 ادام جۇمىس ىستەيدى.

«تاستاق» بازارى: سالىقتىق سحەمانىڭ جالعاسى

نازاربايەۆتار اۋلەتىمەن بايلانىستى تاعى ءبىر تانىمال بازار – «تاستاق». 2022 جىلعا دەيىن «تاستاق» جشس-نىڭ قۇرىلتايشىلارى رەتىندە بولات نازاربايەۆ جانە ونىڭ ۇلدارى قۇندىز بەن نۇربول نازاربايەۆ كورسەتىلگەن. قازىرگى ۋاقىتتا كومپانيانى 41 جاستاعى ەرلان قايروۆ باسقارادى جانە يەسى دە سول.

بازار بيۋدجەتكە ميلليونداپ سالىق تولەگەنىمەن، نازاربايەۆتارعا ءتان سالىقتىق سحەما بايقالادى. 2022 جىلعا دەيىن «تاستاق» ج ش س 7-12 ميلليون تەڭگە سالىق تولەسە، 2022 جىلى بۇل كورسەتكىش 360 ميلليون تەڭگەگە دەيىن وسكەن. كەيىنگى جىلدارى تولەمدەر 20-30 ميلليون تەڭگە ارالىعىندا بولدى. كاسىپورىندا 35 ادام جۇمىس ىستەيدى.

«الاتاۋ» بازارى: مالىمەتتەردىڭ ازدىعى

ايگىلى باراحولكادا ورنالاسقان «الاتاۋ» بازارى تۋرالى اشىق دەرەكتەردە مالىمەت وتە از. «الاتاۋ رىنوك» جشس-نىڭ باسشىسى تارتۋ ارعىنوۆ بولعانىمەن، قۇرىلتايشىلارى مەن سالىق ءتۇسىمى تۋرالى اقپارات جوق. كەيبىر باق-تىڭ جازۋىنشا، بۇل بازاردىڭ «الاتاۋ قۇس» فابريكاسىنىڭ يەسى، كاسىپكەر سەرىك ەستايعا قاتىسى بولۋى مۇمكىن.

ايتا كەتەيىك، ۇلتتىق ستاتيستيكا بيۋروسىنىڭ مالىمەتىنشە، قازاقستاندا بازارلار سانى ازايىپ كەلەدى. بىلتىر 588 بازار تىركەلگەن، بۇل ءبىر جىل بۇرىنعىدان 38-گە از.