InfoHub Logo

قازاقتىڭ بەلگىلى اقىنى باۋىرجان حاليوللا مەن ءجۇرسىن ەرمان اراسىندا 2011 جىلى بولعان جازبا ايتىستىڭ تولىق نۇسقاسىن الەۋمەتتىك جەلىدە جاريالادى. بۇل جازبالار جەلىدە قىزۋ تالقىلانىپ، كوپشىلىكتىڭ نازارىن اۋداردى.

بۇل تۋرالى Infohub.kz اقپارات اگەنتتىگى حابارلايدى.

ايتىستىڭ سەبەبى

باۋىرجان حاليوللانىڭ ايتۋىنشا، بۇل ايتىس ءجۇرسىن ەرماننىڭ مۇقاعالي ماقاتايەۆتىڭ 80 جىلدىعىنا ارنالعان ءمۇشايرادا باس جۇلدەسىن جەڭىپ العاننان كەيىن باستالعان. اقىن ۇستازىن قۇتتىقتاپ، جەڭىسىنە وراي ولەڭ جولدارىن جازعان.

«ماقاتايەۆ، جازمىش پا، الدە بۇيرىق پا؟ قۇتتى بولسىن، قىمىزىڭدى قۇي جۇرتقا. بىزدە ەرتەڭ جۇرەمىز-اۋ تالاسىپ، ءجۇرسىن ەرمان اتىنداعى سىيلىققا»، - دەپ جازعان حاليوللا.

ءجۇرسىن ەرماننىڭ جاۋابى

الايدا، ءجۇرسىن ەرماننىڭ جاۋابى اقىندى تاڭ قالدىرعان. ول: «عۇمىرىندا سابىنداي-اق قامشىنىڭ، ءوز بيىگىن ءبىلۋ كەرەك ءار شىبىن. ءجۇرسىن ەرمان اتىنداعى سىيلىقتى، القاشتاردىڭ الۋىنا قارسىمىن»، - دەپ جاۋاپ بەرگەن.

حاليوللا بۇل جاۋاپتى ءوزىنىڭ الدىڭعى ايتىستارىنداعى سوزدەرىنە بايلانىستى دەپ تۇسىنگەن. ول اشۋلانىپ، جاۋاپ رەتىندە مىناداي ولەڭ جولدارىن جولداعان:

«مەن وزىڭنەن ۇيرەنىپ ەم ۇرتتاۋدى، سودان كەيىن جاقپاي قويدىم جۇرتقا الگى. قايران عانا قاسيەتتى ءومىرىم، قايدان ۇستاز قىلدىڭ ماعان قىرتتاردى. ماعان ايتار سوڭعى ءسوزىڭ بولدى ما؟ ەندى الدىڭدا ۇستاماسپىن دومبىرا، ءبىر القاشتىڭ الىپ تۇرىپ سىيلىعىن، ءبىر القاشتى تابالاۋىڭ زور كۇنا...»

ايتىستىڭ جاريالانۋى

باۋىرجان حاليوللا بۇل حات الماسۋدىڭ وزىندىك تاريحى بار ەكەنىن ايتىپ ءوتتى. ءجۇرسىن ەرمان سول كەزدە «جاس الاش» گازەتىنە ماقالا جازعاندا، بۇل سمس-تەردى مادەنيەت ساقتاپ، «القاش» ءسوزىن «ىشكىش» دەپ وزگەرتىپ جاريالاعان كورىنەدى. كەيىننەن ءجۇرسىن ەرمان بۇل سمس-تەردى ناسيحاتتاپ جۇرگەن.

قازىرگى ۋاقىتتا بۇل جازبالار الەۋمەتتىك جەلىدە قايتادان پايدا بولىپ، جۇرتشىلىقتىڭ قىزۋ تالقىسىنا اينالۋدا.