Tengrinews.kz / اليحان سارييەۆ
«التىن ورداداعى» باعانى كىم كوتەرگەن؟ تەكسەرۋ قورىتىندىسى جاريالاندى
ساۋدا جانە ينتەگراسيا مينيسترلىگى الماتى وبلىسىنداعى «التىن وردا» بازارىندا الەۋمەتتىك ماڭىزى بار ازىق-تۇلىك تاۋارلارىنا باعا بەلگىلەۋدە بۇزۋشىلىقتاردى انىقتادى. كەيبىر جاعدايلاردا ساۋدا ۇستەمەسى 85 پايىزدان اسقان.
بۇل تۋرالى Infohub.kz اقپارات اگەنتتىگى حابارلايدى.
مينيسترلىكتىڭ حابارلاۋىنشا، «وماروۆ» جك، «Iceberg Distribution» ج ش س جانە «ار دياس» ج ش س الەۋمەتتىك ماڭىزى بار ازىق-تۇلىك تاۋارلارىن ارزان باعامەن ساتىپ الىپ، ولاردى باسقا ساۋداگەرلەرگە 17-دەن 86 پايىزعا دەيىنگى نەگىزسىز ۇستەمەاقىمەن ساتقان.
تەكسەرۋ ناتيجەلەرى
اتالعان فاكتىلەر بويىنشا جوسپاردان تىس تەكسەرۋلەر تاعايىندالدى. ولاردىڭ قورىتىندىسى بويىنشا، بۇزۋشىلارعا اكىمشىلىك ىقپال ەتۋ شارالارى قولدانىلىپ، ايىپپۇل سالىندى.
مينتورگ مالىمەتىنشە، جىل باسىنان بەرى جۇرگىزىلگەن تەكسەرۋلەر ءبىر ساۋدا جەلىسى، ءبىر كوتەرمە ساۋدا الاڭى جانە 11 ساۋدا سۋبەكتىسى الەۋمەتتىك ماڭىزى بار ازىق-تۇلىك تاۋارلارىنا 40-تان 203،8 پايىزعا دەيىنگى نەگىزسىز ساۋدا ۇستەمەسىن قولدانعانىن كورسەتتى.
سونىمەن قاتار، وڭىرلىك كوميسسيا «التىن وردا» بازارىنداعى 13 ساۋدا سۋبەكتىسىندە جوسپاردان تىس تەكسەرۋلەر جۇرگىزدى. تەكسەرۋ ناتيجەسىندە جەتكىزۋ تىزبەگىنەن 7 ءتيىمسىز دەلدال الىنىپ تاستالدى.
ەلەكتروندى شوت-فاكتۋرالار تالداۋى
مەملەكەتتىك كىرىستەر ورگاندارىنان الىنعان ەلەكتروندى شوت-فاكتۋرالاردى تالداۋ كەزىندە الەۋمەتتىك ماڭىزى بار ازىق-تۇلىك تاۋارلارىن ساتۋمەن اينالىساتىن ءبىرقاتار ءىرى ساۋدا سۋبەكتىلەرىندە دە بۇزۋشىلىقتار انىقتالدى.
-
الەۋمەتتىك جەلىدە بۋرابايداعى مەيرامحانادا بىرنەشە بۋرگەرگە شامامەن 200 مىڭ تەڭگە تولەگەنى تۋرالى شوت قىزۋ تالقىلاندى. بۇل جاعدايعا تۋريزم جانە سپورت ءمينيسترى ەربول مىرزابوسىنوۆ پىكىر ءبىلدىردى.
-
An investigation into Kazakhstan's Altyn Orda market uncovered significant price gouging on essential food items، with some markups exceeding 85%.
