xsport.ua
امەريكالىق بوكس چەمپيونى قازاقتاردىڭ مىقتىلىعىنىڭ سىرىن اشتى
قازاقستاندىق كاسىپقوي بوكسشى جانقوش تۇراروۆ اقش-تاعى جاتتىعۋ كەزىندە جەڭىل سالماقتا IBF Inter-Continental چەمپيونى كيشون ديەۆيسپەن سپاررينگ وتكىزدى. جاتتىعۋدان كەيىن امەريكالىق سپورتشى قازاقتاردىڭ مىقتىلىعى تۋرالى قىزىقتى پىكىر بىلدىرگەن.
بۇل تۋرالى Infohub.kz اقپارات اگەنتتىگى حابارلايدى.
سپاررينگتەن كەيىن ەكى بوكسشى جاقسى ءتىل تابىسىپ، ەركىن اڭگىمەلەسكەن. سول كەزدە ديەۆيس قازاقستاندىق سپورتشىلاردىڭ مىقتىلىعىنا تاڭعالىسىن ءبىلدىرىپ، ونىڭ سەبەبىن اتاپ وتكەن.
«قازاقتار جىلقىنىڭ ەتىن جەيدى، سوندىقتان دا مىقتى»
«سپاررينگتەن سوڭ دوستاسىپ كەتتىك. ول ماعان «قازاقتار جىلقىنىڭ ەتىن جەيدى، سوندىقتان دا مىقتى» دەپ ايتتى»، – دەپ ءبولىستى جانقوش تۇراروۆ الەۋمەتتىك جەلىدە.
ايتا كەتەيىك، جانقوش تۇراروۆ (29-0، 20 KO) كاسىبي مانسابىندا ءالى جەڭىلىس كورگەن جوق. ونىڭ سوڭعى جەكپە-جەگى 2023 جىلدىڭ قىركۇيەك ايىندا الماتىدا وتكەن بولاتىن. سول كەزدە ول فيليپپيندىك الي كانەگانى تورەشىلەر شەشىمىمەن جەڭىپ، 29-شى رەت جەڭىسكە جەتتى.
قازىرگى تاڭدا قازاقستاندىق بوكسشى اقش-تا جاتتىعۋىن جالعاستىرىپ، كەلەسى ايقاسىنا دايىندالۋدا. ونىڭ كەلەسى قارسىلاسى مەن جەكپە-جەك وتەتىن ۋاقىتى ءالى بەلگىسىز.
-
پروديۋسەر بايان الاگوزوۆا زاياۆيلا، چتو سوحرانيت كامزول، ۆ كوتوروم سنيمالاس مەرۋەرت ۋتەكەشيەۆا، ۆىزۆاۆ بۋرنۋيۋ رەاكسيۋ وبششەستۆەننوستي.
-
IBF Inter-Continental Champion Keyshawn Davis attributes Kazakh athletes' resilience to their diet after a sparring session with Zhankosh Turarov.
