tengrinews.kz
امەريكالىق ميلليونەر افريكادا اڭ اۋلاپ ءجۇرىپ پىلدەردىڭ اياقاستىندا قازا تاپتى
امەريكالىق ميلليونەر، 75 جاستاعى كاسىپكەر ەرني دوزيو گابوندا اڭ اۋلاۋ سافاري كەزىندە قازا تاپتى. ول سيرەك كەزدەسەتىن ورمان انتيلوپاسى مەن كارليك بۋيۆولدى اتىپ الماق بولعان. الايدا، جوسپارلانعان اڭشىلىق تراگەديامەن اياقتالدى.
بۇل تۋرالى Infohub.kz اقپارات اگەنتتىگى حابارلايدى.
قاپىدا شابۋىلداعان پىلدەر
وقيعا لوپە-وكاندا تروپيكالىق ورماندى القابىندا بولعان. ميلليونەرمەن بىرگە كاسىپقوي اڭشى-جولسەرىك تە بولعان. كەنەتتەن قالىڭ بۇتانىڭ ىشىنەن بەس انالىق ءپىل مەن ولاردىڭ ءتولى شىعا كەلگەن. وزدەرىنىڭ كىشكەنتايىن قورعاۋعا ۇمتىلعان پىلدەر توپقا بىردەن شابۋىلداعان.
اڭشى جارالاندى، ميلليونەر قازا تاپتى
باسىلىمنىڭ حابارلاۋىنشا، كاسىپقوي اڭشى پىلدەردىڭ سوققىسىنان لاقتىرىلىپ، اۋىر جاراقات العان. ال ەرني دوزيونىڭ قولىندا تەك انتيلوپا اۋلاۋعا ارنالعان مىلتىعى عانا قالعان. وكىنىشكە وراي، ول پىلدەردىڭ اياقاستىندا قالىپ، سول جەردە جان تاپسىردى.
«سافاري زاڭدى بولدى»
قايتىس بولعان ازاماتتىڭ تانىسىنىڭ ايتۋىنشا، ەرني دوزيو جاستايىنان اڭشىلىقپەن اينالىسقان. ونىڭ افريكا مەن اقش-تا كوپتەگەن اڭشىلىق تروفەيلەرى بولعان. «كوپشىلىك ءىرى اڭدارعا اڭشىلىقتى قۇپتامايدى، ءبىراق ونىڭ بارلىق سافاريلەرى زاڭدى ليسەنزيامەن وتكىزىلىپ، جانۋارلار سانىن رەتتەۋ اياسىندا جۇرگىزىلدى»، - دەيدى تانىسى.
مارقۇمنىڭ ءمايىتى اقش-تىڭ گابونداعى ەلشىلىگىنىڭ كومەگىمەن كاليفورنياعا جەتكىزىلەدى.
كاسىپكەرلىك قىزمەتى
ەرني دوزيو – Pacific AgriLands كومپانياسىنىڭ يەسى. بۇل كومپانيا كاليفورنيادا 12 مىڭ اكر جۇزىمدىككە يەلىك ەتەدى. سونداي-اق، باسقا جۇزىمدىكتەردى باسقارۋمەن جانە ءونىم جيناۋعا ارنالعان جابدىقتارمەن قامتاماسىز ەتۋمەن اينالىسادى.
-
ۆ تەميرتاۋ ۆوسپيتاتەل دەتسكوگو سادا بىلا ۋۆولەنا پوسلە توگو، كاك زاپيس س كامەرى پوكازالا، كاك ونا ۋداريلا رەبەنكا.
-
A wealthy American businessman's hunting trip in Gabon turned tragic when he was fatally attacked by a herd of elephants.
