امەريكالىق Forbes Next 1000 تىزىمىنە ەنگەن قازاقستاندىق ەليسار نۇرماعامبەتوۆ
ەليسار نۇرماعامبەتوۆ
جاس كاسىپكەر:
- قايىرلى كۇن، ەليسار مىرزا! ەڭ الدىمەن امەريكاندىق تانىمال Forbes Next 1000 تىزىمىنە ەنۋىڭىزبەن شىن جۇرەكتەن قۇتتىقتايمىز! بۇل جەتىستىككە قالاي قول جەتكىزدىڭىز؟ نەدەن باستادىڭىز؟
- بارلىعىڭىزعا شىنايى العىسىمدى بىلدىرەمىن! جاقىندارىمنىڭ، دوستارىمنىڭ جانە جەرلەستەرىمنىڭ قۋانىشى مەن قولداۋى مەن ءۇشىن فوربەستىڭ وزىنەن گورى ماڭىزدىراق.
مەن اقش-تا ون جىلدان بەرى بولدىم. ءوزىمدى وسى ەلدە ءارتۇرلى سالالاردا سىناپ كوردىم. 2017 جىلى الەمدەگى ەڭ ءىرى يننوۆاسيالىق ورتالىقتىڭ - Plug and Playء-تىڭ رەزيدەنتى بولدىم. وندا فينتەكستەرمەن، بانكتەرمەن جانە باسقا دا قارجى ينستيتۋتتارىمەن جۇمىس جاساۋ باقىتى بۇيىردى. وسى سالادا ءوز تاجىريبەمدى شىڭداي وتىرىپ، جوبامدى وسى باعىتتا جۇزەگە اسىرۋعا ارنالعان كوپتەگەن يدەيالار پايدا بولا باستادى.
- ەليسار مىرزا، وقىرماندارىمىعا ءوزىڭىز جايلى تولىعىراق ايتىپ بەرسەڭىز. قايدا تۋىپ ءوستىڭىز؟
- مەن الماتى قالاسىندا تۋىپ ءوستىم. №105 گيمنازيانى ءبىتىردىم، بۇل ماعان جاقسى وقۋ بازاسىن بەردى دەپ ايتا الامىن. مەن ءوزىمنىڭ قازاقستاندا تۋىپ وسكەنىمە وتە قۋانىشتىمىن، ويتكەنى ءبىز قورشاعان ورتادا دوستىق، ادامدارعا دەگەن سۇيىسپەنشىلىك جانە كومەك سياقتى ماڭىزدى ومىرلىك قۇندىلىقتاردى ءبىلىپ وستىك. ون سەگىز جاسىمدا مەن بولاشاقتا قازاقستان ءۇشىن قۇندى بولاتىن ءبىلىم مەن تاجىريبە جيناۋ ماقساتىندا امەريكا قۇراما شتاتتارىنا جول تارتتىم.
- Consilienz بۇل قانداي جۇيە؟ قانداي قىزمەت اتقارادى؟
- Consilienz - قىلمىستىق جولمەن الىنعان كىرىستەردى زاڭداستىرۋ، تەرروريزمدى قارجىلاندىرۋ جانە ادام ساۋداسىن انىقتاۋ جانە تەرگەۋ جۇيەسى. بۇل پلاتفورما ادام، ۇيىم، كولىك جانە ت.ب. تۋرالى بىرنەشە دەرەك كوزدەرىن جيناۋ جانە سينتەزدەۋ ارقىلى جاسىرىن قاتەرلەردى انىقتاۋعا كومەكتەسەدى.
- ءسىز مەكتەپ قابىرعاسىندا قانداي وقۋشى بولدىڭىز؟ كوبىنە قانداي پاندەردى قىزىعىپ وقىدىڭىز؟
- شىنى كەرەك، ءوزىمدى جاقسى وقىدىم دەپ ماقتانبايمىن. ءبىراق، مەكتەپ مۇعالىمدەرىنە وتە ريزامىن. سەبەبى، ۇستازىمنىڭ ارقاسىندا ماتەماتيكانى جاقسى كوردىم. ول مەنىڭ ومىرىمدەگى ەڭ جاقسى ءمۇعالىم دەپ ايتقىم كەلەدى.
- ماماندىعىڭىزداعى ەڭ قيىندىق تۋدىراتىن تۇستار دەپ نەنى ايتار ەدىڭىز؟
- بۇل سالادا مىندەتتى تۇردە توتەنشە جاعدايلاردا تىنىشتىقتى ساقتاۋ جانە ءتىپتى سترەسس جاعدايىندا بولسا دا وبەكتيۆتى ويلانا ءبىلۋىڭىز قاجەت. كەز-كەلگەن بيزنەس - بۇل كوپتەگەن جۇمىس جانە ءسىز تاۋەكەلگە بارۋىڭىز كەرەك. ءوز-وزىڭىزدى ۇستاۋ جانە جاعداي ءسىزدىڭ جاعىڭىزدا بولماسا دا، شەشىمدى ارەكەت ەتۋ باستى قاعيدا بولىپ سانالادى.
- ءسىز تۋرالى جاعىمدى جاڭالىق حالىق اراسىنا كەڭ تاراپ، ءتۇرلى سايتتار مەن گازەتتەر ءسىز جايلى جارىسا جازدى. وسىنداي ساتتە ءوزىڭىزدى قالاي سەزىندىڭىز؟
- مەن ءۇشىن قازاقستاندىقتاردان وسىنداي قولداۋدى كورۋ وتە جاعىمدى بولدى. مەن ءوز حالقىمدى وتە جاقسى كورەمىن جانە ولاردىڭ ۇمىتتەرىن ۇزبەۋ ءۇشىن جاۋاپكەرشىلىكتى سەزىنەمىن. قۇدايعا دەگەن تەرەڭ ريزاشىلىقتى سەزىندىم.
- ايتپاقشى، ءسىز ءقازىر امەريكاداسىز. قازاقستان مەن امەريكانىڭ ءبىلىم جۇيەسىندە قانداي ايىرماشىلىقتى بايقادىڭىز؟
- مەنىڭ ويىمشا، قازاقستاندا ورتا ءبىلىم امەريكاعا قاراعاندا جاقسى دەپ ويلايمىن. مىقتى ىرگەتاسى قالانادى جانە بىزگە ەرەسەك ومىردە وتە ماڭىزدى بولىپ تابىلاتىن ءتارتىپتى بالا كەزدەن باستاپ ۇيرەتەدى. امەريكا قۇراما شتاتتارىندا جوعارى ءبىلىمنىڭ ارتىقشىلىعى بولۋى مۇمكىن. ءبىراق ءاردايىم اكادەميالىق ءبىلىمنىڭ ارقاسىندا ەمەس، كوبىنەسە اشىلاتىن اتموسفەرا مەن مۇمكىندىكتەردىڭ ارقاسىندا، سونداي-اق بۇكىل الەمنىڭ ادامدارىمەن جانە مادەنيەتتەرىمەن تانىسۋ بۇل ويلاۋ كوكجيەگىڭىز بەن دۇنيەتانىمىڭىزدى ايتارلىقتاي كەڭەيتەدى.
- جوباڭىزدى ءوز ەلىمىزدە جۇزەگە اسىرۋ جوسپارىڭىزدا بار ما؟
- ءيا، قازىرگى ۋاقىتتا ءبىز قازاقستاننىڭ ءارتۇرلى ۇيىمدارىمەن كەلىسسوزدەر جۇرگىزىپ جاتىرمىز!
- ەسىڭىزدە بولسا سوڭعى رەت قانداي كىتاپ وقىدىڭىز؟ قانداي جانرلارداعى كىتاپتاردى وقىعان ۇنايدى؟
- مەن حريستيانمىن، سوندىقتان مەن كيەلى كىتاپتى ءجيى وقيمىن جانە كىشىپەيىلدىلىك، ادامدارعا كومەكتەسۋ سياقتى ىلىمدەردى ومىرىمدە قولدانۋعا تىرىسامىن. گاي كاۆاسساكيدىڭ يننوۆاسيا تۋرالى، سايمون سينەكتىڭ كوشباسشىلىق تۋرالى كىتاپتارىن وقىدىم.
- العا قويعان قانداي جوسپارلارىڭىز بار؟
- الدا قويعان كوپتەگەن جوسپارلارىم بار. مەن ءۇشىن دامۋدىڭ كوپتەگەن كەرەمەت مۇمكىندىكتەرى اشىلۋدا. سونداي-اق، مەنىڭ جاقىن ارادا جۇزەگە اساتىن جوسپارلارىما كەيبىر قازاقستاندىق كومپانيالارعا ءوز ونەرتابىستارىن الەمدىك دەڭگەيگە شىعارۋعا كومەكتەسۋ كىرەدى.
- گازەتىمىزدىڭ جاس وقىرماندارىنا، سونىڭ ىشىندە بولاشاق جاس عالىمدارعا قانداي كەڭەس ايتار ەدىڭىز؟
- مەن وقىرماندارعا ەڭ الدىمەن ادامدارعا كومەكتەسۋگە، مۇمكىندىگىنشە كوپ پايدا اكەلۋگە تىرىسۋعا كەڭەس بەرەر ەدىم. سول سياقتى، ەشقاشان تىرىسۋدان جانە قاتەلەسۋدەن قورىقپاڭىز. ءاربىر ارەكەت پەن كەز-كەلگەن قاتەلىك جەڭىسكە جەتەلەيتىن قادام. بارلىعىڭىزعا ساتتىلىك تىلەيمىن!
- سۇقباتىڭىزعا راقمەت!
التىناي باۋىرجان قىزى
«ۇلاننىڭ» جاس ءتىلشىسى
You Might Also Like
-
الەمگە ايگىلى ءابۋ ناسىر مۇحامماد يبن مۇحامماد تارحان يبن ۋزلاع ءال-فارابي ات-تۇركي. ءوز ەلىنە بىلىمىمەن جانە كورگەندى قاسيەتىمەن كوزگە تۇسكەن ءال-فارابي اتامىزدىڭ ەڭبەگى بۇكىل الەمگە ۇلگى جانە التىن ق...
-
تاۋەلسىزدىك-اتا بابام اڭساعان. ەڭ اۋەلى تاۋەلسىزدىك جايلى باستاماستان بۇرىن ەل باسىمىزىدىن مىنا ءسوزىڭ جەتكىزگىم كەلىپ تۇر.«ءبىز ءبارىمىز ءبىر اتانىڭ-قازاق حالقىنىڭ ۇلىمىز. ءبارىمىزدىڭ دە تۋعان جە...
