InfoHub Logo

11 مامىر – انالار كۇنى. بۇل كۇن – جۇرەگىمىزدىڭ تورىنەن ورىن العان اسىل جاندى ارداقتاپ، بار مەيىرىم مەن العىستى ارنايتىن ەرەكشە مەرەكە. انا – ءومىردىڭ باستاۋى، وتباسىنىڭ تىرەگى، ىزگىلىكتىڭ سيمۆولى.

قاي داۋىردە بولماسىن، اناعا دەگەن قۇرمەت ەشقاشان تومەندەگەن ەمەس. بالاعا ءتۇن ۇيقىسىن ءتورت ءبولىپ، ايالى الاقانىمەن ماپەلەگەن، ءاربىر جەتىستىگىنە شىن قۋانا بىلگەن جان – انادان ارتىق كىم بار؟! ونىڭ جۇرەگىندەگى شەكسىز ماحاببات پەن توزىمدىلىك – ادامزات ءۇشىن ەڭ ۇلى قۇندىلىق.

انالار كۇنى – تەك گۇل مەن سىيلىق ۇسىناتىن ءسات قانا ەمەس، انانىڭ الدىندا باس ءيىپ، ونىڭ ومىردەگى ەڭ بيىك تۇلعا ەكەنىن مويىندايتىن كۇن. بۇل – اناعا العىس ايتۋدىڭ، جۇرەكتەن شىققان جىلى ءسوز ارناۋدىڭ، ونىڭ ءقادىرىن ءتۇسىنۋدىڭ كۇنى.

مەيىرىم مەن ماحابباتتىڭ دىڭگەگى بولعان بارشا انالاردى وسى ءبىر ايتۋلى مەرەكەمەن شىن جۇرەكتەن قۇتتىقتايمىز! ۇرپاعىڭىزدىڭ قىزىعىنا تويىپ، دەنساۋلىعىڭىز مىقتى، كوڭىلىڭىز شات، ءومىرىڭىز شۋاقتى بولسىن!