InfoHub Logo

ساباقتىڭ تاقىرىبى: انا ءتىلىم – قاناتىم.
ساباقتىڭ ماقساتى: وقۋشىلاردىڭ ءتىل تۋرالى بىلىمدەرىن جەتىلدىرۋ، ءوز انا ءتىلىنىڭ ءقادىر قاسيەتىن ءبىلىپ، ءتىلدىڭ كوركەمدىگىن سەزىنىپ، ءسوز قۇدىرەتىن ءتۇسىنىپ، ونىڭ ادام ومىرىندەگى ماڭىزىن ۇعۋعا ۇيرەتۋ. ءتىل مادەنيەتىن ساقتاي بىلۋگە، انا تىلىنە دەگەن سۇيىسپەنشىلىگىن، ىنتاسىن ارتتىرۋ، انا ءتىلىن قۇرمەتتەۋگە باۋلۋ.
كورنەكىلىگى: سىنىپ ساعاتىنىڭ تاقىرىبى، ناقىل سوزدەر جازىلعان پلاكاتتار.
ساباقتىڭ بارىسى:
ءمۇعالىم: ءبىزدىڭ وتانىمىز بايتاقتا باي ەل. ەلىمىزدە كوپتەگەن ۇلت وكىلدەرى تۇرادى. ءار حالىقتىڭ ءوز انا ءتىلى بار. انا ءتىلى ادام بالاسىنىڭ بويىنا انا سۇتىمەن كىرىپ، بويعا تارايدى. انا سۇتىمەن بويىمىزعا دارىعان قازاق ءتىلىنىڭ قۇدىرەتتىلىگى كوركەمدىگى ورلىگىندە، وراسان زور بايلىعىندا.
تۋعان ءتىلىم - تىرلىگىمنىڭ ايعاعى
ءتىلىم باردا ايتىلار سىر ويداعى
وسسە ءتىلىم، مەندە بىرگە وسەمىن
وشسە ءتىلىم، مەندە بىرگە وشەمىن!
بۇگىنگى: «انا ءتىلىم - قاناتىم» اتتى تاربيە ساعاتىمىزدى باستايمىز.

«انا ءتىلىم - قاناتىم» اتتى تاربيە ساعاتىمىزدى باستايمىز.
1 - وقۋشى تۋعان ءتىلىم
تۋعان ءتىلىم – بابام ءتىلى – ءوز ءتىلىم!
تۋعان ءتىلىم - انام ءتىلىم - ءوز ءتىلىم!
تۋعان ءتىلىم - دالام ءتىلى – ءوز ءتىلىم!
تۋعان ءتىلىم - دالام ءتىلى – ءوز ءتىلىم
2 - وقۋشى.
تۋعان تىلدە سىرى تەرەڭ جانىم بار،
تۋعان تىلدە ءانىم مەنەن ءسانىم بار.
تۋعان ءتىلىم ءتىل بولۋدان قالسا ەگەر،
جۇرەگىمدى سۋىرىپ - اق الىڭدار.
3 - وقۋشى.
سۇيەمىن تۋعان ءتىلدى، انا ءتىلىن.
بەسىكتە جاتقاندا - اق بەرگەن ءبىلىم.
شىر ەتىپ جەرگە تۇسكەن مينۋتىمنان
قۇلاعىما سىڭىرگەن تانىس ءۇنىن:
4 - وقۋشى.
تۋعان تىلدە سىرى تەرەڭ جانىم بار،
تۋعان تىلدە ءانىم مەنەن ءسانىم بار.
تۋعان ءتىلىم ءتىل بولۋدان قالسا ەگەر،
جۇرەگىمدى سۋىرىپ - اق الىڭدار.
5 - وقۋشى
انا ءتىلى – بالا شاعىم، وركەنىم.
انا ءتىلىم - بولاشاعىم، ەرتەڭىم،
انا ءتىلىم - سايىن دالام، جەر كوگىم،
انا ءتىلىم - ارمان اتىم، ورنەگىم.
6 - وقۋشى
انا ءتىلدى بىلمەسەم،
شات - شادىمان كۇلمەس ەم.
جەر بەتىندە سايراڭداپ،
قازاق بولىپ جۇرمەس ەم!
7 - وقۋشى
ءتىلىم مەنىڭ!
ءتىلىم ءۇشىن مىڭ ءولىپ، مىڭ ءتىرىلدى ەلىم.
ارالىممەن، ارىممەن قاتار قويىپ،
ءتىلدى قورعاۋ – پارىزىم بۇگىن مەنىڭ
2 - ءبولىم:
ءان «انانىڭ ءتىلى»
ۇيقاسىن تاپ ويىنى: ماقال - ماتەلدەردىڭ جالعاسىن تابۋ
كىشكەنە پاراقشالارداعى ماقال - ماتەلدەردىڭ ۇيقاسىن تابۋ
انا ءتىلىن بىلمەيتىن ادام............... (نادان)
بال تامعان تىلدەن........... ( ۋ دا تامادى)
ءتىل تاس جارادى........... (تاس جارماسا باس جارادى)
ءتىل - اقىلدىڭ........... (ولشەمى)
از ايتىپ سۇيىلتىپ........... (كوپ ايتىپ قويىلتارى جوق)
اقىننىڭ ءتىلى قىلىشتان وتكىر........... (قىلدان نازىك)
انا ءتىلىم -........... (دانا ءتىلىم)
ات جۇيرىگى ايىرادى،
ءتىل جۇيرىگى........... (قايىرادى)
ات تۇياعى التىن - الىسقا الىپ باراتىن.
ادام ءتىلى التىن - (الىستى سۇراپ تاباتىن).

3 - ءبولىم
«ماقال - ماتەلدەر» ايتىسى
كورىنىس: (ساحنادا كيىز ءۇيدىڭ ىشكى كورىنىسى)
ىشكە بالا كىرەدى
- سالەمەتسىز بە اتا؟ كورگەن جەردە اۋىل بار دەپ كەلىپ قالدىق.
- «الىستان التى جاسار بالا كەلگەندە، الپىستاعى قاريا سالەم بەرەدى» دەگەن، قالىڭىز قالاي؟
- «كەلگەنشە قوناق ۇيالادى، كەلگەننەن سوڭ ءۇي يەسى ۇيالادى دەگەن»، تورگە شىعىڭىز.
- «جىلقى كىسىنەگەنشە، ادام سويلەسكەنشە»، «ءبىر كورگەن تانىس، ەكى كورگەن ءبىلىس»، «مىڭنىڭ ءتۇرىن بىلگەنشە ءبىردىڭ اتىن ءبىل» دەگەن، تانىسىپ وتىرايىق.
- «قوناققا كەل دەمەك بار دا كەت دەمەك جوق»، «قىرىقتىڭ ءبىرى قىدىر» دەگەن كەلىپ تۇرىڭىز.
- «قۋىس ۇيدەن قۇر شىقپا» دەگەن، الىڭىز.
- «قوناعىڭنان التىن الما العىس ال» دەگەن، قانە باتا بەرىڭىز.
باتا:
- تۋعان ءتىلىم قانداي اسەم،
تاس بۇلاقتاي تازالىعىڭ.
اسقاقتاي بەر، انا ءتىلىم،
ۇيتقىسى بوپ، بارلىق ءتىلدىڭ!
ءان: «انا ءتىلىم»
قورىتىندى:
– ءتىل بايلىعىمىز، تاريحىمىز، مادەنيەتىمىز، ادەبيەتىمىز.
– ءتىل ءبىزدىڭ ۇلتتىق نامىسىمىز، ارىمىز، بارىمىز. ءتىل مەرەيى - ەل مەرەيى.
– انا ءتىلىمىزدىڭ مەرەيى ۇستەم بولسىن!
وسىمەن سىنىپ ساعاتىمىزدى اياقتايمىز.