InfoHub Logo

انا – تىرشىلىك تىرەگى (8 ناۋرىز!)
ماقساتى: انا جايلى تاماشا سوزدەر، ولەڭدەر، اندەر ارقىلى ارداگەر، ۇستاز - انالار مەن ارۋلاردى مەرەكەمەن قۇتتىقتاۋ، وقۋشىلاردى مەيىرىمدىلىككە، ۇستامدىلىققا تاربيەلەۋ، ۇستازعا اتا - اناعا دەگەن قۇرمەت سىيىن ارتتىرۋ، انا ەڭبەگىن قادىرلەي بىلۋگە ۇيرەتۋ.
كورنەكىلىگى: انالار جايلى ناقىل سوزدەر، ماقال - ماتەلدەر.

ساباق بارىسى.
كىرىسپە:
1 جۇرگىزۋشى: كەش جارىق، قىمباتتى انالار، قىزدار جانە مۇعالىمدەر! كوڭىلدەرىڭىزگە كوكتەم شۋاعىنداي سەزىم مەن نۇر قۇيىپ، تاعى دا 8 - ناۋرىز حالىقارالىق ايەلدەر كۇنى كەلدى. وسىناۋ كوركەم مەرەكەنىڭ قاي كەزدە دە ورنى بولەك. ولاي بولاتىنى، انالارعا دەگەن ىستىق سەزىم، العىس پەن قۇرمەت ەشقاشان سونبەك ەمەس. ولار - ءومىردىڭ گ ۇلى، كوڭىلدىڭ جىرى، ءار وتباسىنىڭ التىن دىڭگەگى. مىناۋ تىنىمسىز تىرشىلىك پەن كەڭ دۇنيەنىڭ ءوزى تەك انالارمەن اجارلى. بۇگىنگى ارايلاپ اتقان نۇرلى تاڭمەن بىرگە ءاربىر ءسابي جۇرەگى ءوزىڭ دەپ سوقسا، بۇگىنگى مەرەكەلىك كەشىمىز دە انالارعا ارنالادى.

2 - جۇرگىزۋشى. كەشىمىزدى «كوكتەم» انىمەن اشايىق.
ءان: كوكتەم.
1 - جۇرگىزۋشى.
ءبىز عانا ەمەس، ءقادىر تۇتقان بابالار.
انالاردان تۋعان نەبىر دانالار.
انا دەگەن تىرشىلىكتىڭ تىرەگى،
ارمىسىزدار، قاسيەتتى انالار!

2 - جۇرگىزۋشى. قۇرمەتتى انالار، ءبىزدىڭ مەكتەپتىڭ ۇستازدارى، قىزدارى! 8 - ناۋرىز حالىقارالىق ايەلدەر كۇنى مەرەكەسى قۇتتى بولسىن! سىزدەرگە ءارقاشان سىر بەرمەس دەنساۋلىق، ءومىردىڭ شاپاعاتىن تىلەيمىز! بۇل كۇنى وزدەرىڭىزگە باعىتتالعان تىلەكتەر پەرىشتەنىڭ قۇلاعىنا شالىنسىن... ءاردايىم مەيىرىم شۋاعىن شاشىپ جۇرە بەرىڭىزدەر.
سىزدەردەن وسكەن بالالار
باتىرلار مەن دانالار.
قۇتتىقتايمىز مەيراممەن،
قۇرمەتتى ابزال انالار. – دەي كەلە قۇتتىقتاۋ ءسوز كەزەگى سىنىپ جەتەكشىمىز ايسۇلۋ جۇمابايقىزىنا بەرىلەدى.

1 - وقۋشى. ەرجان
انا دەيمىز ءبارىمىز دە اڭقىلداپ
انا دەيدى جاس ءسابي دە جارقىلداپ
انا دەگەن – بايتەرەگى ءومىردىڭ،
انا دەگەن – التىن قازىق، التىن ب ا ق!

2 - وقۋشى. جانارۋ.
و، انالار وسىندايسىڭ ءبارىڭ دە،
وسىندايسىڭ جاسىڭ - داعى كارىڭ دە،
سىيىناتىن وسى ومىردە قۇدىرەت،
سىيىنار ەم انا دەگەن تاڭىرگە...

1 - جۇرگىزۋشى. ابزال انالارىمىزدىڭ قۇرمەتىنە ادەل مەن مەرۋەرتتىڭ ورىنداۋىنداعى «اناشىم» اتتى ءانىن قابىل الىڭىزدار.
ءان: «اناشىم»
2 - جۇرگىزۋشى. جانۇيانىڭ جىلۋىن سۋىتپاي، تال بەسىكتى تەربەي وتىرىپ، تەبىرەنە تولعار بەسىك جىرى، اڭىز ەرتەگىلەرى مەن ۇرپاعىنىڭ بويىنا ادامدىق قاسيەتتەردى دارىتىپ وتىرعان انالاردىڭ قۇدىرەتتى سەزىمدەرىنە ارنالعان
مەرۋەرت، دامير جانە الديار، ەرجان، اسەلدىڭ ورىنداۋىنداعى «اپاتايىم، اناشىم» اتتى اسەم ءاندى قابىل الىڭىزدار.
ءان: «اپاتايىم اناشىم»
1 - جۇرگىزۋشى. انالار ادامدى بەسىگىمەن باۋليدى... ءومىردىڭ ىرگەتاسى سولاردىڭ قولىمەن قالانادى. «ءجاننات - انالاردىڭ اياعىنىڭ استىندا» دەپ، يسلام ءدىنى ايەلدەردى ەرەكشە قۇرمەتتەيدى. ەگەر دە ءبىر ۇيدە قىز بالا دۇنيەگە كەلسە، بەرەكە، مولشىلىق، بەيبىتشىلىك بولادى، اتا - اناسىنا قۋانىش اكەلەدى دەپ جورىعان ەكەن.
تەڭىزدەي تەربەتىلىپ كول بەتىندە،
بيشىلەر بيلەپ كەتتى تەربەتىلە.
اققۋداي قالىقتاعان تەڭىزدەگى،
بيشىلەر ونەرلەرىن كورسەتۋدە،- الدارىڭىزدا فلەشموب
بي: فلەشموب.
2 - جۇرگىزۋشى. «وتباسى - شاعىن مەملەكەت» دەگەن ءسوز بار. ىنتىماعى كەلىسكەن، ءتۇتىنى ءتۇزۋ ۇشقان ءاربىر شاڭىراق مەملەكەتتىڭ قۇت بەرەكەسى. سونداي وتباسىنىڭ داناسى، قارياسى بولادى. قارياسى بار ءۇيدىڭ، قازىناسى دەپ قازاق حالقى بەكەر ايتپاعان. ەندەشە كەلەسى قۇتتىقتاۋ سوزدەرى اجەلەرىمىزگە ارنالادى.
3 - وقۋشى
اجەتايىم، اجەشىم،
ەڭ ارداقتى، اق اجەم.
ءاربىر ءسوزى وسيەتتى،
باعا جەتپەس، اق اجەم.
امان - ەسەن ءجۇرىڭىزشى،
بار تىلەگىم، سول اجەم!
4 - وقۋشى
اجەم - اقىل بەسىگى،
مەيىرىممەن تەربەتكەن.
مەندە اقىلدى بولامىن،
امان - ەسەن ەرجەتسەم.
ءان: «اجە»
1 - جۇرگىزۋشى.
تىرشىلىككە ءنار بەرگەن انا ءسۇتى قانداي قۇدىرەتتى. الەمدەگى جاقسىلىق كوزى، ادامدىق قاسيەت، اق تىلەك مەيىرباندىقتىڭ ءبارى انا دەگەن سوزبەن استاسىپ جاتىر.
2 - جۇرگىزۋشى.
اياۋلىسىڭ، اۋىلىمنىڭ اسىلدارى،
جايناسىن كوڭىلدەردىڭ جاسىل باعى.
سەندەر ءۇشىن ءان مەنەن كۇي، ولەڭ مەن بي،
سەندەر ءۇشىن مەرەكە شاشۋلارى،- دەگەندەي، الدارىڭىزدا اسەل، نۇرسۇلتان جانە مەرۋەرتتىڭ دومبىرامەن «كەڭەس»كۇي ويناپ بەرەدى.
كۇي: «كەڭەس»
دەسەك تە ۋاقىتپەن جارىسپايدى،
قيالعا قيالمەنەن قارىشتايدى.
شاكىرتتەر شىن جۇرەكتەن تەبىرەنىپ،
جىرلارىن انالارعا باعىشتايدى. ولاي بولسا اسەل، ديانا نۇرسۇلتان جانە نيازدىڭ انالار جايلى ولەڭ شۋماقتارىن تىڭدايىق.
5 - وقۋشى
6 - وقۋشى
ءبارى دە، انا ءبىر وزىڭنەن باستالدى.
جانارىڭنان كوردىم العاش اسپاندى
ەركەلەسەم، ءبىر وزىڭە ەركەلەپ،
جاسقاندىم با، تەك وزىڭنەن جاسقاندىم.
7 - وقۋشى
بارشا انا، قۇتتى بولسىن مەرەكەڭىز
ءارقاشاندا انا سىزبەن بەرەكەمىز.
اقتاساق اق ءسۇتىڭدى، اسىل انام.
سوندا ءبىز كىسىلىككە تەڭەسەمىز.
8 - وقۋشى
ءبىر وزىڭنەن باستاپ ءومىر جولدارىن،
جۇرەگىڭە، جۇرەگىمدى جالعادىم.
ءوزىڭ مىنا سىيعا بەرگەن ومىردە
اق ءسۇتىڭدى اقتاپ ءوتۋ - ارمانىم.
1 - جۇرگىزۋشى.
وسى ايتىلعانداردىڭ ءبارى شىندىق، ءبارى شىن، انالار اجالدان كۇشتىرەك، جاپانعا ءبىر توقتامسىز دانىشپانداردى، اقىنداردى، ەرلەردى تاۋىپ بەرەتىن انالار. بارلىق جاقسىلىقتى سەبەتىن دە انالار. ەندەشە سول انالار الدىندا باس يەلىك!
كورىنىس «ءۇش ۇل»
اۆتور. ەكى ايەل قۇدىقتان سۋ تارتىپ تۇر ەكەن. قارت ادام شارشاپ قۇدىقتىڭ جانىندا دەم الىپ تۇرادى. بۇلاردىڭ قاسىنا تاعى ءبىر ايەل كەلەدى.
1 انا. مەنىڭ ۇلىم باتىر دا كۇشتى. توبەلەسە قالسا، ەشبىر بالا وعان شاق كەلمەيدى.
2انا. مەنىڭ ۇلىم ءان سالعاندا بۇلبۇلداي سايرايدى. ەشبىر بالانىڭ داۋسى وعان جەتپەيدى.
اۆتور. ءۇشىنشى ايەل ۇندەمەي تۇرادى.
اتا. ال سەنىڭ بالاڭنىڭ قانداي ونەرى بار؟
3انا. نە ايتايىن، مەنىڭ بالامنىڭ ەشقانداي ەرەكشەلىگى، ونەرى جوق.
اۆتور. ايەلدەر شەلەكتەرىن الىپ، ۇيلەرىنە قاراي بەتتەيدى. ال ءبىرىنشى جانە ەكىنشى انانىڭ ۇلدارى جاندارىنان جۇگىرىپ وتە شىعادى. ءۇشىنشى انانىڭ بالاسى جۇگىرىپ كەلىپ.
3ۇل. انا، اكەل مەن كوتەرەيىن.
1 - 2 انا بىرگە. قالاي اتا، ءبىزدىڭ بالالارىمىز سىزگە ۇنادى ما؟
اتا. قايداعى بالالار. مەن تەك ءبىر عانا بالانى كورىپ تۇرمىن.
1 - جۇرگىزۋشى. انا – بارلىق قيىندىقتى جەڭەتىن سارقىلمايتىن كۇش، تىرشىلىكتىڭ قاينار بۇلاعى. قازاق ايەلىنىڭ داستارحانى توق، قوناعى ىرزا، دۇنيەسى تۇگەل. ولار ءۇشىن ءبىرىنشى ورىندا وتباسىنىڭ بەرەكەسى تۇرادى. بوبەگىن بەسىككە بولەپ، الديلەپ ايالاعان انا باقىت قۇشاعىندا ەمەس پە؟!

ءان: اق مامام.
1 - جۇرگىزۋشى. قۇرمەتتى قوناقتار، ءبىزدىڭ «انا - تىرشىلىك تىرەگى» اتتى مەرەكەلىك كەشىمىزدى كوڭىل قويىپ تاماشالاعاندارىڭىزعا كوپ - كوپ راحمەت.
2 - جۇرگىزۋشى.
دەمەڭىز ءبىز ونەردى اياپ قالدى،
مەزگىل دە ءبىراز جەرگە تاياپ قالدى.
قوش بولىپ تۇرىڭىزدار كورىسكەنشە،
وسىمەن كونسەرتىمىز اياقتالدى.
ساۋ - سالاماتتا بولىڭىزدار!

انا – تىرشىلىك تىرەگى. جۇكتەۋ