Photo: Ayazhan (https://www.pexels.com/@ayazhan-3173683) / Pexels
"انامدى ىزدەۋدى توقتاتقان جوقپىن": شەتەلدىكتەر اسىراپ العان جانىبەكتىڭ جۇرەككە تيەتىن جازباسى
شەتەلدىكتەر اسىراپ العان جانىبەك تۋعان اناسىن ىزدەۋدى ءالى دە توقتاتپاعانىن ايتىپ، الەۋمەتتىك جەلىدەگى پاراقشاسىندا جۇرەككە تيەتىن جازبا جاريالادى. بۇل ىزدەنىستىڭ ءوزى ءۇشىن وتە ماڭىزدى ءارى كۇردەلى پروسەسس ەكەنىن جەتكىزگەن ول، اناسىن تابۋ جولىندا جاناشىر ازاماتتار مەن زاڭگەرلەردىڭ قولداۋ كورسەتىپ جاتقانىن اتاپ ءوتتى.
بۇل تۋرالى Infohub.kz اقپارات اگەنتتىگى حابارلايدى.
جانىبەكتىڭ سوزىنشە، سوڭعى ۋاقىتتا ىزدەۋگە ءۇمىت سىيلايتىن جاڭا دەرەكتەر پايدا بولعان. ول ىزدەۋدىڭ قانشا ۋاقىتقا سوزىلاتىنىن ناقتى بىلمەسە دە، جاقسى جاڭالىقتان ءۇمىتىن ۇزبەيتىنىن جەتكىزدى.
جۇرەكجاردى جازبا
«سالەمەتسىزدەر مە، ءقادىرلى وتباسىم مەن دوستارىم. سىزدەرمەن جۇرەكجاردى جاڭالىعىمدى بولىسكىم كەلەدى. قىمبات دوسجان مەن مەيىرمان شەكەيەۆا جانە تاعى باسقا جاناشىر ادامدارمەن بىرگە انامدى ىزدەۋدى ءالى دە جالعاستىرىپ جاتىرمىز. بۇل ىزدەۋدىڭ قانشا ۋاقىتقا سوزىلاتىنىن ناقتى بىلمەيمىن. مۇمكىن ۇزاققا جالعاسار، مۇمكىن كۇتپەگەن جەردەن جاقىن ارادا جاقسى جاڭالىق بولار. سوڭعى ۋاقىتتا بىزگە ءۇمىت سىيلايتىن بىرنەشە ىزدەر كەزدەستى. مەن كۇن سايىن سىزدەردى دە، انامدى دا ويلايمىن. بارشاڭىزعا تەك جاقسىلىق تىلەيمىن»، – دەپ جازدى جانىبەك.
جانىبەكتىڭ بۇل جازباسى جەلى قولدانۋشىلارىن قاتتى اسەر ەتتى. كوپشىلىك وعان تۋعان اناسىن تابۋىنا تىلەكتەستىك ءبىلدىرىپ، قولداۋ سوزدەرىن جاۋدىردى.
-
قازاقستان سۋ رەسۋرستارىنىڭ ازايۋىنا بايلانىستى ەلەۋلى سۋ تاپشىلىعىنا تاپ بولۋى مۇمكىن. ساراپشىلار بۇل ماسەلەنىڭ ەكولوگيادان گورى ەكونوميكاعا اسەر ەتەتىنىن ايتادى.
-
A man adopted by a foreign family shares an emotional update on his ongoing search for his birth mother، expressing hope amidst the challenges.
