InfoHub Logo

ءبىلىم سالاسى: تانىم
ءبولىمى: قورشاعان ورتامەن تانىستىرۋ
ماقساتى: ورمانداعى اڭداردىڭ تىرشىلىگىمەن ولاردىڭ قىسقى تابيعاتقا بەيىمدەلۋى تۋرالى تۇسىنىك بەرۋ. بالالاردىڭ اڭداردى سيپاتتاۋعا سالىستىرا بىلۋگە جاتتىقتىرۋ ءتىلىن دامىتۋ، سوزدىك قورىن بايىتۋ.
ءادىس تاسىلدەرى: اڭگىمەلەۋ، سۇراق - جاۋاپ، سەرگىتۋ ءساتى، ويىن، توپتاستىرۋ.
كورنەكىلىگى: ورمان، ورمان اڭدارىنىڭ سۋرەتتەرى، ءۇنتاسپا.
موتيۆاسيالىق قوزعاۋشىلىق
بالالار، بۇگىن كۇن قانداي كەرەمەت، ەرەكشە كۇن. قانە بارلىعىمىز ءبىر - بىرىمىزگە جىلۋ، كوتەرىڭكى كوڭىل سىيلاي وتىرىپ، كەلگەن قوناق اپايلارمەن سالەمدەسەيىك.
اپپاق، اپپاق قار اپپاق،
قار جامىلعان دالا اپپاق
شۇعىلاسىن شاشاتىن
ارايلانعان تاڭ اپپاق.
سالەمەتسىزدەر مە، اپايلار!
ءقازىر جىلدىڭ قاي مەزگىلى؟
قىس مەزگىلى.
قىس مەزگىلىندە اۋا رايى قانداي بولادى؟
قىس مەزگىلىندە كۇن سالقىن، اياز بولادى.
دۇرىس ايتاسىڭدار.
ىزدەنۋ ۇيىمداستىرۋشىلىق:
توسىن ءسات: ەسىك قاعىلىپ ىشكە ماشا كىرەدى.(قولىندا سەبەتى بار )
ماشا: سالامەتسىزدەر مە، بالالار!
سالەمەتسىز بە!
ماشا: وي، بالالار مەن ايۋ دوسىمدى تابالار ەمەسپىن، ورماننىڭ ءبارىن ىزدەدىم، تابا المادىم. ماعان ايۋدى ىزدەپ تابۋعا كومەكتەسەسىڭدەر مە؟
يا، كومەكتەسەمىز.
تاربيەشى: وي، بالالار مىناۋ ايۋ مەن ماشا ەرتەگىسىندەگى ماشا عوي. قوش كەلدىڭ، تورگە شىق. بالالار سەندەر ماشانىڭ دوسى ايۋدى بىلەسىڭدەر مە؟
يا، بىلەمىز.
تاعى دا قانداي اڭداردى بىلەسىڭدەر؟
قويان، تۇلكى، قاسقىر.
ال وسى جابايى اڭدار قايدا ءومىر سۇرەدى؟
ورماندا ءومىر سۇرەدى.
دۇرىس ايتاسىڭدار، بالالار!
ەندەشە مەن سەندەرگە جۇمباقتار جاسىرايىن، سەندەر شەشىپ كورىڭدەر.

1. ءوزى ءبىر قۋ
جۇرگەن جەرى ايقايدا شۋ. (تۇلكى)

2. قورباڭ - قورباڭ ەتەدى.
ورمان ونىڭ مەكەنى
ءتاتتى بالعا تويىپ اپ
قىستا ۇيقىعا كەتەدى
ول نە، بالالار؟ ايۋ.

3. كولەڭكەسىنەن قورقىپ بەزەكتەيدى
ال ونىڭ بالاسىن «كوجەك» دەيدى.
بۇل نە بالالار؟ قويان.
- دۇرىس تاپتىڭدار بالالار، بۇلاردىڭ بارلىعى دا ورمان اڭدارى ەكەن.
سلايد:
قانەكەي بالالار بارلىعىمىز تاقتاعا قارايىقشى: مەن سەندەرگە جابايى اڭداردىڭ قىستى قالاي وتكىزەتىنى تۋرالى اڭگىمەلەپ بەرەيىن. ال، وسى ورمان اڭدارى جىلدىڭ ءار مەزگىلىندە وزدەرىنىڭ ىڭعايىنا قاراي ازىرلىك جاساپ، قارسى الادى ەكەن. قىستا جەيتىن ازىقتارىن جاز بويى جيناپ الادى. مىسالى: ايۋ جاز بويى دەنەسىنە ماي جيناپ، قىس بويى اپاندا ۇيىقتاپ جاتادى، كوكتەم شىعا ويانادى. جابايى ارالاردىڭ بالىن جەيدى. ال، قويان بولسا قىسقا ازىق جينامايدى، ورمانداعى اعاش بۇتاقتارىن، قابىقتارىن، قۋراپ قالعان شوپتەردى قورەك ەتەدى ەكەن، سونىمەن بىرگە قويان نەنى جاقسى كورەدى؟
قويان ءسابىزدى جاقسى كورەدى.
ال ەندى تۇلكى - جاقسى ءيىس سەزگىش اڭ. ول قار استىنداعى تىشقانداردى اۋلاپ قورەك ەتىپ، جەيدى ەكەن. ءسويتىپ جابايى اڭدار قىس بويى ازىقتارىن وزدەرى تاۋىپ قورەكتەنەدى. مىنە بالالار وسى ورماندا مەكەن ەتەتىن قانداي اڭدار بولسا دا ولارعا قامقورلىق جاساۋىمىز كەرەك ەكەن. ولاردى بوسقا ولتىرۋگە بولمايدى، ولاردىڭ دا سەندەر سياقتى كىشكەنتاي بالالارى بار.
بالالار، مۇقيات زەر سالا تىڭدادى.
- قانەكەي، بارلىعىمىز ورنىمىزدان تۇرىپ، ماشامەن بىرگە بويىمىزدى سەرگىتىپ الايىق.
ايۋ قۇساپ قورباڭداپ،
تۇلكى قۇساپ سىلاڭداپ
قويان بولىپ سەكىرىپ،
ورنىمىزدى تابايىق.
جارايسىڭدار، بالالار!

ديداكتيكالىق ويىن: «اناسىن تاپ».
مىنە انالارى سۋرەتتەردى قويۋ ال بالالارى اداسىپ قالىپتى، قانە انالارىن تاۋىپ بەرەيىكشى. كىم تابادى بالالار؟
بالالاردىڭ جاۋابى.
دۇرىس تاپتىڭدار، بالالار! قانە، وسى اڭداردىڭ بالالارىنىڭ اتتارىن قايتالاپ ايتايىقشى؟
ايۋدىڭ بالاسى - قونجىق.
تۇلكىنىڭ بالاسى - مىرشا.
قوياننىڭ بالاسى - كوجەك.
جارايسىڭدار، بالالار!
ماشا: - راحمەت، بالالار مىناۋ سەندەرگە سىيلىق. مەن ەندى ۇيىمە قايتايىن، ساۋ بولىڭدار، بالالار.
- ساۋ بولىڭىز، ماشا.

رەفلەكسيۆتى تۇزەتۋشىلىك
قيمىلدى ويىن: «اڭشى مەن قوياندار».
ماقساتى: بالالاردى شاپشاڭدىققا، اڭعارىمپازدىققا باۋلۋ.
بالالار ويىندى اسا قىزىعۋشىلىقپەن ويناي ءبىلدى.
بۇگىنگى اشىق ۇيىمداستىرىلعان وقۋ ءىس - ارەكەتىنە بارلىقتارىڭدا جاقسى قاتىستىڭدار. كەلگەن اپايلارعا قوش ساۋ بولىڭىز ايتايىق.
كۇتىلەتىن ناتيجە:
ءبىلۋ كەرەك: ورمان اڭدارى: قويان، تۇلكى، ايۋ ەكەندىگىن ءبىلدى.
تۇسىنەدى: ورمان اڭدارىنىڭ قىسقى تىرشىلىگىن تۋرالى ءتۇسىندى..
قولدانا بىلەدى: سۇراق - جاۋاپ، ويىن بارىسىندا.