InfoHub Logo

اقتان دەگەن شال قويىن قورالاپ، كەلىنى مەن قىزى مال ساۋىپ جاتىپتى. اتاسىنىڭ جۇرگەنىن اڭعارماعان كەلىنى قايىن سىڭلىسىنە:

— ەركەم، اقتاناۋ ەشكىنى ۇستا، — دەپتى. قىز:

— ا، نەنى دەيسىڭ؟

— اقتاناۋ ەشكىنى دەيمىن، — دەپ قايتا اتاپتى. كۇلە ءجۇرىپ قىز ەشكىنى ۇستاي الماپتى. سوندا جەڭگەسى:

— نە بولعان وزىڭە، انداعى اق تۋشادان ءبولىپ قايىر، — كۇلكى قىسقان قىز اق تۋشامەن قوسارلانا قاشقان ەشكىنى قۋالاي بەرىپتى. جەڭگەسى ۇزانداپ:

— انداعى اقتان ءبولىپ قايىر دەيمىن، ءبولىپ قايىر! — دەگەندە، قىز ودان ارى كۇلىپ وتىرا كەتىپتى. مۇنى ابايلاپ تۇرعان اقتان شال قاقىرىنىپ قالىپتى. سوندا ءبىر-اق سەزگەن كەلىنى:

— قالاي قويعان ات ءوزى، ونى ايتساڭ وعان، مۇنى ايتساڭ بۇعان كەتە بەرەتىن، — دەپ بەتىن باسىپ وتىرا كەتكەن ەكەن.

---