كۇيەۋ بالا
ناقۇرىستاۋ ءبىر جىگىتكە قىز تيمەي كوپ ءجۇرىپتى. ونىڭ اكەسى شالعاي قىستاقتاعى ءبىر تانىسىنىڭ ۇيىنە بارىپ بۇيىمتايىن ايتقان ەكەن: «الدىمەن بالانىڭ ءوزى ءبىر كورىنىپ كەتسىن» دەپ قايتارىپتى. ۇيىنە قايتا ورالعان ول بالاسىنا:
— ول ۇيگە بارعاننان كەيىن اڭداپ سويلە، الباتى سويلەپ، ناقۇرىستىعىڭدى بايقاتىپ الىپ جۇرمە. ول ءۇيدىڭ ەسىگىنىڭ الدىندا ەكى ءتۇپ تال بار ەكەن، ءسوز ىڭعايى كەلگەندە «اتامنىڭ مىنا ەكى ءتۇپ تالى كۇتىمى كەلسە، كەيىن ءبىر ۇيلىك جاقسى ءۇي اعاش بولادى ەكەن» دەپ قوي، ول ۇيدە جانە بيىل ەرتەرەك تۋعان ەكى ەركەك بۇزاۋ بار ەكەن، تاعى ءبىر ءسوز ىڭعايىن كەلتىرىپ: «اتامنىڭ مىنا ەكى بۇزاۋى باعىمى كەلسە، كەيىن ەكى جاقسى اتان وگىز بولادى ەكەن» دەپ قويارسىڭ دەپ بالاسىنا بولاشاق قايىنىنا اتتاندىرىپتى.
جىگىت قىزدىڭ ۇيىنە بارعاننان كەيىن ءسوزدى از سويلەپ، جۇمىستى كوپ ىستەپتى. ەكى كۇن كەشتە ءسوز كەزەگىن كەلتىرىپ، اكەسىنىڭ تاپسىرۋى بويىنشا اعاش پەن بۇزاۋعا باعا بەرگەن ەكەن، قىزدىڭ اكە-شەشەسى قاتتى ريزا بولىپ: «كۇيەۋ بالامىز اقىلدى ءارى اڭگىمەشىل ەكەن، بۇعان بەرسەك، قىزىمىز قور بولا قويماس»، — دەسىپتى.
ەكى رەت ماقتاۋ ەستىگەن جىگىت، ءوزىنىڭ «زەرەكتىگىن» ونان ارى بايقاتۋ ءۇشىن ءبىر كۇنى اتاسىنىڭ قايراعىن كورسەتىپ تۇرىپ:
— اتامنىڭ مىنا قايراعى باعىمى كەلسە، كەيىن جاقسى شاڭتاس بولىپ شىعادى ەكەن، — دەپتى.
You Might Also Like
-
ءبىر الارمان ءبورىباي دەگەن جاس دۇكەنشىنى دوڭگەلەتىپ ماقتاي جونەلەدى.
-
ءازىلباي اۋىرىپ ەمحاناعا بارسا كورشى ۇيدە تۇراتىن ءبىر تانىسى دا اۋرۋ كورسەتكەلى سوندا ءجۇرىپتى. دارىگەر ءبىر، اۋرۋلار كوپ بولعان سەبەپتى ءازىلبايدىڭ دا كەزەك كۇتۋىنە تۋرا كەلىپتى.
