InfoHub Logo

وزبەكستاننىڭ تاشكەنت وبلىسىندا جاس كەلىننىڭ جۇمباق ءولىمى جۇرتشىلىقتى الاڭداتتى. تۇرمىسقا شىققانىنا نەبارى ءۇش كۇن بولعان بويجەتكەننىڭ قازاسى قوعامدا قىزۋ تالقىلانىپ جاتىر.

بۇل تۋرالى Infohub.kz اقپارات اگەنتتىگى حابارلايدى.

اناسى قىزىنىڭ ولىمىنە كۇدىك كەلتىرەدى

مارقۇمنىڭ اناسى تەلەباعدارلامادا سۇحبات بەرىپ، قىزىنىڭ ولىمىنە قاتىستى كۇدىگى بارىن ايتتى. ونىڭ ايتۋىنشا، جالعىز قىزىن كەلەس قالاسىنا تۇرمىسقا بەرگەن. كۇيەۋ جىگىتتىڭ وتباسى باي-قۋاتتى ەكەنىن ايتىپ، قۇدالىققا كەلىسكەن.

«بۇل مەنىڭ جالعىز قىزىم ەدى. كۇيەۋىم قايتىس بولعان سوڭ، بارىمدى سالىپ، جاقسى توي جاساعىم كەلدى. الايدا، تويدان ءۇش كۇن وتكەن سوڭ ماعان «قىزىڭنىڭ سۇيەگىن الىپ كەت» دەگەن حابار كەلدى. مۇنداي ءسوزدى ەستۋ وتە اۋىر»، – دەپ كۇيزەلىسىن جەتكىزدى اناسى.

وقيعا 6 ءساۋىر كۇنى كەشكىسىن بولعان. اناسىنىڭ سوزىنشە، قىزى تۇرمىسقا شىققاننان كەيىن ءوزىن باقىتتى سەزىنگەنىن ايتىپ، ۆيدەو ارقىلى جاقىندارىنا قۋانىشىن ءبىلدىرىپ جۇرگەن.

«ونىڭ وز-وزىنە قول جۇمساۋى مۇمكىن ەمەس»، – دەپ سەنىمدى تۇردە ايتتى مارقۇمنىڭ اناسى.

ەنەسىنىڭ جاۋابى

ال كەلىننىڭ ەنەسى بۇل جاعدايعا ەشكىمنىڭ قاتىسى جوق ەكەنىن العا تارتتى. ونىڭ ايتۋىنشا، ءىس جابىلىپ تاستاعان.

«سول كۇنى ۇيدە ەشكىم بولعان جوق. تۇسكەنىنە ءۇش كۇن بولعان كەلىندى ءولتىرۋ مۇمكىن ەمەس»، – دەدى ەنەسى.

مارقۇمنىڭ وتباسى جەرگىلىكتى جەردە سىيلى بولعانى، ال اناسى ەكى بالاسىن جالعىز تاربيەلەپ وسىرگەنى ايتىلادى.

رەسمي تەكسەرۋ ناتيجەسى

باس پروكۋراتۋرا جۇرگىزگەن تەكسەرۋ قورىتىندىسى بويىنشا، مارقۇمنىڭ دەنەسىنەن تۇنشىعۋ بەلگىلەرى انىقتالماعان. تەرگەۋگە دەيىنگى تەكسەرۋ بارىسىندا قىلمىس قۇرامىنىڭ جوقتىعىنا بايلانىستى قىلمىستىق ءىس قوزعاۋدان باس تارتىلعان.