apple.com
Apple-دا باسشىلىق اۋىستى: تيم كۋك ورنىن دجون تەرنۋسكە بەردى
Apple كومپانياسىندا باسشىلىق اۋىستى. بۇل – ستيۆ دجوبستىڭ ولىمىنەن كەيىنگى ەڭ ءىرى كادرلىق جاڭالىق بولىپ وتىر. ەندى كومپانيانى اپپاراتتىق جابدىقتار ءبولىمىنىڭ بۇرىنعى باسشىسى دجون تەرنۋس باسقاراتىن بولدى. بۇعان دەيىن بۇل قىزمەتتى اتقارعان تيم كۋك باسقارما ءتوراعاسىنىڭ ورىنباسارى قىزمەتىنە اۋىستى.
بۇل تۋرالى Infohub.kz اقپارات اگەنتتىگى حابارلايدى.
جاڭا باسشى كىم؟
1 قىركۇيەكتەن باستاپ دجون تەرنۋس Apple كومپانياسىنىڭ باس ديرەكتورى قىزمەتىن اتقارادى. ال تيم كۋك اتقارۋشى ءتوراعا رەتىندە كومپانيانىڭ دامۋىنا اتسالىسادى. كۋك جازعى كەزەڭنىڭ سوڭىنا دەيىن تەرنۋستىڭ جۇمىسىن ۇيلەستىرىپ، اۋىسۋ پروسەسىنىڭ وڭتايلى وتۋىنە جاعداي جاسايدى.
تيم كۋكتىڭ ەڭبەگى
تيم كۋك 2011 جىلدىڭ تامىزىنان بەرى Apple كومپانياسىن باسقارىپ كەلدى. ونىڭ باسشىلىعىمەن كومپانيا اكسيالارى 20 ەسە وسكەن. ونى 1990 جىلداردىڭ سوڭىندا ستيۆ دجوبس كومپانيانى بانكروتتىقتان قۇتقارۋ كەزىندە جۇمىسقا شاقىرعان بولاتىن.
بولاشاققا جوسپار
قازىرگى تاڭدا جاساندى ينتەللەكت (AI) سالاسىنداعى وزگەرىستەرگە بايلانىستى Apple كومپانياسى بۇل باعىتتاعى جۇمىستارىن جەدەلدەتۋى ءتيىس. Siri 2011 جىلى ەرتە ىسكە قوسىلعانىمەن، كومپانيا ءالى كۇنگە دەيىن AI سالاسىندا ەلەۋلى جاڭالىقتار ۇسىنا العان جوق. ال OpenAI سياقتى جاڭا ويىنشىلار جۇزدەگەن ميلليون پايدالانۋشى جيناپ ۇلگەردى. سونىمەن قاتار، Apple ەڭ قىمبات كومپانيا اتاعىنان ايىرىلىپ، Nvidia-عا جول بەردى.
كۋك ءوزىنىڭ باس ديرەكتورلىق قىزمەتىندە بولعانىنا قۋانىشتى ەكەنىن، كومپانيانى «بۇكىل جۇرەگىمەن سۇيەتىنىن» ايتىپ، كومانداسىنا العىس ءبىلدىردى.
-
يزۆەستنىي پروديۋسەر بايان الاگۋزوۆا رەزكو ۆىسكازالاس ۆ ادرەس پيەۆيسى مولدير اۋەلبەكوۆوي، نازۆاۆ ەە «پرەداتەلنيسەي» يز-زا وتكازا وت ۋچاستيا ۆ كونسەرتە.
-
Apple announces a major leadership change as Tim Cook transitions to Chairman، with John Ternus appointed as the new CEO، marking a significant shift since Steve Jobs' era.
