InfoHub Logo

ءانشى اقبوتا كەرىمبەكوۆا بالا كۇنىنەن قالىپتاسقان ومىرلىك ۇستانىمى كەيىن تاعدىردىڭ باسقا جولعا سالعانىن ايتتى.

بۇل تۋرالى Infohub.kz اقپارات اگەنتتىگى حابارلايدى.

ءانشى «1001 ءتۇن» باعدارلاماسىنا بەرگەن سۇحباتىندا اتا-اناسىنىڭ اجىراسۋى وزىنە قاتتى اسەر ەتكەنىن جاسىرمادى. ونىڭ ايتۋىنشا، ءدال سول كەزەڭدە بولاشاقتا ەشقاشان اجىراسپايمىن دەگەن سەرت بەرگەن.

بالالىق شاقتاعى ارمان

«بالا كەزدە ەشتەڭەنى ويلامايسىڭ. اكە-شەشەڭ قاسىڭدا، بار جاعدايىڭدى جاساپ بەرەدى. ءبىراق اتا-انامنىڭ اجىراسۋى مەن ءۇشىن اۋىر سوققى بولدى. سول كەزدە وزىمە “وسكەندە تۇرمىسقا شىعامىن، ءومىر بويى ءبىر كۇيەۋمەن ءومىر سۇرەمىن، ەشقاشان اجىراسپايمىن” دەپ ءسوز بەرگەن ەدىم»، – دەدى ءانشى.

تاعدىردىڭ جازۋى

اقبوتانىڭ ايتۋىنشا، جاستايىنان كوپشىلىكتىڭ نازارىنان قاشقاقتاپ، كوزگە تۇسكىسى كەلمەيتىن. الايدا تاعدىر ونى ەل الدىنا شىعارىپ، ونەر جولىندا تانىمال ەتتى.

«بالا كۇنىمدە كوپشىلىككە ارالاسۋدان قاشاتىنمىن. “مەنى ەشكىم بايقاماسا ەكەن” دەپ ءوستىم. ءبىراق اللانىڭ قالاۋىمەن ءبارى كەرىسىنشە بولدى. بۇگىندە حالىقتىڭ الدىندا ءجۇرمىن. جەكە ومىرىمە قاتىستى ۇستانىمدارىم دا مەن ويلاعانداي بولمادى. دەگەنمەن ونىڭ دا وزىندىك قايىرى بار دەپ قابىلدايمىن»، – دەدى اقبوتا كەرىمبەكوۆا.