InfoHub Logo

تاقىرىبى: اقىلدى قاريا، اعىپ جاتقان داريا
ماقساتى: وقۋشىلارعا ۇلتتىق ءقادىر - قاسيەتتەر، يماندىلىق، ۇلكەندى قادىرلەۋ، ۇلكەنگە ىزەت، كىشىگە قۇرمەت كورسەتۋ كەرەكتىگىن ءتۇسىندىرۋ. وقۋشىلارعا ەڭبەكتى سۇيۋگە، وتانىمىزدىڭ بىلىكتى دە ءبىلىمدى ادال ازاماتى بولۋعا تاربيەلەۋ.
كورنەكىلىگى: تاقىرىپ جازىلعان پلاكات، ناقىل سوزدەر، ينتەراكتيۆتى تاقتا

بارىسى:
ءى. كىرىسپە ءسوز:
ا) كەلگەن قوناقتاردى قارسى الۋ.
ءىى. نەگىزگى ءبولىم:
ءا) قارتتارىمىز قازىنا ەكەندىگىن ءتۇسىندىرۋ؛
ب) اتالارىمىزدىڭ وقۋشىلارعا بەرەر اقىل كەڭەستەرى، وقۋشىلاردىڭ سۇراقتارى؛
ءىىى. قورىتىندى.

1 - جۇرگىزۋشى: ارمىسىزدار، قۇرمەتتى قوناقتار، اق جاۋلىقتى انالار مەن اسقار تاۋداي اكەلەر!
«اقىلدى قاريا، اعىپ جاتقان داريا» اتتى بۇگىنگى «4 گ» سىنىبىنىڭ اشىق تاربيە ساعاتىنا قوش كەلدىڭىزدەر!
قارتتارىم جۇرەكتەرىڭ نەتكەن دارحان،
كوتەرگەن تۇرمىس جۇگىن سەنىڭ ارقاڭ.
جولىڭدى ءجۇرىپ وتكەن قاراسام مەن
وقيتىن كەلەشەكتە ءبىر - ءبىر داستان.
تاڭ اتىپ كۇن دە شىققان وزدەرىڭمەن،
جالىنداپ جۇلدىز جانعان كوزدەرىڭنەن.
تەربەدىڭ كوكتەم باعىن سامال بولىپ
وسيەت جاستارعا ايتقان سوزدەرىڭمەن،- دەپ اسىل قازىنا، ارقا سۇيەر تىرەگىمىز بولىپ امان - ەسەن جۇرە بەرىڭىزدەر.

2 - جۇرگىزۋشى: 1 - قازان قارتتار كۇنى مەرەكەسى قۇتتى بولسىن! نەتكەن شىركىن ۋاقىت دەسەڭشى، وسىلايشا ورتامىزدا جۇرگەن قاريالارىمىزدىڭ ءبىر كەزدە ەلى، حالقى، كەلەشەك ۇرپاعى ءۇشىن جاساعان يگى ىستەرى ەرەكشە ورىن الادى. قازىرگى كەزدە ءبىزدىڭ مەملەكەتىمىزدە قارتتارعا ۇلكەن ءمان بەرىپ، كوڭىل اۋدارىپ، جان - جاقتى ۇكىمەت تاراپىنان قامقورلىق جاسالۋدا. قازاقستاننىڭ ءوسىپ - وركەندەۋىنە، ەلىمىزدىڭ بەيبىتشىلىك تىنىش ءومىر كەشۋىنە ءوز ۇلەستەرىن قوسقان وسى ارداقتى دا اياۋلى قارتتارىمىزدىڭ ارقاسى دەپ ەسەپتەيمىز

1 - جۇرگىزۋشى: حالقىمىزدىڭ ءتالىم – تاربيەسى انانىڭ اق سۇتىمەن، اجە ونەگەسىمەن، اتالار اقىلىمەن بەرىسىپ، وزىندىك قاسيەتىمىزدى قالىپتاستىرۋ كوزدەلگەن. ەندەشە تاقپاقتار بولىمىنە قۇلاق تۇرەلىك.
اسەل: كوپ جاساعان قاريا -
اقىلى تەڭىز داريا. كوپ ونەگە ءسوزى بار، ءسوزى – سوقپاق، ءسوزى - ءنار اتا سالتى اردىقتى ءاربىر ءسوزى سالماقتى
راحيم. كىم دە كىمنىڭ ۇيىندە قارتايىپ وتىرعان اكە - شەشەسى نەمەسە اتاسى مەن اجەسى سەكىلدى قىمباتتى «قوناعى» بولسا، ەگەر ءۇيدىڭ يەسى ولارعا دۇرىس قاراپ، قامقورلىق جاساسا، قارتايعان اتا - اناسى ونىڭ وتباسىنىڭ قۇتى بولىپ تابىلادى.
قارت كىسىنى قۇت - بەرەكە دەپ تانىساق - ول ۇرپاق كورەگەندىگى. ۇرپاعى قۇرمەتتەگەن اتا - انا ءار كەزدە دە باقىتتى.
ءبىزدىڭ سىنىپ وقۋشىلارىنىڭ اتا – اجەلەرى بۇگىن بىزدە قوناقتا

ايارۋ:
ءسال ەڭكەيگەن نۇر جۇزىنەن ءال تايىپ،
قۋات كەتىپ بارا جاتىر قارتايىپ.
جەتپىستەر مەن سەكسەندەر ءجۇر قالقايىپ.
كوڭىل جەتىم بولماعان سوڭ سىڭارى،
وتباسىندا، بالا – شاعا قاسىندا
جاس بالاداي جاۋتاڭداعان جانارى،
قايتا – قايتا قاراعىڭ كەپ تۇرادى،

پەريزات: قاعىس ەستىپ قالباقتايدى بالاداي
نيەتى اق، كونىلى كەڭ دالاداي
ماپەلەڭدەر قارت بىتكەندى ايالاپ
كىمگە بولسىن قارتتىڭ جەتەر اياڭداپ

2 جۇرگىزۋشى: قازاقتار – « تورىڭنەن قارت كەتپەسىن» دەپ تىلەگەن حالىق. جاسى ۇلكەنگە قۇرمەت ەتۋ، قارتتىڭ بۇگىلگەن بەلىنە سۇيەۋ بولۋ – ءبىزدىڭ اتا ءداستۇرىمىز.
ءوزىڭدى ومىرگە كەلتىرگەن، تىرشىلىگىڭە ءنار بەرگەن اتا - انانىڭ الدىندا ادامنىڭ پارىز - مىندەتى ولشەۋسىز.
1 - جۇرگىزۋشى: قازاق عۇرپىنداعى اتا - انانىڭ العان ەرەكشە بيىك ورنى، ءقادىر – قاسيەتى مول! انانىڭ اق ءسۇتىن، اكەنىڭ ادال كۇشىن اقتاۋ – ءوز بولاشاعىڭدى ساقتاۋ.
2 جۇرگىزۋشى: تەربەتىپ اق بەسىكتە ايالادىڭ،
بويداعى ىزگىلىكتى ايامادىڭ.
اناشىم ءوزىڭسىڭ عوي سۇيەنەرىم،
اناشىم ءوزىڭسىڭ عوي سايا باعىم
كەلەسى كەزەكتى «اناشىم» انىنە بەرەمىز.
1 جۇرگىزۋشى: ءومىر وتى ەرتە وشىرىلمەسە، ادام بالاسىنىڭ قارتايۋى تابيعي زاڭدىلىق. قارتتاردىڭ تىلەگى – ەل اماندىعى، جۇرت تىنىشتىعى. ولار بۇگىنگىسىن عانا ويلامايدى، وتكەن ءومىر جولىن زەردەلەپ، الدىن بولجاۋعا تىرىسادى. قارتتار – كىسىلىكتىڭ تورەسى.
2 - جۇرگىزۋشى: كورىنىس «كارت پەن نەمەرە»
ورىس جازۋشىسى ليەۆ تولستويدىڭ «قارت پەن نەمەرە» مىسالى ەستەرىڭدە مە؟ ءبىر ۇيدە ءتورت ادام. اتا، بالا، كەلىن، نەمەرە. كارى كىسى تارەلكەنى سىندىرىپ الادى دەپ، كەلىنى اتاسىنا تاماقتى تەمىر تاباقپەن بەرەدى. ءبىر كۇنى شالدىڭ نەمەرەسى اعاش جونىپتى.
اكە - شەشەسى:
- بالام، نە ىستەپ وتىرسىڭ؟- دەپ سۇرايدى.
- ەرتەڭ سەندەر قارتايىپ، اتام سياقتى بولعاندا تاماق ىشەتىن اعاش استاۋ جاساپ وتىرمىن، – دەپتى بالاسى.
«اتاڭا نە قىلساڭ، الدىڭا سول كەلەدى» دەگەن ءسوز بار. جاستارىمىز اتا - اناسىنىڭ ءقادىرىن كەش بولماي تۇسىنسە ەكەن. قارتتارى بار ەل - باقىتتى ەل.
1 - جۇرگىزۋشى: ۇلكەندىكتەن ەشكىم قۇتىلا الماعان. ءبىراق كارىلىكتىڭ ءوزىنىڭ ءسانى – ءمانى بار.
ۇلىقپان حاكىم مىڭ جاساعان دەيدى، ەشكىم مىڭ جاسامايدى، تەك ءوسىپ - ونگەن، تاربيەلى ۇرپاعىمەن مىڭ جاسايدى. يا، ۇرپاعىنىڭ ءوسىپ، جەتىلىپ، اينالاسىنا ءۇيىرىپ وتىرعان كورەگەن قاريادا نە ارمان بار؟
2 - جۇرگىزۋشى: قازاقتىڭ باسقا حالىقتاردان ايىرماشىلىعى – “ۇرپاعىم” دەپ شىر - پىر بولاتىنى. ول ءۇشىن كوزسىز كوبەلەكتەي وتقا تۇسەتىنى. بۇل - ءبىزدىڭ ەڭ ۇلى ۇلتتىق قاسيەتتەرىمىزدىڭ ءبىرى. ال ۇرپاقتىڭ اتا - انا الدىنداعى بورىشىن وتەۋ ءۇشىن جاساپ جاتقان ىنتا - جىگەرى مەملەكەتتىك دەڭگەيدە قولداۋ تاۋىپ، زەينەتكەرلەرگە جاعداي جاساۋ. پرەزيدەنتىمىزدىڭ جىل سايىنعى حالىققا
جولداۋىندا ارنايى قارالىپ، ولارعا قامقورلىق ەل ەكونوميكاسىنىڭ وسىمىمەن قاتار ءوسىپ كەلەدى.
سۇراق - جاۋاپ.
1 - جۇرگىزۋشى: كەلەسى كەزەكتە بەينە كورىنىسكە نازار اۋدارايىق
(سۇراق جاۋاپ)
2 - جۇرگىزۋشى: ەندەشە جۇماعالي اسەمايدىڭ مانەرلەپ وقۋىندا م. ماقاتايەۆتىڭ «مەن قارتتاردى سۇيەمىن» ولەڭىن تىڭدايىق
1 - جۇرگىزۋشى: باتالى قۇل – ارىماس،
باتاسىز قۇل جاراىماس
باتامەن ەل كوگەرەدى – دەيدى دانا حالقىمىز
2 - جۇرگىزۋشى: باتا حالىقتىڭ رۋحاني كۇش الاتىن قۇدىرەتتى سەنىم كۇشى جانە جاقسىلىقتىڭ باستاۋى. ول ەل سەنىمىن اقتايتىن ابزال ازاماتتارعا، تالانتى جاستارعا، كوپتىڭ جۇگىن كوتەرگەن، ادامدارعا، جاس سابيگە، نەمەسە ۇلكەندەر جاقسى ىسىنە ريزا بولعان جاعدايلاردا بەرىلەتىن ۇلى ادامدار مەن اقساقالداردىڭ اق تىلەگى، ءارى ومىرلىك جولداماسى.
باتاعا كەزەك بەرەيىك!
1 - جۇرگىزۋشى
اتا - اناعا نە ىستەسەڭ، الدىڭا سول قايتادى. دۇنيە كەزەك. سەن ءومىر بويى جاس بولىپ تۇرمايسىڭ. سەن اتا - اناڭدى سىيلاساڭ، سەنىڭ بالالارىڭ دا قارتايعاندا ءوزىڭدى ايالاپ كۇتىپ، باعىپ - قاعاتىن بولادى.
بۇگىنگى جاس ۇرپاقتى سوناۋ زامانداردان جيناقتالعان اتا – بابالارىمىزدىڭ مول مۇراسى مەن سۋسىنداتۋ ءبىزدىڭ مىندەتىمىز. ۇلدىڭ باتىر، قىزدىڭ ادەپتى بولىپ قالىپتاسۋى، بابالار مۇراسىنا بايلانىستى. دەمەك، بابالارىمىزدىڭ ونەگە وسيەتىن پايدالانا وتىرىپ تاربيەلەۋ ۇلتتىق تۇلعانى قالىپتاستىرادى
قۇرمەتتى قوناقتار، سىزدەردىڭ ۋاقىت ءبولىپ كەلگەندەرىڭىزگە كوپ راحمەت.
ءان: «اتا – اجە»