InfoHub Logo

اقمولا وبلىسىنداعى كوكشەتاۋ قالاسى، بۋراباي جانە زەرەندى اۋداندارىندا العاشقى قوقىس سۇرىپتاۋ جانە قايتا وڭدەۋ زاۋىتتارىنىڭ قۇرىلىسى باستالدى. بۇل جوبا وڭىردە قالدىقتاردى باسقارۋدىڭ زاماناۋي جانە ەكولوگيالىق ءقاۋىپسىز جۇيەسىن قالىپتاستىرۋعا سەرپىن بەرەدى.

بۇل تۋرالى Infohub.kz اقپارات اگەنتتىگى حابارلايدى.

جوبانى «ەكو DUMP» ج ش س جۇزەگە اسىرۋدا. كەلىسىمشارت بيىل اقپان ايىندا وبلىس اكىمدىگى مەن كومپانيا اراسىندا مەملەكەتتىك-جەكەمەنشىك ارىپتەستىك اياسىندا جاسالعان. بارلىق ءۇش زاۋىتتىڭ جىلدىق جوبالىق قۋاتتىلىعى – 150 مىڭ توننا قوقىس.

زاۋىتتاردىڭ ورنالاسۋى جانە قۋاتتىلىعى

كوكشەتاۋ قالاسىندا جىلىنا 70 مىڭ توننا وڭدەيتىن ءبىر كەشەن، ال بۋراباي جانە زەرەندى اۋداندارىندا ءارقايسىسى جىلىنا 40 مىڭ توننالىق ەكى كەشەن ورنالاسادى. مۇندا قالدىقتاردى سۇرىپتاۋ، قايتا وڭدەۋ جانە زالالسىزداندىرۋدىڭ وزىق تەحنولوگيالارى قولدانىلماق.

تۋريستىك ايماقتارعا ەرەكشە نازار

«بۇل ورىندار كەزدەيسوق تاڭدالعان جوق. كوكشەتاۋ – وبلىس ورتالىعى، حالقى ەڭ كوپ شوعىرلانعان جەر. ال بۋراباي مەن زەرەندى – تۋريستىك ورىندار، ولارعا كەلۋشىلەر سانى كوپ بولعاندىقتان، انتروپوگەندىك جۇكتەمە جوعارى. سوندىقتان ءبىز بۇل اۋماقتا ەلەكتر قۋاتىمەن جۇرەتىن قوقىس تاسيتىن كولىكتەردى قولدانۋ بويىنشا پيلوتتىق جوبانى ىسكە اسىرۋدى قاراستىرىپ وتىرمىز»، – دەيدى اقمولا وبلىسى تابيعي رەسۋرستار جانە تابيعاتتى پايدالانۋدى رەتتەۋ باسقارماسى باسشىسىنىڭ ورىنباسارى باتىرجان ابىلپەيىسوۆ.

جوبا اياسىندا بوروۆوە، ششۋچە، ۇلكەن جانە كىشى چەباچە، قاتاركول كولدەرىنىڭ جاعالاۋلارىندا جانە ىرگەلەس ەلدى مەكەندەردە قالدىقتاردى بولەك جيناۋ ۇيىمداستىرىلادى.

قالدىقتاردى وڭدەۋدىڭ جاڭا مۇمكىندىكتەرى

جوبادا پلاستيك، ورگانيكالىق قالدىقتار، قاعاز بەن كارتون، مەتالل، شىنى، اعاش جانە قۇرىلىس قالدىقتارى سياقتى نەگىزگى فراكسيالاردى ءبولۋ ارقىلى كەشەندى سۇرىپتاۋ قاراستىرىلعان. پلاستيكتى قايتا وڭدەۋ ارقىلى پەت-گرانۋليات الۋ جوسپارلانۋۋدا. ورگانيكالىق قالدىقتار مەن قوقىستى ەلەۋدەن وتكىزۋ كەزىندە پايدا بولاتىن قالدىقتار ءۇشىن اناەروبتى بيوتەرميالىق ىدىراتۋ تەحنولوگياسىمەن جۇمىس ىستەيتىن كليماتتىق كامەرالار قۇرىلادى. ونىڭ ناتيجەسىندە بيوگۋمۋس، تەحنوگرۋنت جانە RDF-وتىن وندىرۋگە ارنالعان كومپونەنتتەر، سونداي-اق بۇرىنعى جانە جابىق پوليگونداردى قالپىنا كەلتىرۋگە پايدالانىلاتىن ينەرتتى ماتەريال الىنادى.

«RDF-وتىن – بۇل سەمەنت زاۋىتتارىندا قولدانىلاتىن، زالالسىزداندىرىلعان قۇرعاق فراكسيا. ويتكەنى سەمەنت پەشتەرىندەگى تەمپەراتۋرا 1200 گرادۋستان اسادى. قازىرگى ۋاقىتتا سەمەنت زاۋىتتارى قاۋىمداستىعى RDF-قالدىقتى وتىن رەتىندە قولدانۋ بويىنشا ۇلتتىق ستاندارتتى ازىرلەۋگە تاپسىرىس بەردى. جىل سوڭىنا دەيىن ستاندارت كۇشىنە ەنەدى دەپ كۇتىلۋدە. سونداي-اق، جەكە كليماتتىق كامەرالاردا تىڭايتقىش پەن ۇساقتالعان جاپىراقتار مەن بۇتاقتار ارالاسقان قالدىقتار وڭدەلەدى. بۇل جوعارى ساپالى تىڭايتقىش – بيوكومپوست بەرەدى. ءبىزدىڭ ماقساتىمىز – «پوليگون» دەگەن ۇعىمنان تولىق باس تارتۋ، ەشقانداي قالدىق جەرلەنبەۋى ءتيىس»، – دەيدى «ەكو DUMP» ج ش س ديرەكتورى ءماريام ابىشيەۆا.

جوبانىڭ جالپى قۇنى – 7،2 ملرد تەڭگە. ونىڭ 70%-ى «ونەركاسىپتى دامىتۋ قورى» اق ارقىلى «جاسىل دامۋ» اق قاراجاتى ەسەبىنەن، 30%-ى اقمولا وبلىسى اكىمدىگىمەن جاسالعان ءمجا اياسىندا قارجىلاندىرىلادى.

قۇرىلىس جۇمىستارىن جىل سوڭىنا دەيىن اياقتاپ، 2027 جىلدىڭ ءبىرىنشى توقسانىندا زاۋىتتاردى پايدالانۋعا بەرۋ جوسپارلانۋدا. ءۇش زاۋىتتا 150 جاڭا جۇمىس ورنى اشىلادى.