tengrinews.kz
اقش ايعا تۇراقتى بازا سالۋدى جوسپارلاپ وتىر: 200 ميلليارد دوللارعا
امەريكا قۇراما شتاتتارى ايعا تۇراقتى بازا سالۋدى كوزدەپ وتىر. بۇل جوبانىڭ قۇنى شامامەن 200 ميلليارد دوللارعا باعالانادى. NASA باسشىسى دجارەد ايزەكمان بۇل تۋرالى مالىمدەپ، اگەنتتىكتىڭ اي وربيتاسىنداعى عارىش ستانسياسىن قۇرۋ جوسپارىنان باس تارتىپ، ونىڭ كومپونەنتتەرىن اي بەتىندەگى بازانى سالۋعا پايدالاناتىنىن ايتتى.
بۇل تۋرالى Infohub.kz اقپارات اگەنتتىگى حابارلايدى.
NASA ايدى يگەرۋ ستراتەگياسىن تۇبەگەيلى وزگەرتىپ، وربيتالىق ستانسيا ەمەس، اي بەتىندەگى تۇراقتى بازا قۇرۋعا باسىمدىق بەرمەك. بۇل باعدارلاما ادامزاتتىڭ مارسقا ۇشۋىنا دايىندىق ماقساتىن كوزدەيدى.
بازا قۇرىلىسىنىڭ كەزەڭدەرى
جوبا ءۇش كەزەڭنەن تۇرادى. ءبىرىنشى كەزەڭدە جەردەگى بازالىق ەنەرگيا، عىلىمي جانە كوممۋنيكاسيالىق ينفراقۇرىلىمدى قۇرۋ ءۇشىن قاجەتتى جەر ءۇستى كولىگى ايعا جەتكىزىلەدى.
ەكىنشى كەزەڭدە ايدا ادام ومىرىنە قولايلى ينفراقۇرىلىم مەن لوگيستيكانى قۇرۋ كوزدەلەدى. ال سوڭعى كەزەڭدە ادامنىڭ اي بەتىندە ۇزاق ۋاقىت بولۋىنا مۇمكىندىك بەرەتىن بازا تولىققاندى جۇمىس ىستەيتىن بولادى. بولاشاقتا اي بەتىندە تۇرعىن ۇيلەر مەن كولىكتەر دە پايدا بولۋى مۇمكىن.
بۇل وزگەرىستەر "ارتەميدا" جوباسى اياسىنداعى ميللياردتاعان دوللارلىق كەلىسىمشارتتارعا دا اسەر ەتەدى.
-
«مۋزارت» توبىنىڭ ءانشىسى ساكەن مايعازييەۆتىڭ وتباسىنداعى قىزىقتى ءسات الەۋمەتتىك جەلىدە كوپشىلىكتىڭ نازارىن اۋداردى.
-
NASA shifts strategy، prioritizing a permanent lunar base over an orbital station، a move expected to cost $200 billion and span seven years.
