Photo: Fahrettin Turgut (https://www.pexels.com/@fahrettin) / Pexels
اقش اۋەجايىندا جولاۋشىلار ۇشاعى ۇشۋ جولاعىنداعى ادامدى قاعىپ كەتتى
اقش-تىڭ دەنۆەر حالىقارالىق اۋەجايىندا Frontier Airlines اۋە كومپانياسىنىڭ جولاۋشىلار ۇشاعى ۇشۋ جولاعىندا جۇرگەن ادامدى قاعىپ كەتتى. وقيعا 8 مامىر كۇنى كەشكى ۋاقىتتا بولعان.
لوس-اندجەلەس باعىتىندا ۇشىپ شىقپاق بولعان Airbus A321 ۇشاعى ەكپىن الىپ كەلە جاتقاندا، جولاقتاعى ادامدى باسىپ وزدى. سوققى سالدارىنان ادام سول جەردە كوز جۇمدى. دەنە بولىگى ۇشاق قوزعالتقىشىنا ءتۇسىپ، قىسقا ۋاقىتقا ءورت شىققانى حابارلاندى. ءورت سوندىرۋشىلەر جالىندى تەز ارادا اۋىزدىقتادى.
ۇشاق بورتىندا 224 جولاۋشى مەن 7 ەكيپاج مۇشەسى بولعان. وقيعادان كەيىن ۇشقىشتار ۇشۋدى توقتاتۋ تۋرالى شەشىم قابىلدادى. جەلىدە تاراعان ەكيپاج بەن ديسپەچەر اراسىنداعى اڭگىمە جازباسىندا ۇشقىشتىڭ «ءبىز بىرەۋدى قاعىپ كەتتىك… قوزعالتقىشتا ءورت شىقتى» دەگەن سوزدەرى ەستىلەدى. ۇشاق ىشىندە ءتۇتىن پايدا بولعاندىقتان، جەدەل ەۆاكۋاسيا جۇرگىزىلدى. جولاۋشىلار ۇرلەمەلى تراپتار ارقىلى ۇشۋ جولاعىنا ءتۇسىرىلىپ، كەيىن اۆتوبۋستارمەن تەرمينالعا جەتكىزىلدى.
الدىن الا مالىمەت بويىنشا، ءبىر جولاۋشى جەڭىل جاراقات العان. بارلىق جولاۋشىلار مەديسينالىق تەكسەرۋدەن ءوتتى. Frontier Airlines كومپانياسى وقيعانىڭ ءمان-جايىن انىقتاۋ ءۇشىن اۋەجاي جانە قاۋىپسىزدىك قىزمەتتەرىمەن بىرلەسىپ جۇمىس ىستەپ جاتقانىن حابارلادى. ءقازىر دەنۆەر پوليسياسى مەن اقش-تىڭ ۇلتتىق كولىك قاۋىپسىزدىگى كەڭەسى تەرگەۋ جۇرگىزىپ جاتىر.
-
كازاحستانسكيي بوەس UFC اسۋ المابايەۆ راسشيرياەت سۆويۋ كارەرۋ، پودپيساۆ سوگلاشەنيە س پروموۋشەنوم Real American Freestyle (RAF).
-
A Frontier Airlines flight experienced a tragic incident at Denver International Airport when its plane struck an individual on the runway، leading to an emergency evacuation.
