اقش عالىمدارى تاريحتان تىرىلتكەن جىرتقىش: جويقىن قاسقىرعا جاڭا تىنىس بەرىلدى
ادامزات بالاسى عىلىمنىڭ جاڭا بەلەسىنە تاعى ءبىر مارتە كوتەرىلدى. اقش-تاعى عالىمدار سوناۋ مۇز داۋىرىندە، ياعني شامامەن 12 مىڭ جىل بۇرىن جەر بەتىنەن جويىلىپ كەتكەن جويقىن قاسقىردى (dire wolf) قايتا ءتىرىلتتى. قيال-عاجايىپ فيلمدەردەن كورىپ ۇيرەنگەنىمىز شىندىققا اينالىپ وتىر.
بيوتەحنولوگيا سالاسىندا جەتەكشى ورىن الاتىن Colossal Biosciences كومپانياسى بۇل جوبانى جۇزەگە اسىرۋ ءۇشىن بىرنەشە جىلىن سارپ ەتكەن. ماماندار اقش-تىڭ ءار تۇكپىرىندەگى مۋزەيلەرمەن بىرلەسىپ، قاسقىردىڭ دنق-سىن قۇرايتىن قۇندى قالدىقتاردى ىزدەۋمەن اينالىسقان. اقىرى، ايداحو شتاتىنان تابىلعان 72 مىڭ جىلدىق باس سۇيەك پەن وگايوداعى 13 مىڭ جىلدىق ءتىس ولاردىڭ ەڭ ماڭىزدى جاڭالىعىنا اينالدى.
عالىمدار بۇل جاڭالىق ارقىلى تەك وتكەندى ءتىرىلتۋدى عانا ەمەس، ەكوجۇيەنى قايتا قالپىنا كەلتىرۋدىڭ جولىن دا قاراستىرۋدا. جويقىن قاسقىردىڭ ەرەكشەلىگى – ءىرى دەنەلى، توزىمدىلىگى جوعارى جانە ءوز ءداۋىرىنىڭ ەكوجۇيەسىندە باستى جىرتقىش رەتىندە ورنى بولعان. ەندى وسى جىرتقىشتىڭ گەنەتيكالىق ۇرپاعى زاماناۋي عىلىمي تاسىلمەن قايتا جاندانىپ وتىر.
جوبا ازىرگە تولىق اياقتالماعانىمەن، العاشقى جەتىستىكتەر الەم عىلىمىنا ۇلكەن سەرپىن بەرىپ، جاڭا ەتيكالىق جانە ەكولوگيالىق تالقىلاۋلارعا جول اشتى. عىلىم ادامزات تاريحىن قايتا جازۋعا قانشالىقتى دايىن – بۇل ەندى ۋاقىت ەنشىسىندەگى ساۋال.
You Might Also Like
-
بۇگىن ۇكىمەت وتىرىسىندا قازاقستاننىڭ جاڭا ەنەرگەتيكا ءمينيسترى ەرلان اقكەنجەنوۆ سالتاناتتى تۇردە انت قابىلدادى. ول ادال قىزمەت ەتۋگە ۋادە بەرىپ، وزىنە جۇكتەلگەن مىندەتتەردى اتقارۋعا دايىن ەكەنىن ءمال...
-
الماتى قالاسىندا جانتۇرشىگەرلىك جول-كولىك وقيعاسى ورىن الدى. جۇك كولىگى جەتى جاسار بالانى قاعىپ كەتكەن. وقيعا قالانىڭ تۇرعىن اۋداندارىنىڭ بىرىندە بولعان.
